MEKENE 22
Tro Epuni a Qaja Tune Kaa La Maca Ka Loi Koi Itre Xan?
Maine tro palahi epuni a inine la Tusi Hmitrötr, tro hë epuni lai a qaja ka hape, ‘Loi e tro itre xan a hane atre!’ Nge nyipici lai, loi e tro la nöjei atr a atre la nyipici! Ngo ame itre xaa ijin, easa nango xou. Tro sa ce wange la aqane tro sa kuca matre tha tro kö sa xou, nge tro sa hetrenyi la madrine troa cainöjëne la maca ka loi.
1. Tune kaa la aqane tro sa qaja la hne së hna inin?
Önine la itretre drei Iesu ka hape: “Thatreine kö nyio cipane la itre ewekë hnei nyio hna öhne me dreng.” (Itre Huliwa 4:20) Tru catre la aja i angatr troa qaja la nyipici koi itre xan. Tune kaa fe epun? Maine aja i epun, thele ijine jë troa qaja ce memine la metrötr kowe la fami, me itre sinee i epun, la hnei epuni hna atre qa hnine la Tusi Hmitrötr.—E jë la Kolose 4:6.
Itre xaa aqane nyiqane ithanata
Maine epun memine la ketre atrene la fami epun, tro epuni a nyiqane qaja la ketre mekune qa ngöne la Tusi Hmitrötr me qaja ka hape: “Hetre ketre mekune ka lolo hnenge hna dreng la wiike ce.”
E jë la xötr ka ithuecatr kowe la ketre sinee ka wezipo maine ka luelu pena.
Maine kola hnyingëne koi epun hnene la ketre sine huliwa i epun la hnei epuni hna kuca ngöne la pune wiik, qaja jë fe koi angeic la itre hnei epuni hna inin ngöne la ini Tusi epun maine ngöne la hna icasikeu.
Amamane jë kowe la sinee i epun lo lai site jw.org.
Hëne jë fe la itre xaa atr troa hane sine la ini Tusi epun, nge amamane jë koi angatr la aqane troa sipo ini Tus ngöne jw.org.
2. Pine nemene matre nyipiewekë troa ce cainöj memine la ekalesia?
Tha itretre drei Iesu kö a cainöjëne hmekuje la maca ka loi kowe la itre atr hnei angatr hna atre. Hnei Iesu fe hna ‘upe la isa ala lu’ troa cainöj ngöne la nöjei traon asë. (Luka 10:1) Pine laka hna eköthe hnyawan la huliwa ne cainöj, alanyim la itre atr hna ketr hnene la maca ka loi. Nge ketre, ame la kola ce cainöj ke, ka hamë madrine kowe la itretre dreng. (Luka 10:17) Aja i epuni kö troa hane ce cainöj memine la ekalesia?
TROA CE ITHANATAN
Tro sa ce wang la aqane tro epuni a kuca matre tha tro kö epuni a xou, ngo tro pe a madrin la kola tro fë la maca ka loi.
3. Tro Iehova a ce me epun
Ame la itre xaa atr ke angatr a ajan troa cainöj ngo xou i angatr wanga goeë angatre jë me qeje angatr.
Nge ame epuni ke, xou i epuni kö troa hane qaja la hnei epuni hna atre? Pine nemen?
Goeëne jë la VIDEO, nge ce ithanatane jë cahu hnying:
Tune kaa la aqane elë hun la xou hnene la itre nekö jajiny me nekö trahmanyi Temoë?
E jë la Isaia 41:10, nge ce ithanatane jë cahu hnying:
Maine epuni a xou troa cainöj, tro la thithi a xatua epuni tune kaa?
Atre fe hi epun?
Qëmeken troa cainöjëne la maca ka loi koi itre xan, alanyim la itre Temoë Iehova ka mekun ekö ka hape, tha tro jë pi kö angatr a hane atrein. Tui Sergey, ame koi angeic ke, pëkö hnei angeic hna atre. Matre the qaja palaha la tro angeic a ithanata me itre xan. Öni angeic: “Ngacama xoung, ngo hnenge hna isin troa qaja la Tusi Hmitrötr kowe la itre atr ka lapa xötreithi ni. Eni a sesëkötre laka, tha ka jole kö, nge kola acatrene la lapauneng.”
4. Loi e tro epuni a metrötr
Ame la epuni a troa cainöjëne la maca ka loi, pane mekune jë la nyine troa qaja, me aqane troa qaja. E jë la 2 Timoteo 2:24 me 1 Peteru 3:15, nge ce ithanatane jë cahu itre hnying:
Tune kaa la aqane tro epuni a trongëne la itre xötre celë?
Maine jë tha tro kö a kapa hnene la itre atrene la fami, me itre sinee i epun. Nemene la nyine tro epuni a kuca? Me tha kuca?
Pine nemene matre loi e troa pane hnying, hune la troa canga qaja la itre sipu mekune së?
5. Ame la huliwa ne cainöj, ka hamë madrin
Hnei Iehova hna upi Iesu troa cainöjëne la maca ka loi. Nemene la aqane goeëne Iesu la huliwa cili? E jë la Ioane 4:34, nge ce ithanatane jë cahu itre hnying:
Ame la xen ke ka nyipiewekë kowe la mel, ngo troa xeni la itre xen ka loi matre egöcatr. Pine nemene matre Iesu a aceitunëne la huliwa ne cainöj me xen?
Pine nemene matre ame la kola cainöjëne la maca ka loi ke, ka hamë madrine koi epun?
Aqane tro epuni a kuca
Maine ngöne la ketre icasikeu ne la wiik, xome jë la ketre mekun ka troa xatua epun matre troa nyiqane ithanata.
Loi e tro epuni a hane cile fë hnëqa ngöne la ketre icasikeu ne la wiik, matre tha tro kö epuni a xou troa hane cainöj.
Huliwane jë lo lai götran hna hape, “Hne Së Hna Majemine Dreng” me “Ijije Hi Troa Hnyingë Epun” matre xatua epun troa sa la itre hnying memine la itre ithanata hne së hna lapa majemine dreng.
IJIJE HI TROA HNYINGË EPUN: “Hö saze hë eö?”
Tune kaa la aqane tro eö a sa koi angeic jëne la Tusi Hmitrötr?
HANE HI LA HNE SË HNA CE WANG
Ame la troa qaja la maca ka loi ke, ka hamë madrin, nge tha ka jole kö tune la hne së hna mekun.
Nyine Amekunën
Pine nemene matre troa qaja la maca ka loi koi itre xan?
Tro sa qaja tune kaa ce memine la metrötr?
Maine epuni a xou troa cainöj, nemene la nyine tro epuni a kuca?
ITRE XAA NYINE WANG
Foa lao aqane ithanatane la maca ka loi ngöne lai carte de visite jw.org.
Aqane Nyiqane Ithanata Matre Troa Tro Fë La Carte de visite jw.org (1:43)
Foa lao thiina nyine tro epuni a huliwane ngöne la epuni a cainöj.
“Ka Hnëkë Kö Epuni Troa Ea La Itre Atr?” (Ita Ne Thup Semitrepa 2020)
Ketre tulu qa hnine la Tusi Hmitrötr ka troa xatua së, me itre nekönatr troa catre cainöj.
Tro sa qaja tune kaa la Tusi Hmitrötr kowe la itre atrene la fami së ka thatre Iehova.
“Ketre Jë La Hni Ne La Itre Atrene La Hnalapa Ka Tha Hmi Kö” (Ita Ne Thup 15 Maac 2014)