Göi Itre Icasikeu Ne La Huliwa Ne Treu Semitrepa
Drai 6 Semitrepa Me Wiike Cili
Nyima 164
10 min: Itre ithuemacanyi koi së me Itre hna amekötiin.
20 min: Thuecatrene jë së la itre nekö së göi ini. Cainöje hna troa kuca me itre hnyinge me iamacany. Alanyimu la itre hlue i Iehova thöthi ka cile qëmekene la itre jol, nge thatreine kö la itretre cainöje ngöne la Ekalesia troa trotrohnine asë la itre jole thei angatr. Nypiewekë tro la itre keme me thine a atrepengöne la itre jole cili matre atreine troa xatuane me thuecatre koi angatr, matre ijiji angatre troa cile catr. Hnyingëne ju kowe la köni thöthi ka isa macatrene kö. Nemene la itre jole hnei angatre hna troa cile kow e cili hna ini? Nemene la ka xatua angatre troa easenyi Iehova? Ca iamacanyi hna troa kuca hnene la ca fami, ngöne la kola troa kuca la paragarafe 2 me 3, götrane 115 ne lo boroshür L’école. Kola qaja hnene la itre thöthi ka hape hna hnyimasai angatre nge hna wangaconyi angatr, pine laka angatr’a wangatrune la itre hna amekötine ka sisitria hnei Tusi Hmitrötr. Nyipiewekë tro la itre kem’a xatuane la itre nekö i angatr, e troa qaja amamane la madrine i angatre kowe la tulu ka loi nyudren, maine pena troa amekunë nyudreni ka hape ame Iehova, ke, tru catre la madrine i Nyidrë kowe la aqane ujë i nyudren. (Itre Edromë 27:11) Tro la trejine ka cile fë lai cainöje a olene la trenge catrene la itre thöth, me itre huliwa i angatr, me xatua angatre troa ithahnatakeu palahi memine la itre keme me thin, matre ijiji angatre troa tru trootro ngöne la ua, ngöne la ijine angatre petre kö a ini.
15 min: “Xatuane jë la atr troa wangatrehmekune la trengamo ka sisitria.” Troa ce ithahnataan. Ca iamacanyi hna troa kuca ngöne la paragarafe 4, kola hamëne lo itus Vivre éternellement hnene la ca atre cainöje kowe la ketre keme maine thin.
Nyima 108 me thithi ne nyipun.
Drai 13 Semitrepa Me Wiike Cili
Nyima 112
10 min: Itre ithuemacanyi koi së. Qaja ju fe la hna kuë mani, nge e jë fe la itre ahnahna. Olene ju la ixatua ne la Ekalesia memine la hna hamë mani göne la huliwa i Sasaiatri e cailo fen’asë.
10 min: “Mekune kö hamë zonale kowe la itre atr.” Cainöje me iamacanyi hna troa kuca nyine amamane la enyipiewekëne la itre zonal memine la aqane troa huliwaan itr’ej, ngacama itre ka hnyipixe maine hnapan. Lue iamacanyi hna troa kuca, casi ka troa amamane la ketre zonale ka hnyipixe, ame lai ketre, ke, kola xatua së la aqane troa huliwaane la itre zonale hnapan, ngöne la easë a öhne la ketre atr ka ajan, ke, ijije hi troa amamane la ketre zonale hnapane ka ihmeku memine la aja i angeic.
15 min: “Nemene la nyine tro së a kuca ngöne la macatre ne huliwa celë?” Cainöje hna troa ce ithahnataan. Tro la qatre thupe peresida a cile fë. Troa ce wange la hna huliwa hnene la Ekalesia lo macatre ne huliwa ka ase hë, nge xatua angatre jë troa atrune la hna huliwa ngöne la macatre ne huliwa 1994.
10 min: “Lue itusi nyine troa inine: Vivre éternellement me Unis dans le culte.” Thupene la hna ce wange la hna cinyihan, ke, tro la itretre cainöje ka hnëkë a amacaane la aqane troa nue la itus Le plus grand homme matre amamane la itus Vivre éternellement.
Nyima 17 me thithi ne nyipun.
Drai 20 Semitrepa Me Wiike Cili
Nyima 100
10 min: Itre ithuemacanyi koi së. Ce wange ju la itre mekune ka ijije hnine la itre zonale ka hnyipixe hna troa huliwaane la wiike celë.
20 min: “Xatuane jë la itre atr hna aceitunëne me itre mamoe troa eköth ngöne la trepene ka catr.” Hna troa ce ithahnataan. Tro së isa ala casi a trotrohnine hnyawane laka, nyipiewekë catre troa hnekëne la itre iwaihmaca. Tro la ketre atre cainöje ka atreine, a amamane la aqane kuca la ketre iwaihmaca kowe la atr ka hane xome lo itus Vivre éternellement, ithahnataane jë fe la itre hna cinyihane ngöne la paragarafe 3 maine 5.
15 min: “Nyiqaane jë së troa inine la Tusi Hmitrötre ngöne la itre hnalapa.” Troa ce ithahnataan. Thupene la paragarafe 4, ke, pane amacaane jë la ketre iwaihmaca ngöne la madrine, ngo tro hi a xome la Tusi Hmitrötre, nge troa amacane hune la ketre hnepe hna ewekë hnine lo itus Vivre éternellement, maine pena qa hnine lo itus Comment raisonner.
Nyima 84 me thithi ne nyipun.
Drai 27 Semitrepa Me Wiike Cili
Nyima 109
10 min: Itre ithuemacanyi koi së. Itre ithuemacanyi akötresie.
20 min: E ka ha lo itre sine së ka meci hë? Troa ce ithahnataane hnei ketre fami. Xome jë lo itre mekune qa hnine lo itus Comment raisonner götrane 98 uti hë 100, tro la keme a ithahnataane la kola meci la ketre sine i angatr. Tro nyidrëti a thue trotrohnine me xatuane la itre nekö i nyidrë troa atrehmekune me wangatrune la mekune i Tusi Hmitrötr. Troa mama qa ngöne la itre hnyinge i nyidrë ka hape trotrohnine kö angatre la sipu aliene la mec, matre atreine fe angatre troa hane sipu qejepengöne hnyawa. Ketre mina, tro nyidrë a amama i angatre la aqane huliwaane la itus Comment raisonner nyine thuecatre koi itre xan.
15 min: Hamëne jë la itre zonale e treu Okotropa. Troa kuca la köni iamacany: aqane troa abone göi La Tour de Garde me Réveillez-vous!, aqane troa trofë lo itus L’humanité à la recherche de Dieu, nge troa hamëne la ca tarak kowe la ketre atr ka qeje jol. Thupene e ca iamacany, ce wange ju memine la itre atrene la icasikeu la kepine matre loi la aqane amaman.
Nyima 21 me thithi ne nyipun.