Itre Ithuemacanyi Akötresie

Guana ne Faraas: Ngöne la treu okotropa ke kola a fifitrine lao elë la etrune la itretre cainöj; hna e la 948. Hna isa kuca hnene la itretre cainöje la 15,1 lao hawa ngöne la huliwa ne cainöje trotro.

Hong Kong: Kola elë hmaca la etrune la itretre cainöj, 2 704 ngöne la treu okotropa. Madrine koi së laka angatr’a inine la Tusi Hmitrötre memine la 4 043 lao hna inin.

Zamaika: Hna xötrei fe la pane uma ne icasikeu katru lo 7 nofeba, 1992, nge 4 469 la itre ka hane sin.

Madagasika: Hna e ngöne la faifi lao icasikeu ne distirik “Porteurs de lumière” la 10 694 la ka hane sine la itre icasikeu cili nge 241 lao hna bapataison. Kola öhne laka nyimutre catre la itre atr ka hane traqa matre nyixane ju kö lai 4 542 lao atre cainöj.