Aqane Amamane La Itus “Les jeunes s’interrogent”
1 Ngacama Révélation: dénouement la itusi hna troa trofë trongëne la treu celë, loipe ijije fe hi troa hamëne la itus Les jeunes s’interrogent, e maine epuni a ithahnata me ketre keme me thin, maine ketre thöthi ka ajane troa atre pengöne la mele ne la nekötrahmanyi me jajiny.
2 Nge ma loi koi epuni troa qaja ka hape:
◼ “Tha hmaloi kö kowe la itre nekönatre troa tru nyipine la itre drai ka jole celë. Nyudreni a qëmeke kowe la nöjei pengöne ewekë ka hnyipixe, celëhi matre tro palahi a wangatrehmekune hnyawane la aqane troa ujë. ‘Loi kö tro ni a hane iji kahaitr? Maine ufi dorog? Nemene la aqane troa ujë nyipine la itre jajinyi maine nekötrahmany?’ Nyimu pengöne aqane sa la itre hnyinge i angatre celë, nge itre hnyinge ka nyipiewekë. Nge hna majemine sa hnene la itre mekune ka icilekeu. Tuneka la mekune i nyipë? Tro angatr’a thele eka la nyipi aqane troa ujë? [Nue pi troa sa.] Ame la itusi celë Les jeunes s’interrogent, ke, hetre ixatua e kuhu hnin. [Amamane jë ngöne lo itre mekene hna fejane lo nöjei mekune hna cinyihane trongëne ka qejepengöne la itre ewekë ka nyimutre.] Ame la itre thöth, ke, angatr’a ajane la itre mekune ka tro meköti nge ka nyipici. Nge ame la itre mekune ne la tusi celë, ke, hna xome qa hnine la Tusi Hmitrötr.”
3 Hane la ketre aqane ithahnata nyine tro epuni a qaja:
◼ “Tru la itre ewekë enehila ka hule la itre thöth, nge angatr’a aja ixatua matre troa ngaane la itre ewekë cili. Hawe, maine easë a mekune troa hamë angatre la ixatua ka nyipiewekë, hapeu, tha tro kö së a thele la ketre ewekë nyine ameköti angatre hnyawa? [Nue pi troa sa.] Nyimu tulu ka ngazo qa thene la itre nekönatre ka tui angatr. Tro easo a goeëne la itre iatr, götrane 76 me 77. [Amamane jë la itre hna cinyihane fene la itre iatr, memine lo hna cinyihan’amekölene götrane 77.] Ame la itre mekunene la itus, ke, kola amamane la itre xaa mekune ka loi, nge ka ijije troa trothenge.”
4 Easë enehila a melëne la “itre ijine ka akötr,” nge eje mina fe kowe la itre thöth. (2 Tim. 3:1) Hawe, tro la itusi Les jeunes s’interrogent a hamëne kowe la thöthi la trengecatre ka ijije troa qëmeke kowe la itre ejolene la mele enehila. Hetre 39 lao mekene la itus, nge hna peleiatrëne, nge ka hamë ixatua catre la itre mekune e kuhu hnin. Celëhi matre e öhne hë së la ketre hnepe ijine ka mama koi së, canga mekune ju troa hamëne la sine itusi celë ka sisitria.