ZANNOO 03
Ho Na Toɔ̃ Dɛlɛɛ A Baabole Bee?
A Baabole taa la noɔre emmo yaga ane kawan-sonne yaga. Aminekaŋaŋ, ho boɔrɔŋ ka ho baŋ yɛlɛ naŋ be a Baabole poɔŋ, kyɛ kaapɔge a e la kpeɛŋaa ko bo ka ho sage a Baabole di. Ho na toɔ̃ dɛlɛɛ noɔre emmo ane kawane naŋ be a gaŋ-koroo ŋa poɔŋ bee? A Baabole na toɔ̃ soŋ teŋ ka te taa zeŋ laafeɛ pampana bee? Ho na baŋ sagɛɛ yɛlɛ na meŋ a Baabole naŋ yel kyaare nendaare kaŋa na di bee? Noba turituri yaga sagɛɛ a Baabole di. Yɛ vɛŋ ka te zanne nyɛ ka te meŋ na baŋ sagɛɛ a Baabole di bee.
1. Yɛlɛ naŋ be a Baabole poɔ na e la yelmeŋɛ bee a e la sensellɛ?
A Baabole yeleeŋ ka yɛlɛ naŋ be o poɔŋ na e la “yelmeŋɛ yelbie naŋ tori.” (Ikilisiasitiz 12:10) A Baabole wulee yɛlɛ naŋ da e meŋɛmeŋɛ, ka noba na meŋ a Baabole naŋ yel ba yɛlɛ na da bebe meŋɛmeŋɛ. (Kanne Luka 1:3; 3:1, 2.) Noba naŋ sɛgrɛ takoreŋ yɛlɛ ane yelpeɛreba yaga zie wa nyɛɛŋ ka yɛlɛ na a Baabole naŋ yel kyaare noba mine, ziiri mine, yɛlɛ mine naŋ e ane saŋa mine na sereŋ eɛ yelmeŋɛ.
2. Aneazaa ka a Baabole e la gaŋ-koroo, kyɛ bonso teŋ na toɔ̃ dɛloo?
Saŋa na baŋ da naŋ sɛgrɛ a Baabole na, yɛlɛ yaga da be la o poɔŋ ka noba yaga da ba baŋ a lɛ saŋa na. Aŋa mannoo poɔŋ, a Baabole yelee science yɛlɛ. Noba yaga da ba sage yɛlɛ na a Baabole naŋ yel kyaare science na di. Kyɛ, science noba naŋ bebe zenɛ ŋa meŋɛ wa nyɛɛŋ ka yɛlɛ na a Baabole naŋ yel kyaare science yɛlɛ na e la yelmeŋɛ. Yɛlɛ na a Baabole naŋ yel na “be la dɛlebo wagre zaa, a yi pampana ŋa a gɛrɛ wagre naŋ ba taa baaraa.”—Yieme 111:8.
3. Bonso teŋ na baŋ dɛle yɛlɛ na a Baabole naŋ yel kyaare nendaare kaŋa na?
A Baabole taaɛ daŋyelboa a kyaare “yɛlɛ aŋ naŋ ba e.” (Aizeeya 46:10) A Baabole daŋyelee yɛlɛ yaga biŋ sɛre kyɛ aŋ wa nyɛrɛ eebo. Yɛlɛ na zaa naŋ erɛ zenɛ ŋa na, lɛ neŋ o zu ka a Baabole yelbiŋ ka a na erɛŋ. A zannoo ŋa poɔŋ, te na zannɛɛ a Baabole daŋyelbo mine yɛlɛ. Lɛ na a Baabole daŋyelbo naŋ maŋ nyɛ eebo kpɛlɛŋkpɛlɛŋ na e la nɔmãã yaga!
ZANNE YƐLƐ YAGA POƆ
Ho na zanne nyɛɛ lɛ a Baabole neŋ Science naŋ kyaare taa, ane Baabole daŋyelbo mine naŋ toɔrɔ sukyiri yaga.
4. Science neŋ a Baabole kyaarɛɛ taa
Takoreŋ saŋa na, noba yaga da sagedieŋ ka a teŋgane dɔglɛɛ bonkaŋa zuŋ. Ŋmɛ a VIDIO.
Nyɛ lɛ ba naŋ sɛge eŋ a Gyoob gane poɔŋ yuomo 3,500 naŋ pare. Kanne Joob 26:7, a kyɛ gyieli a soorebiri naŋ tu na yɛlɛ:
Bonso ka lɛ na a Baabole naŋ yelka a teŋgane “kyage la zikpaleŋ” na e seɛlee yaga?
Yuomo 200 naŋ wa pare la ka nensaaleba baŋ lɛ saa naŋ maŋ e wa. Kyɛ hooŋ nyɛ lɛ a Baabole naŋ yel yuoŋ turituri mine naŋ pare. Kanne Joob 36:27, 28, a kyɛ gyieli a soorebie naŋ tu na yɛlɛ:
Bonso ka ho poɔ pɛle yaga neŋ lɛ a Baabole naŋ manne wuli lɛ saa naŋ maŋ e wa na yɛlɛ?
A sɛgre ŋa ho naŋ kanne pampana ŋa na vɛŋɛɛŋ hoŋ sage a Baabole di yaga zaa bee?
5. A Baabole daŋyelee yelnimizeere mine naŋ na e a biŋ
Kanne Aizeeya 44:27–45:2, a kyɛ gyieli a soorebiri naŋ tu na yɛlɛ:
Yuomo 200 sɛre kyɛ baŋ na sãã Baabilɔŋ na, bo yɛlɛ ka a Baabole da yel kyaare Baabilɔŋ saammo yɛlɛ?
Takoreŋ yɛlɛ wuleeŋ ka Peerisiya Naa Sairus neŋ o sogyare da te sãã la Baabilɔŋ teŋkpɛŋ na yuoni 539 B.C.E.b Ba da kyeɛ la a koɔ̃ naŋ ŋmaa gyeere a teŋkpɛŋ a go o na aŋ puo yi gaa. A Baabilɔŋ noba da ba lare ba denɔ-bɛrɛ na, lɛ zuŋ Sairus neŋ o sogyare na da wa kpɛ la a paaloŋ mɔlɔ lɛ ka ba ba zɔɔ zɔɔre zaa. Yuomo 2,500 la ŋa a pare wa gaa, kyɛ a wa ta zenɛ ŋa, Baabilɔŋ naŋ e la dabore a gaŋ. Hooŋ leɛ nyɛ lɛ a Baabole naŋ daŋyel biŋ.
Kanne Aizeeya 13:19, 20, a kyɛ gyieli a soorebiri naŋ tu na yɛlɛ:
Sobuoŋ ka lɛ na ba naŋ tu kyɛ sãã Baabilɔŋ na e sieree naŋ wuli ka a daŋyelbo nyɛɛ eebo?
Baabilɔŋ dabore naŋ be Iraq paaloŋ pampana
6. A Baabole daŋyelee yɛlɛ na zaa naŋ erɛ zenɛ ŋa na biŋ
A Baabole yelka te wagre ŋa la a “bebi-baaree saŋa.” (2 Timoti 3:1) Nyɛ yɛlɛ na mine a Baabole naŋ yelka a na erɛŋ a bebi-baaree saŋa.
Kanne Matio 24:6, 7, a kyɛ gyieli a soorebiri naŋ tu na yɛlɛ:
Bo yelnimizeere mine la ka a Baabole yelka a na erɛŋ a bebi-baaree saŋa?
Kanne 2 Timoti 3:1-5, a kyɛ gyieli a soorebie naŋ tu na yɛlɛ:
Bo gyogri mine la ka a Baabole yelka noba na taaŋ a bebi-baaree saŋa?
A gyogri ŋa bo bo ka noba wulo hoŋ nyɛ?
NOBA MINE MAŊ YELEŊ KA: “A Baabole eɛ sensellɛ gane.”
Ho meŋ teɛroŋ poɔŋ, bo sieree la wuli peɛlaaŋ ka ho na baŋ sagɛɛ a Baabole di yaga zaa?
A ZANNOO YELNIMIZEERE
Takoreŋ yɛlɛ, science, ane daŋyelbo zaa wuleeŋ ka ho na toɔ̃ dɛlɛɛ a Baabole.
Bo Hoŋ Zanne
A Baabole eɛ yelmeŋɛ gane bee sensellɛ gane?
Bo yɛlɛ poɔŋ ka science neŋ a Baabole kyaare taa?
Ho teɛre ka a Baabole maŋ yelee nendaare kaŋa yɛlɛ biŋ bee? Bonso hoŋ teɛre lɛ?
YƐLƐ MINE NAŊ LƐ BEBE
Science yɛlɛ mine be la a Baabole poɔŋ a ba tori bee?
Wala ka a Baabole yel kyaare a “bebi-baaree”?
“Baabole Daŋyelbo 6 Ho Naŋ De Ho Nimiri Nyɛ Aŋ Nyɛrɛ Eebo” (A Watchtower, May 1, 2011)
Kaa a vidio ŋa a nyɛ lɛ Baabole daŋyelbo naŋ kyaare a Giriki paaloŋ naŋ e nyɛ eebo.
Nyɛ lɛ Baabole daŋyelbo naŋ soŋ dɔɔ kaŋa oŋ leɛre teɛroŋ na oŋ da taa kyaare a Baabole na.
a Daŋyelbo eɛ duoro naŋ yi Naaŋmen zie a wulo yɛlɛ naŋ na e nendaare kaŋa.
b B.C.E. muni la, “Sɛre Kyɛ Ka Te Saŋa Ŋa Ta,” ka C.E. meŋ muni la “Te Saŋa Ŋa.”