Ini Tus: Aqane Troa Hamë Ini

Qëmeken

1. 

   1. Hnëkë hnyawa jë, mekune hnyawa jë la itre aja ne la ka ini Tus, me mele i angeic, memine la aqane waiewekë i angeic. Goeëne hnyawa ju la itre mekun ka jole tro angeic a trotrohnin me trongën. Nge ce wange ju me angeic la itre mekun ka troa xatua angeic ngöne lai götrane hna hape “Itre Xaa Nyine Wang” nge e ijij, huliwane jë matre tro eö a xatua angeic.

Ame la eö a hamë ini

1. 2. Nyiqane jë nge nyipune ju hnene la thith e ajane lai ka ini Tus.

2. 

   3. Tuluthe ju hi la nyine tro eö a qaja. Ithanatane jë hi la itre mekun ngöne la ini, nge nue angeice pi troa ithanata.

3. 4. Ame la eö a nyiqane la ketre götrane lai itus, e jë la tane mekun ka tru, nge amamai angeice jë la itre tane mekun ka co ne la itre ini nyine tro epon a ce wang.

4. 5. Ame hë la kola traqa ngöne la pun, wange ju lo lai götrane hna hape, “Nyine Amekunën” matre troa ce wange hmaca me angeice la itre hnei angeice hna inin.

5. 6. Ngöne la ca ini:

   1. E jë, maine upi angeice jë troa e la itre paragaraf.

   2. E jë, maine upi angeice jë troa e la itre xötr nyine troa e.

   3. Nge maine ijije hi, upi angeice jë fe troa e la itre xaa xötr.

   4. 

      Nge maine hetrenyi eö lo lai itre video ngöne lo götran, “Troa Ce Ithanatan” ce wange jë me angeic.

   5. Ce ithanatane jë me angeice la itre hnying.

   6. Amamai angeice jë la itre iatr ngöne lo lai götrane “Troa Ce Ithanatan” nge upi angeice jë troa qejepengön.

   7. Huliwane hnyawane jë lo lai götrane “Nyine Tro Ni a Eatrën” matre tro la ka ini Tus a wange la itre hnei angeice hna kuca ha, maine trongëne pena. Ithuecatre jë koi angeic troa eatrëne lo lai mekun hna cinyanyin ngöne lo lai itus, maine ketre mekune pena, maine lue mekun asë.

   8. Hnyingëne jë kowe la ka ini Tus ka hape, nemene la itus me video ngöne lo lai götrane hna hape, “Itre Xaa Nyine Wang” ka ketri angeic la angeic a hnëkëne la ini Tus i angeic.

   9. Maine ijije hi, kuca asë jë la ca ini me angeic.

E thupen

1. 

   7. Tro pala hi a mekune la ka ini Tusi me eö. Sipo Iehova jë troa amanathithine la trengecatre i angeic. Sipone jë fe la inamacan matre xatua eö troa atreine hamë ini.