Salamo

 2 Sië ni pi qa ngöne la triang,

Nge awië ni pi qa ngöne la ngazong.

 3 Ke atre hnyawa hi ni la itre hnenge hna sasaith,

Nge eje pala hi qëmekeng la triang.

 4 Nyipëti hi la hnenge hna pane ngazo kow ngo tha koi ketre atre kö;

Hnenge hna kuca la ewekë ka ngazo qëmekei nyipë.

Celë hi matre, ka meköti nyipë la nyipëti a ewekë

Nge ka nyipici nyipë la nyipëti a iameköti.

 5 Goeën! Hna hnaho ni ngöne la ngazo,

Nge qaane lo eni e kuhu hni i nenë, atr ka ngazo hë ni.

 6 Goeën! Nyipëti a madrine la nyipici ka ej e kuhu hni;

Inine jë la nyipi inamacan kowe la hning.*

 7 Awië ni pi qa ngöne la ngazong memine la hisop,* matre hmitrötre jë ni;

Sië ni pi, matre wië catre jë ni hune la kiona.*

 8 Aijijë ni jë troa dreng la kola madrin me sue madrin,

Matre madrine pi la itre jun hna lep amudromudron hnei nyipë.

 9 The goeëne kö* la itre triang,

Nge köletrije pi la itre ngazong.

10 Akötresieti fe, hamë ni pi la hni ka wië,

Nge saze pi la mekunang matre tro ni a mele nyipici.

11 The helë ni kö qëmekei nyipë;

Nge the xome kö qaatheng la uati hmitrötre i nyipë.

12 Hamëne hmaca pi koi ni la madrin qa ngöne la hnei nyipëti hna amele ni;

Ahlëne pi la aja e kuhu hning troa drengethenge nyipë.*

13 Ke eni a ajane troa inine la itre jë i nyipë kowe la itre ka tria,

Matre tro la itre ka kuca la ngazo a bëeke koi nyipë.

14 Akötresieti fe, Akötresie atre amele ni, una pi la ehnefeng pine la madra hna anenin,

Matre tro la thinemeng a atrun me nyimane la meköt i nyipë.

15 Iehova fe, fe pi la ukeineqëng,

Matre tro la qëng a atrune la lolo i nyipë.

16 Tha ajane kö nyipëti la itre huuj, ke maine ju, tro ni a hamë nyipë;

Tha madrine kö nyipëti kowe la itre huuj ne dreuth asë.

17 Ngo ame la huuj ka amadrinë Akötresie, ke ene la mekun ka hleuhleu;

Akötresieti fe, tha tro kö nyipëti a nuetrij* la ka akötr me ka thë fë hni.

18 Ngöne la ihnimi nyipë, kuca jë la loi koi Ziona;

Xupe jë la itre ihag ne Ierusalema.

19 Nge tro hë nyipëti a madrine kowe la itre huuj ne meköt,

Me kowe la itre huuj ne dreuth asë me itre ahnahna ka pexej;