L’Annuaire — Trengamo Ka Tru Aliene Nyine Thuecatre Koi Së
1 Ketre ithuecatre ka tru kowe la itre hlue i Iehova la troa atrepengöne la hnene la itre xaa trejine hna melëne ngöne la huliwa i nyidrë. (Iobu 38:4, 7; Ite Edom. 25:25; Luka 7:22; Ite Huliwa 15:31) Celëhi la kepine matre ame la Annuaire des témoins de Jehovah, ke, trengamo ka tru alien’eje nyine thuecatre koi së.
2 Nge hna qeje pengöne hnyawane palahi hnene la itre Annuaire, la itre huliwa me itre hna kuca hnene la itre temoë ngöne la fene hnengödrai asë. Nge easë a öhne laka catre la lapaune i angatre qëmekene la itre ewekë hnei angatre hna ixelë memine ngöne la huliwa, ke, kola amamane ka hape Iehova la ka eatrongë angatr, me thupë angatr, me amanathithi angatre qangöne laka angatre la nöje i Nyidrë. Ame la Annuaire, ke, ej’a qaja la mele ne la itre trahmanyi me itre föe, itretre catre xomihni, pine laka hnei angatre hna nue la itre lapa i angatr, me itre sine i angatr, me itre nöje i angatr, matre troa trofë la nyipici kowe la itre atrene la itre xaa nöj’atraqatr, me itre hnapeti ka nyimutre e cailo hune i hnagejë.
3 Hnene la Annuaire hna xatuane la itre atr ka e, troa nyihlue atrunyi koi Akötresie. Hna cinyihane hnene la ketre föe, thupene la hnei angeice hna e, ka hape: “Thatreine kö ni troa e nyimenyimën. Ngo ame hë la itre hnenge hna e, ke, ixatua ka tru koi ni. Nge eni a drenge e kuhu hninge laka, ijijinge fe troa atrune la hnenge hna kuca ngöne la troa cainöje trootro, ke, eni a ketre wange la hnene la itre xane hna kuca nyipine la itre ewekë hnei angatre hna xomihnin.”
4 Qaane lo macatre 1927, ke, hnene la Annuaire ne la itre temoë i Iehova, hna amamane palahi ngöne la nöjei macatre laka, ketre trengamo ej, ka hamë ixatua jëne la itre ewekë hna melëne hnene la itre hlue i Akötresie ngöne la huliwa. Ajane kö epuni troa kapa apexejene la ixatua cili? Maine eje hi, ke, loi e troa e la Annuaire ngöne la epuni a ase kapa. Ketre mina fe, mekune pala kö goeëne palahi ngöne la itre drai ne la macatre, la itre hnepe ixatua qahnin’ej, ke, ithuecatre lai thatraqai epuni me fami epun.