Iobu

 2 “Maine atreine ju ni bëeke kowe la itre treu ekö,

Lo itre drai ne Akötresieti a thupë ni,

 3 Ngöne lo nyidrëti a amelene la laame i nyidrë hune la heng,

Me thina ni ngöne lo eni a tro ngöne la melöhlem,

 4 Ngöne lo itre drai ne eni a egöcatr,

Nge kola mama la aqane imelekeung me Akötresieti ngöne la itateng,

 5 Ngöne la kola lapa theng hnene la Ka Tru Trenge Men,

Me kola lapa xötreithi ni hnene la ha neköng,*

 6 Ngöne la eni a hnea la wacang ngöne la batra,

Nge itre git a anenine la oele koi ni.

 7 Lo eni a tro ngöne la qëhnelö ne la traon

Me lapa ngöne la gaa tru atr,

 8 Lo kola kötre* ni hnene la itre thupëtresij la angatr a öhnyi ni,

Nge itre qatr a mejë me cil qëmekeng.

 9 Kola lapa thaupe la itre nekö i joxu;

Me atë la ime i angatr hune la itre që i angatr.

10 Tha drenge hë ni la nine la itre atre ka hlemu;

Ke fedre hë la itre thineme i angatr.

11 Ame la nöjei atr ka drei ni, angatr a qaja aloinyi ni,

Nge ame la itre ka öhnyi ni, angatr a isigöli ni.

12 Ke hnenge hna amelene la atre ka pë ewekë nge ka thele ixatua,

Memine la nekön hna mecitrij hnei kem, memine la ka pë atre xatuan.

13 Kola amanathithi ni hnene la atre ka troa mec,

Nge eni a amadrinëne la hni ne la sine föe.

14 Hnenge hna heetrëne la meköt tune la ketre iheetr;*

Nge ame la meköting, ke kösë ketre iheetre ka qea me imaano ne atu he.

15 Eni la luemek kowe la timek

Me lue ca kowe la ka peje ca.

16 Eni la ketre kem kowe la ka pë ewekë;

Nge eni a thele la meköt thatraqane la itre atr hnenge hna thatre.

17 Hnenge hna thë la që ne la atr ka ngazo

Me thapa la tha qa ngöne la që i angeic.

18 Nge hnenge hna qaja ka hape: ‘Tro kö ni a mec ngöne la hnalapang,*

Nge tro hë la itre draing a tune la itre wene ngöni.

19 Tro la itre waaneng a xötr kowe la itre tim,

Nge ame e jidr, tro ha të la itre wene lepany hune la itre ipicineng.

20 Tro ha ahnyipixene lapaane la lolong,

Nge tro pala hi la imeng a huje la pehna.’

21 Hnene la itre atr hna pi drenge la eni a ithanata,

Me lapa thaup troa drenge la itre eamong.

22 Nge ame lo eni a ithanata, pëkö hnei angatre hna qaja e koho hun;

Ke kola xölaxöla la itre trengewekëng ngöne la itre hnangenyë i angatr.

23 Angatr a treqe ni tune la kola treqene troa mani;

Nge angatr a fe angangane la që i angatr tune la kola ije la mani hnapin.

24 Nge ame lo eni a dredrehnyima koi angatr, ke angatr a madrin;

Nge ame la angatr a öhnyi ni e madrin, ke kola aegöcatrenyi angatr.*

25 Nge tune la ketre joxu, hnenge hna köja gojenyi angatr,

Nge hnenge hna mel kösë joxu nyipine la itre trongene isi i nyidrë,