ZANNOO 12
Boŋ Na Toɔ̃ Soŋ Bo Ka Ho Moɔ̃ Nimiri Zanna A Baabole?
Baabole zannoo taa la tɔnɔ yaga zaa. Kyɛ, wagre zaa naane aŋ na maŋ e mɔlɔ. Wagre mineŋ ho na maŋ teɛreŋ ka, ka lɛ ho na toɔ̃ moɔ̃ la nimiri zanna a Baabole yɛŋ? Kyɛ, bonso aŋ fɛre ka ho moɔ̃ nimiri zanna a Baabole? Ka a naŋ wa e tuo ko bo gba, kyɛ boŋ na toɔ̃ soŋ bo ka ho moɔ̃ nimiri zanna a Baabole?
1. Bonso ka Baabole zannoo taa tɔnɔ yaga zaa?
“A Naaŋmen yelbiri voorɔ la kyɛ tonɔ.” (Hiburu 4:12) A Baabole taa la tɔnɔ yaga, bonso o maŋ wulee lɛ Naaŋmen naŋ teɛrɛ ho yɛlɛ seŋ. A Baabole na baŋ soŋ boŋ ka ho taa bammo ane yɛŋ meŋɛmeŋɛ ane tamaa. Agaŋaazaa, o na baŋ soŋ boŋ ka ho e Jehoova zɔmeŋɛ. Ka hooŋ wa zanna a Baabole, vɛŋ ka o nyɛ faŋa ho eŋɛŋ ka lɛ vɛŋ ka ho zemmo soma.
2. Bonso aŋ seŋ ka te de a Baabole poɔ yelmeŋɛ na nimizeɛ?
A Baabole poɔ yelmenne waa ŋa bonnanee mine. Lɛŋ vɛŋ ka a Baabole yele korɔ te ka te “da yelmeŋɛ, a ta wa koɔroo.” (Yeng Yelibie 23:23) Ka teneeŋ baŋ ka a Baabole poɔ yelmenne na eɛ nimizeɛ a na soŋ teŋ ka te moɔ̃ nimiri zanna a Baabole, haali saŋa na gba teŋ wa tuoro yelkpeɛne.—Kanne Yeng Yelibie 2:4, 5.
3. Sobuo ka Jehoova na baŋ soŋ bo ka hoŋ zanna a Baabole?
Jehoova la kpeɛ̃o zaa daana, o naŋ Maale bo a e ho Zɔmeŋɛ na, o boɔrɔŋ ka o soŋ bo ka ho zanne o yɛlɛ yaga. O na toɔ̃ soŋ boŋ ka ho “boɔrɔ kyɛ tonɔ a o popɛle toma.” (Kanne Filipae 2:13.) Jehoova na toɔ̃ soŋ teŋ ka te moɔ̃ niŋe zanna a Baabole a kyɛ de yɛlɛ na teŋ zanna na meŋ tonɔ neŋ toma. Ka hooŋ boɔrɔ faŋa ka ho are yelkpeɛne bee pigrinyɛ mine noɔreŋ gba, Naaŋmen na baŋ ko boŋ a faŋa. Azuŋ, maŋ puoro sɔrɔ Jehoova ka o soŋ bo ka ho naŋ moɔ̃ nimiri zanna a Baabole.—1 Tɛsalonika 5:17.
ZANNE YƐLƐ YAGA POƆ
Zanne baŋ lɛ hoŋ na toɔ̃ zanna a Baabole saŋa na ho toma naŋ derɛ ho wagre zaa, kyɛbee saŋa na noba mine naŋ iri zɔɔrɔ ne bo na. A kyɛ nyɛ lɛ Jehoova naŋ na baŋ soŋ bo ka ho naŋ moɔ̃ nimiri zanna o yɛlɛ.
4. Vɛŋ ka ho Baabole zannoo na e nimizeɛ ko bo yaga zaa
Saŋa kaŋa te toma maŋ wa zuo teŋ, ka lɛ vɛŋ teŋ teɛre ka te koŋ toɔ̃ nyɛ wagre zanne a Baabole. Kyɛ boŋ na baŋ soŋ te? Kanne Filipae 1:10, a kyɛ gyieli a soorebie ŋa yɛlɛ:
Ho teɛre ka bo “yɛlɛŋ soma yaga zaa” te zemmo poɔŋ?
Boŋ na baŋ soŋ bo ka ho de ho Baabole zannoo na nimizeɛ yaga zaa?
Ka hooŋ ɔŋ tɛne eŋ bokiti poɔŋ ka o pa, a kyɛ lɛ de kubo meŋ eŋna, a koŋ kpɛ
Ka hooŋ daŋ de kubo eŋ bokiti poɔŋ kyɛ pãã ɔŋ tɛne eŋ, lɛ yɛŋ a tɛne na kpɛŋ. Lɛ ne o zu la, ka hooŋ “maŋ kaa-iri yeli naŋ soma” a de a lɛ yɛlɛ na de weɛ ho zemmo poɔŋ, ho na baŋ maalɛɛ a zaa kyɛ naŋ nyɛ wagre e yelyobo mine meŋ poɔ
Baabole zannoo maŋ soŋ teŋ teŋ baŋ Naaŋmen a kyɛ lɛ baŋ sori naŋ seŋ ka te tu kyɛ puoruu meŋ. Kanne Matio 5:3, a kyɛ gyieli a soorebiri ŋa yɛlɛ:
Ka te naŋ de te Baabole zannoo nimizeɛ yaga zaa, bo tɔnɔ teŋ maŋ nyɛ?
5. Are kpeɛŋaa saŋa na noba naŋ wa zɔɔrɔ ne bo
Wagre mineŋ, noba na maŋ boɔrɔŋ ka ho eŋɛ kyoɔre ka lɛ vɛŋ ka ho ta zanna a Baabole. Kyɛ, hooŋ leɛ nyɛ Francesco ewuli ŋa. Ŋmɛ a VIDIO, kyɛ gyieli a soorebie ŋa yɛlɛ.
A vidio poɔŋ, saŋa na Francesco naŋ wa yel yɛlɛ na o naŋ zanna na ko o yideme ane o zɔmenne na, wala baŋ da e ba yɛlɛ?
O naŋ da are kpeɛŋaa na zuŋ, bo maaloo oŋ da nyɛ?
Kanne 2 Timoti 2:24, 25, kyɛ gyieli a soorebie ŋa yɛlɛ:
Wala ka ho yideme ane ho zɔmenne teɛre kyaare yɛlɛ na hoŋ zanna na?
Aŋa lɛ a sɛgre naŋ yel na, ka neɛ kaŋa poɔŋ ba pɛle neŋ bo a Baabole zannoo zuŋ, wala aŋ seŋ ka ho yel ko o soba? Ka ananso la wala?
6. Ka hooŋ dɛle Jehoova o na soŋ boŋ
Ka te naŋ wa tagra peɛlɛ Jehoova yaga zaa, te na boɔrɔŋ ka te pɛlɛ o poɔ yaga zaa. Saŋa kaŋa a maŋ eɛ kpeɛŋaa ka te leɛre te eebo ka lɛ na vɛŋ ka te erɛ yɛlɛ Jehoova naŋ boɔrɔ. Ka lɛ aŋ waa ko bo, daŋ ta wa bala. Bonso, Jehoova na soŋ boŋ. Ŋmɛ a VIDIO, kyɛ gyieli a soorebie ŋa yɛlɛ.
A vidio poɔŋ, bo leɛroo la ka Jim e aŋ pɛle Jehoova poɔ yaga zaa?
Bo yɛlɛŋ pɛle ho meŋ poɔ a kyaare Jim ewuli na?
Kanne Hiburu 11:6, kyɛ gyieli a soorebie ŋa yɛlɛ:
Bo ka Jehoova na e ko noba na naŋ “boɔrɔ O yɛlɛ”—a mɔɔrɔ ka ba bammoo kyɛ pɛlɛ o poɔ na?
Aŋa lɛ hoŋ wa nyɛ na, ka hooŋ mɔɔrɔ ka ho zanne a Baabole, wala ka Jehoova maŋ teɛre kyaare bo?
AMINEKAŊAŊ NEƐ KAŊA NA SOOREŊ KA: “Bonso hoŋ zanna a Baabole?”
Wala hoŋ na iri a noɔre?
A ZANNOO YELNIMIZEERE
Aneazaa ka wagre zaa naane aŋ maŋ e mɔlɔ, kyɛ a Baabole zannoo na toɔ̃ soŋ boŋ ka ho nyɛ zeŋ laafeɛ tegitegilɛ. Moɔ̃ nimiri dɛle Jehoova, o na ko boŋ saŋyɔɔ naŋ soma.
Bo Hoŋ Zanne
Bonso ka a Baabole yelmenne e nimizeɛ ko bo?
Wala hoŋ na toɔ̃ e a “maŋ kaa-iri yeli naŋ soma”?
Bonso aŋ seŋ ka ho sɔre Jehoova ka o soŋ bo ka ho naŋ moɔ̃ nimiri zanna a Baabole?
YƐLƐ MINE NAŊ LƐ BEBE
Nyɛ soe anaare mine naŋ soŋ noba yaga baŋ toɔ̃ de ba wagre toŋ ne toma soŋ.
“Lɛ Hoŋ Na Baŋ De Ho Wagre Toŋ Ne Toma Soŋ” (Awake!, February 2014)
Nyɛ lɛ Jehoova naŋ da soŋ pɔge kaŋa saŋa na o serɛ naŋ ba baŋ ananso o naŋ mɔɔrɔ ka o pɛlɛ Naaŋmen poɔ na.
Nyɛ lɛ dɔɔ kaŋa naŋ nyɛ tɔnɔ a yi o pɔge kannyiri diibu zuŋ.
Noba yaga maŋ yeleŋ ka Jehoova Sieree Deme maŋ wɛlɛɛ booree. Kyɛ a yɛlɛ ŋa eɛ yelmeŋɛ bee?
“Jehoova Sieree Deme Maŋ Wɛlɛɛ Booree Bee Ba Maŋ Tage La Booree Deme Lantaa?” (Intanɛt zu gane)