Hapeu, Ijije Kö Tro Nyipunie a Akökötrene La Itre Nyine Atrunyi Iehova Ngöne La Treu Eiperem?
1 Hnene la ketre atr ka cinyihane la tusi Salamo, ene Davita, pine la aja i Nyidrë troa atrunyi Iehova thenge la hni ka nyipici, öni nyidrë ka hape: “Tro ni a ole atrunyi Iehova hnene la qeng, nge tro ni a atrunyi nyidrë nyipine la ka alanyimu.” (Sal. 109:30) Eipereme la ijine ka loi tro së a ‘atrunyi nyidrë o drai’, ene la troa akökötrene la hne së hna huliwa ngöne la hna cainöje trootro. (Sal. 71:14) Hapeue, hane fe kö epuni nyihnene ngöne la porogarame i epun, matre lö hnine fe epuni la itre xötre pionie ka ixatua?
2 Itre nyine hnëkëne enehila: “Ame la itre mekune ne la atre catre huliwa te kola atena mon,” hna amekunë së hnene la tusi Itre Edomë 21:5. Mekune lai nyine tro epuni a thithi fë koi Iehova, nge epi lapaane nyidrë la göhnë ka sisitria ne la itre mekune së. (Ite Edom. 3:5, 6) Ejehi laka, loi e troa thele hnyawa, matre ame ngöne la nöjei jole nyine kuca palahi, ene la itre hne së hna amë ngöne porogaram, ke, ijije tro së hetrenyi la lue hawa o drai thatraqane la huliwa ne cainöje trootro. Epuni lai a “nyipi ewekëne la nöjei ijine” hna xome qa ngöne la traeme ne kuca la itre xaa jole ju kö matre huliwane pe itr’eje nyine akökötrene la huliwa ne cainöje trootro.—Efe. 5:16.
3 Tro së a ithuemacanyi me cas: Hnei Paulo aposetolo hna qaja la itre xane e “angetre ce huliwa” me nyidrë kowe la Baselaia. (Kol. 4:11) Ithahnataane jë la itre mekune celë memine lo itre ka ajane troa pionie ka ixatua e treu eiperem. E tro së a sajuë angatre me ce huliwa me angatr, ke, kösë easë asë hi lai a ce thawa la itre trengamo ne la ua. Tro la atre thupëne la huliwa ne cainöje trootro a xatua epuni göi aqane ce wai huliwa maine göi hnë cainöj.
4 Ame la itre xan, ke, hnene la fami angatre hna sajuë angatre me ce huliwa me angatr, matre ijiji angatre jë troa pionie ka ixatua. Nyipiewekë la troa ce thawa la itre jole nyine kuca ngöne la hnalapa. Loi e troa amë ngöne ca porogarame la itre jole tha nyine tro kö a nue. Tro la fami a ce ithahnataane la itre ewekë ka ijiji angatre matre troa traqa kowe la mekune hna ajane troa aeatrën. Hawe, e troa loi la aqane ce wai mekune memine la aqane ce huliwa, ke, celëhi kiine la atrein.
5 Loi e troa goe ce memine la mejiune: The nyimenyime kö troa mekune ka hape tha ijiji së kö troa xome la huliwa ne pionie ka ixatua. Itre thöthi ka ini, itre ka reteret, itre föe trene ha kuku, itre fami ka huliwa asë, ijije hi troa hetrenyi thei nyipunie la hni me aja troa huje matre atreine troa pionie ka ixatua e treu eiperem. Kolo lai a casi memine la hna qaja hnene la atre cinyihane la tusi Salamo kola hape: “Ijiji ange ka meköti troa atrune,” nge e eje lai nyipici, tha tro kö a hace koi angatre la 60 lao hawa hna hamëne kowe la huliwa ne cainöje trootro. (Sal. 33:1) Maine tha ijiji epuni kö troa hane löhnine lai, ke, hapeu matre hane pe hi öhnyi madrine hnene la hna aelëne la itre hawa, tune pe hi la ketre ka cainöje ne la ekalesia?
6 Ejehi laka, alanyimu qathene la angetre ka xomi pionie e treu eiperem, laka jëi angatre hë lai troa traqa kowe la pionie lapa. Tro la angetre akökötrene la itre huliwa i angatre a öhne laka ketre tha jole pe kö troa traqa kowe la pionie lapa.
7 Eipereme la treu ka lolocatre troa akökötrene la itre huliwa koi Akötresie, pine laka kolo itre ijine loi drai lai, nge ijine hmano i uma ne ini pena matre ijije tro la itre thöthi ka ini a saene troa xome la huliwa ne pionie ka ixatua. Ijije fe kowe la ka huliwa i maseta troa cainöje trootro matre aeatrëne la itre hawa hnei angatre hna mekune troa traqa kow, ene la troa cainöje trootro e hej. Ejehi laka, loi e hetre aja së troa kuca la hne së hna atreine matre nyine atrunyi Iehova la Akötresi së. Hawe, ame la xomi pionie së e treu eiperem, ke, easë lai a nyipiewekëne la nöjei huliwa i Nyidrë ka amamane la aqane hnime gufa së.