Watchtower ONLINE LIBRARY
Ita Ne Thup
ONLINE LIBRARY
Drehu
  • TUSI HMITRÖTR
  • ITRE ITUS
  • ITRE ICASIKEU
  • km 9/93 götrane 1
  • Nemene La Nyine Tro Së a Kuca Ngöne La Macatre Ne Huliwa Celë?

Aucune vidéo disponible pour cette sélection.

Désolé, il y a eu une erreur lors du chargement de la vidéo.

  • Nemene La Nyine Tro Së a Kuca Ngöne La Macatre Ne Huliwa Celë?
  • Huliwa Ne Baselaia—1993
  • Ka Ihmeku
  • “Dengeju La Tenge Ewekë Ne La Ite Ka Inamacan”
    Ita Ne Thup (Nyne Inin)—2022
Huliwa Ne Baselaia—1993
km 9/93 götrane 1

Nemene La Nyine Tro Së a Kuca Ngöne La Macatre Ne Huliwa Celë?

1 Easë a troa xejë la macatre ne huliwa 1994 e drai 1 semitrepa, nge, nyipi ewekë tro la itre hlue i Iehova asë a mekune hnyawa la ewekë nyine tro angatr’a kuca isa alacasi maine cememine la itre xan, ngöne la macatre ne huliwa ka hnyipixe celë.

2 Epi kökötre trootro ngöne la ua: Maine ka xötrei atre së la nyipici, ke, loi e tro së a hetre ajane troa acatrene la lapaune së (Heb. 6:⁠1-3). Ketre maine kökötre pena së ngöne la nyipici, eje hi laka, tha tro kö së a xatuane caasine la itre ka xötrei atre maine itre xan, ngo tro fe së a ketre hane wange hnyawa la pengö së ngöne la ua, tha tro kö së a mekune laka, ijije hi la itre ixatua hne së hna kapa qa hnine la Tusi Hmitrötre memine la itre ewekë hne së hna melëne qaane lo easë a keresiano. Hapeu, easë kö a hane wangatrune la topike ne la drai, me e lo porogarame ne tusi göne la ini ne la huliwa qa thei Akötresie, maine hnëkëne pena la ini tusi ne la ekalesia, memine la icasikeu ne la La Tour de Garde? Celë hi itre xaa hnepe mekune nyine tro së asë a huliwa kow. Qangöne lai, loi e tro së a kökötre ngöne la ua, e ajane së troa mele pe ngöne lo ijine kola troa apatrene la musi ne la atr, me hane kapa lo manathith, ene la troa mele ngöne la fene ka hnyipixe i Akötresie. — Wange ju la Filipi 3:​12-16.

3 Loi e tro së a nyihnyawa së ngöne la ua: Maine ajane së troa kepe së hnyawa hnei Iehova, ke, nyipi ewekë tro së a ‘nyihnyawane la ngönetrei së me mekune së.’ (2 Kor. 7:⁠1) Nge e ase hë së nyihnyawa së, eje hi laka tha ajane hmaca kö së troa ‘ujëujë ngöne la hmitru’ ne la fene ka ngazo celë? (Wange ju la 2 Peteru 2:22.) Nyipi ewekë tro së a catre huliwa ngöne la ua me nyihnyawa së palahi. Nge tha tro kö së a thatre la itre nyinyithina i satana, wanga iaö së jë, nge kei pi së ngöne la ngazo me iananyi memine la manathithi qa thei Iehova. — 2 Kor. 2:⁠11.

4 Wangatrune jë la itre ixatua ka inamacan: Kola qaja hnei Itre Edomë 15:22 ka hape: “Kola acatrene itr’eje hnene la itretre ithahnata ka ala nyimu.” Mekune hnyawa ju lo ewekë ka traqa kowe la thupëtresiji atre qaja la treng’ewekë celë, Solomona la ëje i nyidrë; Hnei nyidrë hna nue la ‘itre föi nyidrë troa ameijëne la hni nyidrë matre xötrethenge pena la itre xaa Akötresie’ celë hi kepine la tha drengethenge me tha wangatrune la wathebo i Iehova, ene laka, tha tro kö a ixomi memine la itre föe trehnyiwa. (1 Itre Jo. 11:​1-4). Nge maine tha wangatrune kö la itre nyipi haji thatraqa i së, hawe, troa hetre thangane tuneka la huliwa së koi Iehova, nge nemene la tulu ka loi hne së hna amamane? (1 Tim. 4:15) Itre ixatua qa hnine la Tusi Hmitrötre a upi së troa isa thupëne la itre hni së (Itre Edomë 4:23). Eje hi laka, nyine loi koi së nge nyine thupë së fe la troa hnime la hnei Iehova hna nyipiin, troa sisine la hnei Nyidrëti hna xele ma wang, troa thele palahi la hnë feke ca thei Iehova me kuca la nöjei ewekë nyine amadri Nyidrë. — Itre Edromë 8:13; Ioane 8:⁠29; Heb. 1:9.

5 Ame la hmi koi Iehova, ke, tha ene kö la troa imothenge, tha celë pena kö la aqane hmine la itre atrene e cailo fen, ngo hmi ngöne la ua, hmi ne huliwa, hmi ka mene pine laka ej’a trothenge la nyipici, ke, trepene eje la wesi ula i Akötresie. — Ioane 4:​23, 24.

6 Eje hi laka hetre itupathi pala hi kowe la itre hlue i Akötresie ngöne la nojei drai. Ngo tro kö së a cile huti ngöne la lapaune pine laka atre hi së laka ceitune la akötre së memine la itre trejine asë, nge Iehova la ka troa hamë së la trenge catre ka ijij (1 Pet. 5:​9, 10). Celë hi matre hna aijijë së troa catre tro fë la Maca ka Loi ngöne la macatre ne huliwa 1994. — 2 Tim. 4:⁠5.

    Itre Itus Qene Drehu (1997-2025)
    Tha Connecter
    Connecter
    • Drehu
    • Iupi fë
    • Hna ajan
    • Copyright © 2025 Watch Tower Bible and Tract Society of Pennsylvania
    • Itre Hna Amekötin
    • Pengöne La Ka Thele Ithuemacany
    • Hna amekötin
    • JW.ORG
    • Connecter
    Iupi fë