Goi Itre Icasikeu Ne La Huliwa Ne Treu Januare
Drai 3 Januare Me Wiike Cili
Nyima 101
10 min: Itre ithuemacanyi koi së. Ce wange ju la itre mekune ka ijije hnine la itre zonale ka hnyipixe ka troa xatuane la itre atrene la götrane i easë.
20 min: Ixatua koi së. Maine cainöje hna troa kuca hnene la ketre qatre thupe hna eköthe eje hune lo taane “Ayons un bon point de vue sur la miséricorde” qa hnine la La Tour de Garde ne okotropa drai 1, macatre 1993, götrane 22-5.
15 min: “Aqane xatuane la itre atr troa atrehmekune la enyipiewekëne la itre itus.” Troa ce ithahnataane memine la ekalesia. Troa kuca la ketre iamacanyi ngöne la kola ithahnataane la paragarafe 3 me 4. Me ketre iamacany nyine amamane la aqane troa trofë la itusi ngöne la paragarafe 5.
Nyima 116 me thithi ne nyipun.
Koi 10 Januare Me Wiike Cili
Nyima 147
10 min: Itre hna amekötin koi së me itre hna amekötiin ka ijije qa hnine la Huliwa ne Baselaia.
15 min: Hnëkë kö epuni kowe la ijine troa cile kowe la itre droketre, e troa traqa la itre xaa meci elany, ka troa tupathe la lapaune së? Cainöje hna troa kuca hnene la ketre qatre thupe ka atreine nyine troa xatuane la itre trejine troa kapa madrine me atrehmekune laka, ketre ewekë lai nyine thupë së lai karte ne “Attestation”, troa qaja la itre mekune qa hnine la paragarafe 1-3 ne Huliwa ne Baselaia ne nofeba 1990, lo sine trongen. Ngöne la itre xaa kovasio “Enseignement divin”, Alanyimu catre la itre karte hnapan, tha hna sijihatrene kö, nge tha ase kö anyipicine, nge tha hna ami draine pena kö. Ame la itre karte ka hnyipixe, hna hamëne hmekuje hi kowe la itre hna bapataisone hë, thupene lai, ce wange ju la tusi ne diseba drai 15 1991, ka qeje pengöne la aqane cinyianyine la karte. Xatuane jë la itre trejine troa wange me thithi koi Iehova, nge tha tro kö a cinyianyine ngöne lai ijine icasikeu, ngo isa kuca jë pë hë ngöne itre hnalapa i angatr. Ngo THE TRO PI KÖ A SIJIHATRENE. Xometrongëne jë me epuni la karte hna cinyianyine kowe la ijine ini tusi ne la ekalesia, nge tro fe hë la itre qatre thup’a öhne hnyawaane laka kola sijihatrene la itre karte i epun, me anyipicin, nge hna ami drain. Tro la tane ne ini tusi ne la ekalesia a kuca la ketre lis ka hnyipixe matre troa atrehmekune laka ase asë hë la itre atrene la ini tus thei angeice kuca la karte. (Ame la itre keme me thine hna bapataison, ke, ijije troa xatua angatre la aqane troa cinyianyine la karte d’idendité ne la itre nekö i angatr.) Ame la itre ka paatre la ijine ini tus, ke ijije pala kö troa ce wange memine la tane ne ini tusi hnei angeice hna sin/qatre thup ngöne la icasikeu ne huliwa ne cainöje, uti hnyawa ha la pexejë hë la itre trejine ka hetrenyi la karte hna cinyianyine me sijihatren. Tro la itre qatre thup’a wangatrehmekune ngöne lai lis, la itre ka tha hane kö kuca, hawe, tro angatr’a ixatua troa cinyianyine me canga kuca.
20 min: “Aqane iwai hmaca matre acatrene la aja ne la atr.” Troa ce ithahnataan. Troa kuca la ketre iamacanyi ne iwaihmaca kowe la ketre atr ka kapa la itus L’humanité à la recherche de Dieu, huliwaane jë la itre hna qaja ngöne la paragarafe 5.
Nyima 154 me thithi ne nyipun.
Koi drai 17 Januare Me Wiike Cili
Nyima 167
10 min: Itre ithuemacanyi koi së me itre hna ithingë. Qaja jë fe la itre ahnahna hna hamëne. Olene ju la itretre cainöje la hnei angatre hna hamë mani kowe la itre huliwa ne la Sasaiatri e cailo fene memine fe ngöne la ekalesia së. Amekunëne ju la itre ka tha hane palakö kuca lo karte ne “Attestation” matre troa ce kuca ju fe kö lai heji cili memine la tane ne ini tusi hnei angatre hna sine maine pena memine la ketre qatre thup.
20 min: “Huliwaane lapaane jë la itre götrane së.” Troa ce ithahnataan, nge troa cilefë hnene la atre thupëne la huliwa ne cainöj. Ngöne la itre götrane cainöje hna kuca palahi hnene la itre ekalesia, ke, kuca ju la ketre iamacanyi ne troa nyiqaane ithahnata hna xome qa hnine la itus Comment raisonner ngöne la götrane 4 me 5, maine pena ketre xötrei ithahnta ka ijije fe hna xome qa hnine paragarafe 6 me 7, maine pena hna hnëkëne hmekuje hi kowe la götrane cainöje së. Ngöne la itre götrane cainöje tha hna kuca lapane kö ne la itre ekalesia, ke, hetre xaa xötrei ithahnata ka ijije troa huliwaane hna xome qa hnine la itus Comment raisonner, troa amacaan’itr’ej. Troa hnëkëne hnyawane la itre iamacany.
15 min: Nemene la pune la fen? Cainöje hna eköthe eje hune la itus Comment raisonner, götrane 403-8. (5 min.) Troa qaja la itre mekune fene la itre hna cinyihane, nyiqaane qa ngöne götrane 403 me 404, utihë e kuhu nyipine la götrane 405. (7 min.) Tro la ketre ka xötrei atre cainöje me ketre atre cainöje ka atreine me ka hetre wangatrehmekune hnyawa ha a ithahnataane la itre mekune ne la götrane 405-407. Ame la mekunene la ka xötrei cainöje kowe la fen, ke, tro ej’a paatr. Tro la atre cainöj’a sipo ixatua thene la itretre cainöje ka atreine troa atre hnyawa la itre mekene tusi göne la fen. (3 min.) Ngöne la kola nyipun, ke, ithahnataane jë la ketre hnyinge ngöne la götrane 408 kola hape “A qui Dieu accordera-t-il le privilège de vivre éternellement ici-bas?” Xatuane jë la itre atr troa catre huliwa, matre ijije troa kapa la manathithi cili.
Nyima 176 me thithi ne nyipun.
Koi drai 24 Januare Me Wiike Cili
Nyima 178
10 min: Itre ithuemacanyi koi së. Xatuane jë la itre trejine troa hane sine la huliwa ne cainöje trootro. Qaja ju fe la itre drai ne icasikeu ne cainöje trootro ne la ekalesia.
15 min: Kola sa la itre hnyinge i nyipunie. Cainöje hna troa kuca, nge troa ce ithahnataan. Xatuane jë la itre trejine troa trotrotrohnine la kepine matre kola qaja tune lai, ngöne köni paragarafe hnapan. Ame itre xaa ijin, ke, kola kapa hnei Sasaiatri la itre tus, maine telefone pena, qathene la itre atr ka wesitre pine laka, itre temoë palahi a hane cainöje ngöne la hnalapa i angatre thupene la hna ithuemacanyi ka hape tha tro hmaca kö hane lö kowe la hnalapa i angatr. Hawe, qëmekene la tro së a cainöje ngöne itre hnalapa trootro, ke, loi e tro palahi së a wange hnyawane ngöne la karte ne teritoar laka, hetre hnalapa tha tro kö a hane kuca.
20 min: La huliwa ne cainöje ne la ekalesia. Tro la atre thupëne la huliwa ne cainöje me ketre qatre thup’a ce wange memine la ekalesia la huliwa ne lo foa lao treu ka ase hë. Köni treu ka ase hë qaane lo kola amexeje la macatre ne huliwa celë (semitrepa-diseba). Tuneka la aqane huliwa ne la ekalesia? Olene hnyawane ju la itre götrane hna huliwaane hnyawane hnene la ekalesia. Qaja ju fe la itre xaa götrane nyine troa huliwaane hnyawane hnene la ekalesia, me hamëne la itre xaa ixatua ka ijij. Qaja ju fe la casi maine lue hna melëne ngöne la huliwa ne cainöje ka ithuecatre ne la hnaafoane treu ka asehë ne la macatre ne huliwa. Loi e troa nyiipune hnyawa, ene la troa thuecatre kowe la ekalesia, nge tro fe a hane xomi not. Ame la madrine i Iesu, ke, kola traqa qangöne laka nyidrëti a anyipiewekëne la huliwa ne cainöj, pine laka, nyidrëti a trofë palahi la Maca ka loi. Tui Iesu, tro së a hane hetrenyi la madrine cili, e hne së hna catre huliwa palahi ngöne la hnëqa së hnei Iehova hna upi së. — Ioane 4:34; 1 Kor. 15:58.
Nyima 179 me thithi ne nyipun.
Koi drai 31 Januare Me Wiike Cili
Nyima 186
10 min: Itre ithuemacanyi koi së. Xatuane jë la itre trejine troa canga nyiqaane la huliwa ne cainöje la mecixeni me sabathi celë. Huliwaane la itre ini hna kapa nyine troa hamëne la itre zonale ka hnyipixe.
15 min: Hamëne jë lai itus Vous pouvez vivre éternellement sur une terre qui deviendra un paradis ngöne la kola cainöje trootro ngöne itre hnalapa. Cainöje ka hopatre hna kuca ngöne la madrine me amamane la enyipiewekëne la itus, pine laka hna xatuane la itre atr troa atrehmekuni Iehova me nyihlue i Nyidrë. Amacaane jë la aqane tro la ketre atre cainöj’a huliwaane la itre ini qa ngöne la Huliwa ne Baselaia, nyine troa hnëkëne la aqane huliwaane la itus ngöne la huliwa ne cainöj.
20 min: “Troa sine la itre icasikeu: ketre hnëqa ka sisitria.” Troa ce ithahnataan. Ngöne la kola ithahnataane la paragarafe 2, ke, loi e troa hnyinge kowe la itretre cainöje ka ixelë memine la itre ejolen, ngo hna catre sine palahi la itre icasikeu.
Nyima 188 me thithi ne nyipun.