Zɔɔre Naŋ Be Middle East Paaloŋ—Wala Ka A Baabole Yelkyaare A Yɛlɛ Ŋa?

Zɔɔre naŋ be United States, Israel, ane Iran kpakyagaŋ na vɛŋɛɛŋ ka dabeɛ̃ kpɛ noba naŋ be a donɛɛ lombori zaa. A zɔɔre ŋa na leɛ la zɔɔ-kpoŋ a lɔŋ kpɛ paalonne mine bee? Gɔmenantere na baŋ vɛŋeŋ ka a zɔɔre baare ka lɛ vɛŋ ka emmaaroŋ be zie zaa bee?

Noba naŋ baŋ Baabole daŋyelbo na teɛre ka aminekaŋaŋ, a Middle East zɔɔre na la Hammagedon zɔɔre na a Yel-iriwulaa gane naŋ yeli o yɛlɛ na piilee.

Wala ka a Baabole yelkyaare a yɛlɛ ŋa?

Gɔmenantere na baŋ vɛŋeŋ ka Middle East zɔɔre na baare bee?

A Baabole yeleeŋ ka: “Ta dɛle nembɛrɛ bee nensaalaa, bama eŋɛŋ sommo kyebe.”—Yieme 146:3.

Te ba baŋ te baare ka gɔmenantere na baŋ vɛŋeŋ ka emmaaroŋ be Middle East. Kyɛ a Baabole vɛŋɛɛŋ teŋ baŋ ka politics wedeɛreba, nensaalaa gɔmenantere bee neŋ sugu zaa kyebe a na baŋ vɛŋ ka zɔɔre baare kyɛ ka emmaaroŋ meŋɛmeŋɛ bebe tegitegilɛ. Naaŋmen yoŋ la na baŋ vɛŋ “ka zɔɔre baare a tendaa lombori zaa.”—Yieme 46:9.

• Ka hooŋ boɔrɔ ka baŋ ho yɛlɛ yaga poɔ, kanne a Kaakaara Ziduoruu yelzu naŋ la “An End to War—How?”

Middle East zɔɔre na vɛŋɛɛŋ ka Baabole daŋyelbo nyɛ eebo bee?

A Baabole yeleeŋ ka: “Yɛ na wono la zɔɔre yɛlɛ ane zɔɔre yɛlɛ ba naŋ moɔlɔ. . . . Paaloŋ na maŋ iri zɔɔrɔ neŋ la o tɔ paaloŋ, ka namine meŋ iri zɔɔrɔ neŋ taa.”—Matio 24:6, 7.

Zɔɔre ba naŋ zɔɔrɔ Middle East pampana ŋa na e la yɛlɛ na kaŋa naŋ wuli ka “a donɛɛ baaroo taɛ la” ane meŋ a lɛ wuleeŋ ka te be la “a bebi-baaree saŋa.” (Matio 24:3; 2 Timoti 3:1) Zɔɔre teŋ nyɛrɛ zenɛ ŋa na wuleeŋ ka a koŋ kɔɔre Naaŋmen na iree zɔɔre ane dɔgɛɛ na zaa nensaaleba naŋ dire na bare.

• Ka hooŋ boɔrɔ ka ho baŋ yɛlɛ yaga poɔ, kanne a zannoo yɛlɛ ŋa “What Is the Sign of ‘the Last Days,’ or ‘End Times’?”

Hammagedon na piilee Middle East Paaloŋ bee?

A Baabole yeleeŋ ka: “Ba da laŋ ba la taa a zie na ba naŋ boɔlɔ a Hiburu kɔkɔre poɔ ka Hammagedon.”—Yel-iriwulaa 16:16.

A Hammagedon zɔɔre ba e zɔɔre naŋ na be nensaaleba gɔmenantere kpakyagaŋ naŋ na piili Middle East paaloŋ. A na eɛ zɔɔre naŋ na be gɔmenantere naŋ be a donɛɛ lombori zaa ane Naaŋmen kpakyagaŋ.

• Ka hooŋ boɔrɔ ka ho baŋ yɛlɛ yaga poɔ, kanne a zannoo yɛlɛ ŋa “What Is the Battle of Armageddon?”

Boŋ na baŋ soŋ te ka te e bɔin?

A Baabole yeleeŋ ka: “Yɛ ta vɛŋ ka yelzaa dɔɔnɔ yɛ, kyɛ a yi yelzaa poɔŋ yɛ maŋ tu puoro eŋɛŋ, koŋ sɔroo eŋɛŋ, bareka puoruu eŋɛŋ, kyɛ vɛŋ ka Naaŋmen baŋ yɛ yelfɛree.”​—Filipae 4:6.

Jehoovaa Naaŋmen boɔrɔŋ ka te maŋ puore sɔroo. Bonso Naaŋmen teɛrɛɛ te yɛlɛ, o na kyɛlle woŋ la te puoro, a soŋ te ka te toɔ̃ are yelzaa naŋ dɔɔnɔ te noɔreŋ. (1 Piita 5:7) Sori na kaŋa oŋ maŋ tu kyɛ soŋ te la, o maŋ soŋ teŋ teŋ baŋ ananso zɔɔre naŋ yaare zie zaa lɛ, a lɛ wuli te lɛ oŋ na vɛŋ ka zɔɔre baare ka lɛ vɛŋ ka te woore ane dɔgɛɛ zaa baare.​—Yel-iriwulaa 21:3, 4.

• Ka hooŋ boɔrɔ ka ho baŋ yɛlɛ yaga a kyaare lɛ Naaŋmen naŋ maŋ e a soŋ te, kanne a zannoo yɛlɛ ŋa“You Can Find Words of Comfort in the Bible.”