Aqane Ini Tusi Hmitrötre Koi Ketre Atr
1 Nemene la aqane troa inine la Tusi Hmitrötre kowe la ketre atr matre hetre thangan? Tulu ka ue la nyine tro së a xötrethengen? Nemene la aqane troa goeëne la itre mekene Tusi Hmitrötre hna cinyihan? Drei la ka troa e la itre paragaraf? Thupene la hna qaja la tulu ne ini, nemene hmaca kö la nyine troa kuca matre tro la hnaiinine a sipu xome thatraqai angeice la nyipici? Nemene la itre thethi nyine troa neën?
2 Aqane troa ini; Eje hi laka ame la ini Tusi Hmitrötre ngöne la itre hnalapa, ke, troa tro thenge la tulu ne inine la La Tour de Garde. Ame la ewekë hnapan, ke, troa pane e la paragaraf. Thupene lai, tro la atre ini a e la hnyinge ne lai paragaraf, nge tro angeic’a treqene la troa sa hnene la hnainin. Maine luelu la hnainine troa sa, ke, tro la atre ini a hnëkëne la itre xaa hnyinge hmekun, matre thue jëne tro la hnainine a trotrohnine la hna ithahnataan, nge tro angeic’a ketre sipu öhne la nyine troa sa.
3 Loi e troa thele hnyawane la kepine matre kola amë la itre mekene Tusi Hmitrötre ngöne la paragaraf. Amamane jë kowe la hnainine la aqane troa wangatrehmekune la itre xötre hna fejan, nge ithahnataane jë me angeice la aqane troa trongën. Maine hna cinyihane la itre mekene Tusi Hmitrötr, ngo tha hna fejane kö la xötr, ke, loi e troa wange itr’eje hnine la Tusi Hmitrötr, e maine tha qeadridri kö. Thupene lai, upe jë la hnainine troa e me qejepengöne la alien, hmekune la mekune ne la paragaraf.
4 Xatuane jë la hnainine troa xome thatraqai angeice la nyipici: Thue catrene jë la itre hnainine troa hnëkëne hnyawane la etid. Qaja jë la enyipiewekëne la troa e tus, ke, sisitria catre eje ngöne la ini. E hna e lapane la itre itus, nge hna tro mekune lapane la itre hnaini, ke, celë hi ewekë ka sisitria. Ame itre xaa atre ini, ke, angatr’a upe la hnainine troa e casine la itre paragarafe ngöne la etid. Ame pena itre xan, ke, angatr’a thawa la troa e la itre paragaraf. Ngo isa qanyi së kö tuluth, ke, ame la nyipi ewekë, ke, ene la tro la hnainine a tru trootro ngöne la ua.
5 Maine troa e hi la itre paragaraf, me sa hi la itre hnying, ngo tha hna wange fe kö la aqane troa trongën, ke, lolo pi hë lai kowe la hnainine matre troa atre hi la itre pengön, ngo loipe tro së a hnyinge ka hape, hapeu, mejiune kö angeice kowe la itre hnei angeice hna inin? Maine ajane angeice troa xome la nyipici thatraqai angeic, ke, loi e tro angeic’a öhne la aqane ketr la mele i angeice hnene la itre hna qaja hnei Tus. Nemene la aqane drenge i angeice e kuhu hni angeice la itre hnaini? Nemene la aqane troa trongëne la itre hna inine hë? Loi e tro së a thele la itre hnyinge ka atreine troa ketr la wenethëhmi ne la hnainin.
6 Itre thethi nyine troa neën: Hetre itre ewekë nyine troa neëne ngöne la easë a ini Tusi Hmitrötre koi ketre atr. Maine troa ujë la ithahnata kowe la itre xaa ewekë kö, e tröne la hna ce wange ngöne la itus, ke, loi e troa ce ithahnataane pë hë thupene la etid, maine e ketre ijin. Nyipi ewekë mina fe tro la hnainine a sa la itre hnyinge thenge la aqane ithahnata i angeice kö, hune la troa e trongëne la aqane sa ne la itus. Celë hi jëne tro la atre ini a öhne la trotrohninene la hnainin.
7 Hnauëne matre tha pane amë kö epuni ngöne la hni epuni la troa hetrenyi la ca etid nyine troa kuca? Tha huliwa ka jole kö, e maine hnei epuni hna mejiune koi Iehova, me xötrethenge la tulu ne inine la La Tour de Garde. Ame la gojenyi ka sisitria matre troa inine la nyipici kowe la itre xan, me ini angatre troa nyihlue i Akötresie, ke, ene la troa ini Tusi Hmitrötre ngöne itre hnalapa. Maine tro nyipunieti a kuca tune lai, hawe trofe nyipunie a öhnyi thangane la madrine ka tru, qa ngöne laka pexeje la drengethenge i nyipunie kowe la trenge ewekë i Iesu ngöne Mataio 28:19, 20.