Göi Itre Icasikeu Ne La Huliwa Ne Treu Maac
Koi 1 Maaci Me Wiike Cili
Nyima 9
15 mn: Itre ithuemacanyi koi së me Itre hna Amekötiin, qa hnine la Huliwa ne Baselaia. Amamane ju lai ketre hna cinyihan, “Hna kapa la itre itusi ka hnyipixe”, götrane 6. Ithahnataane ju la itre xaa mekune ka ijije kowe la Ekalesia. Ketre wange ju fe la itre mekune ka sisitria qa hnine la Itre Ithuemacanyi Akötresie; Amamane jë laka Iehova a amanathithine la itre hlue i Nyidrë, ngöne la nöjei götrane e cailo fen. Nge maine ijije fe ke, qaja jë la itre hna öhne ngöne la cainöje trotro ngöne la Ekalesia së.
15 mn: “The mano kö së troa qaja ka hape: ‘Trohemi! ’ ” Troa ce ithahnataan. Ngöne la paragarafe 4, tro la ketre atre cainöje ka hnëkë hnyawa a amamane la itre xaa mekune katru qa ngöne la itre paragarafe 6 utihë 10 ne la mekene 42 ne itus “Révélation: dénouement”, itr’ej a troa qeje pengöne la Hna Amaman 21:4-6.
15 mn: “Loi e troa atreine me menyike la aqane troa trofë la Maca ka Loi.” Cainöj, me itre xaa hnyinge kowe la itre ka sine la icasikeu. Lue iamacanyi ka Hopatre ngöne la kola troa kuca itre paragarafe 3 utihë 5. Ngöne la hnapane ke troa amamane hnene la ketre thupëtresiji memine la ketre thöthi la aqane troa kuca, lo hna qaja ngöne itre paragarafe qaane 4 utihë 5, ketre tro fe nyidroti a xötrethenge la itre mekune qa hnine lai hna cinyihan. Xatuane jë la itre trejine troa trotrohnine hnyawa laka nyipi ewekë troa cainöje trotro matre hetre madrin, ngacama tha mama palakö la thangan.
Nyima 114 nge thithi ne nyipun.
Koi 8 Maaci Me Wiike Cili
Nyima 128
5 mn: Itre ithuemacanyi koi së. Troa qaja la etrune la itretre sipo kowe la huliwa ne pionie ka ixatua. Qaja ju fe kowe la itre xane troa hane pionie ka ixatua troa canga hamëne la itre pepa ne sipo i angatr.
20 mn: “Hapeu, huliwa catre kö së troa atrunyi Iehova? ” Troa ce ithahnataan; paragarafe 1 utihë 10.
20 mn: “Xatuane jë la itre ka inine la Tusi Hmitrötre me easë.” Troa ce ithahnataan; Amamane jë laka tha ini hmekuje kö la ka nyipi ewekë, ngo ene fe la ixatua hne së hna hamën (1 Thes. 2:8). Loi e tro fe së a xatua angatre ngöne la itre xaa ijine matre hetre aja troa hane sine la itre icasikeu me hane qeje mekun. Tro fe së a qeje pengöne koi angatr la aliene la itre icasikeu ne sirkoskripsio, me itre icasikeu ne ca drai, me itre icasikeu ne disitrik; qa ngöne lai tro angatr’a majemi kowe la organizasio memine la ange trejin. Amamane ju la aqane tro angatr’a qaja trongëne koi itre xane la itre hnei angatre hna inin, e nöjei ijine ka ijij. Ketre loi e tro së a xatuane la itre hna inin, ka ajane troa hane cainöje trotro, matre tro angatr’a xomi bapataiso, pine laka, ijiji angatre fe hë hnene la aqane melei angatr, tune lo hna cinyihane ngöne lo itus, “Notre ministère” götrane 99. Nyipi ewekë troa inine hnyawane lai itus me hamë ixatua fe thupene la hna ini matre troa kökötre la ajane la atr troa hni koi Iehova me xome la bapataiso. Iamacany: tro la ketre atre cainöje a xatuane la ketre hna inin, göi troa qaja la Maca ka Loi ngöne la nöjei ijine ka ijij. Qa hnine la itus “Vivre éternellement” angeic’a pane iëne ju la ketre mekune hna troa cainöje fë trongën, me qaja ka hape: “Nyipi ewekë troa ithahnatane la mekune celë kowe la itre xaa atrene la lapa i epun, maine kowe pena la itre ka lapa ezi epun. Qaja ju ka hape hnei epuni hna öhne la ketre ewekë hnei epuni hna thatre ekö ngöne la Tusi Hmitrötr.” Loi e hetre ixatua matre loi xölene la itre hna inin, thupene la hna xome la bapataiso.
Nyima 123 me thithi ne nyipun.
Koi 15 Maaci Me Wiike Cili
Nyima 72
10 mn: Itre ithuemacanyi koi së; hna ithingë; olene jë la itre ahnahna. Qaja jë fe la “Ketre ithuemacanyi ka ijij” e cahu. Xatuane jë fe la itretre cainöje troa isa cinyihane la ëjene (topike) lai cainöje ka ketre pengön ne 28 maaci me hane hëne la itre atr troa hane dreng’ej.
15 mn: “Xatuane jë la itretre nyipi ewekëne la Maca ka Loi.” Cainöj, me itre hnepe hnying. Maine ijije pala kö la hawa, ke e ju la itre mekene tusi hna hnëkëne. Amamane jë fe la aqane troa huliwaane la mekune qa hnine la paragafe 3. Ketre nyipi ewekë tro së a akökötrene la ajane la itre atr, ka xötrei hane sine la icasikeu.
20 mn: “Hapeu, huliwa catre kö së troa atrunyi Iehova? ” Qaane paragarafe 11 utihë 22; troa ce ithahnataan.
Nyima 32 me thithi ne nyipun.
Koi 22 Maaci Me Wiike Cili
Nyima 66
10 mn: Itre ithuemacanyi koi së. Kola sa la itre hnyinge i nyipunie. Xatuane jë la itretre cainöje troa catre cainöje e treu eiperem.
20 mn: Loi e tro së a thupëne hnyawa la itre qatre me qatre föe. Troa ce ithahnatane hnene la lue trejin. Ame lo ijine icasikeu ne distirik “Porteurs de lumière”, ke hna kuca lo hmakanyi ne sabathi la itre cainöje ka nyimutre ngöne la topik, “Tro së a igoeë hnine la fami”. Nge ngöne la hnaipajö ke, “Wange kö la itre qatre me itre qatre föe”, kola amekunëne hmaca laka nyipi ewekë fe angatr, itre qatre me itre qatre föe ngöne la hnalapa me ngöne fe la Ekalesia (Itre Edomë 16:31). Nemene fe la nyine tro së a kuca, matre troa hane xatua angatr? Ame la pane atrekë hnëqane lai, ke fami (1 Tim. 5:3, 4, 8, 16). Loi e troa hetre xomihni, me ihnimi atraqatr. Troa wangatrune lai hnene la itre nekönatr me itre api hmunë ka thupëtresiji hë angatr, ketre aqane tro lai a amamane laka angatre a olene la itre macatre hna hnimi angatr, me hna huliwa koi angatr, memine la hna ithupë hnene la itre keme me thine me itre qaqa hmunë (w87 1/6 13-18). Loi e tro fe la Ekalesia a hane xatuane la itre qatre me itre qatre föe: Matre troa kapa la itre ixatua hna hnëkëne koi angatre hnei mus. Maine tro pena hane hë angatre troa ce xeni me easë maine thei angatre fe troa ce madrine memine la itre xan (Rom. 12:13). Loi e tro fe së a ce tro me xatua angatre troa cainöje trotro. Trothei angatre jë fe troa hane sine la itre icasikeu, memine fe lo itre icasikeu katru. Xatua angatre jë fe la itre jole i angatr, maine nyidrawane pena la uma i angatr (w87 1/6 4-7). Metrötrë angatre ju hne së (1 Tim. 5:1, 2). Ithahnatane ju memine la caasi maine lue qatre ka nyi hlue i Iehova ka ijij. Amamane jë la itre loi hna kapa hnei angatr, qa ngöne la thina kaloi ne la itre lapa i angatre me qathene la Ekalesia.
15 mn: Tro la ketre qatre thup a ithahnata memine la könitre maine foa lao atre cainöj, ka troa pionie ka ixatua ngöne la treu eiperem maine ka hane hë xome lai huliwa cili. Nemene la ewekë ka upi angatre troa pionie? Nemene fe la hnei angatre hna hnëkëne kowe lai treu eiperem? Nemene la itre thangane ka loi hnei angatre hna kapa qa ngöne lai huliwa ne pionie ka ixatua? Loi e troa xatuane la itre trejine ka mekune troa pionie ka ixatua ngöne la treu ka troa xulu matre tro angatr’a hetrenyi lai pepa nyine sipoon me canga hamëne ej.
Niyma 172 me thithi ne nyipun.
Koi 29 Maaci Me Wiike Cili
Nyima 105
10 mn: Itre Ithuemacanyi koi së. Xatuane jë la itretre cainöje troa hane thenge kowe la Drai ne Amekunëne la itre atr ka pi drenge la Wesi ula memine lo itre hna inin. Huliwaane hnyawane jë la itre pepa nyine ihë. Troa cinyihane hnyawa ngöne itr’ej la hawa me hnë troa icasikeu.
25 mn: “Atrune jë la meci Iesu Meci ka troa hamëne la mel epine palua.” Troa kuca hnene la atre thup peresida; troa ce ithahnataan. Ithahnatane ju fe la itre mekune ngöne “Nyine troa hnëkëne thatraqane Drai ne Amekunën”. Iamacanyi thupene la hna ce wange la paragarafe 5: tro la ketre atre cainöje a thenge la ketre hna inine troa hane sine la Drai ne Amekunën. Tro angeic’a qeje pengöne la itre mekene tusi hna troa e, qaane 1 utihë e 6 eiperem, nge angeic’a ahnithe fe ka hape qanyi ageice hë itrothei.
10 mn: Troa trofë trongëne la “La Tour de Garde” e eiperem. Amamane jë la itre xaa mekune maine topike ka ijije troa ithahnatane ngöne la treu. Saqe jë ngöne la nöjei ijine epuni a mel, troa amamane la itre mekune qa hnine la itre zonal.
Nyima 87 me thithi ne nyipun.