Göi Itre Icasikeu Ne La Huliwa Ne Treu Diseba
Koi 5 Diseba Me Wiike Cili
Nyima 68
12 men: Itre ithuemacanyi koi së, me itre mekune hna xome qa hnine lo hna hape Itre hna amekötine ne la Huliwa ne Baselaia. Iëne jë la caas, maine lue mekune ka ijije nyine troa ithahnataane qa hnine la itre zonale hna troa trofë. Tro la ketre atre cainöje ka atrein’a amacaan, me troa qaja la ketre taane mekune qa kuhu hnin.
15 men: “Ketre Tulu Nyine Troa Xötrethengene Hnyawaane.” Troa ce ithahnataan.
18 men: “Könëne Jë La Nöjei Atr Matre Xötrethengene Fe Angatre La Ka Tru Hune La Nöjei Atr’Asë.” Troa ithnataane memine la itre atrene la ekalesia. Hnëkëne jë la lue iamacanyi ka tha qea kö. Köjane hnyawaane ju la enyipiewekëne la troa xomi not hnyawa ngöne la kola cainöje trootro ngöne itre hnalapa; nge wange hmaca ju la itre not hna xom.
Nyima 153 me thithi ne nyipun.
Koi 12 Diseba Me Wiike Cili
Nyima 86
13 men: Itre ithuemacanyi koi së me Itre ithuemacanyii Akötresie. E jë la hna ithingë me olene la itre ahnahna. Hamëne jë la itre xaa mekune matre atreine së troa sa kowe la itre atr ka hape koi së “bozu bonane”.—Wange ju lo Huliwa ne Baselaia, treu Diseba, 1990, götrane 8.
14 men: “Wange Hnyawa Palahi La Aqane Hamëne Epuni La Ini.” Cainöje hna cile fë hnene atre thupëne la ini. Wange hmaca jë la itre ini ka mama ngöne lo “Porogarame ne ini ne huliwa qa thei Akötresie göi macatre 1995,” nge qaja amamane hnyawaane jë la itre mekune ka ketr la ekalesia.
18 men: “Loi e Ka Mama La Aja Së Kowe La Ene i Akötresie.” Troa ce ithahnataan. Qaja ju fe la itre xaa mekune nyine troa amamane la enyipiewekëne la troa traqa ngöne la itre traeme hna sa thatraqane la itre icasikeu.—Goeëne ju La Tour de Garde ne 15 Juun, 1990, götrane 26-9.
Nyima 99 me thithi ne nyipun.
Koi 19 Diseba Me Wiike Cili
Nyima 78
10 men: Itre ithuemacanyi koi së. Wange hmaca jë la itre hna hnëkëne thatraqane la huliwa ne cainöje trootro ngöne la itre ijine kola pë huliwa. Hamëne jë la itre xaa aqane troa trofë la itre zonale ka hnyipixe ngöne la teritoare së.
20 men: “Drenge Hnyawa Matre Trongëne La Wesi Ula Hna Perofetan.” Sine trongen. Troa ce ithahnataane la itre paragarafe 1-8, troa cile fë hnene la ketre qatre thup. Qaja ju la aqane troa trongëne la itre mekene tus.
15 men: “Xatua Angatre Jë Troa Hane Itretre Drei Nyidrë.” Ithahnataane jë memine la ekalesia. Troa kuca la lue iamacanyi ka tha qea kö. Xatuane jë la itretre cainöje troa ami ijine ngöne la angatr’a cainöje trootro ngöne la wiike matre troa kuca la itre iwaihmaca.
Nyima 22 me thithi ne nyipun.
Koi 26 Diseba Me Wiike Cili
Nyima 74
5 men: Itre ithuemacanyi koi së. Ithahnataane jë lo taane hna hape “Nyipiewekë Kö Troa Saze La Ijine Icasikeui Epun?” e ka ihmeku memine la ekalesia i epun.
20 men: “Drenge Hnyawa Matre Trongëne La Wesi Ula Hna Perofetan.” Sine trongen. Troa ce ithahnataane la itre paragarafe 9-13, hna troa cile fë hnene la ketre qatre thup. Qaja hnyawa jë la enyipiewekëne la troa hnëkë, me sin, me sa ngöne la ini tusi ne la ekalesia. Amamane jë la aja kowe la ini ne la ua, nge ka sisitria catre hë enehila, ene la troa eatrongë së ngöne la itre drai ne pune la fene hnengödrai celë.
10 men: Itre ihaji koi së. Maine pena troa kuca la ketre cainöje hna eköthe hune la taane hna hape “Aidez-vous votre enfant à choisir Jéhovah?” hna xome qa hnine La Tour de Garde ne 1 okotropa, 1994, götrane 26-30.
10 men: Hnëkë jë së kowe la nyine troa trofë e treu Januare. Kola troa trofë trongëne lo itus L’humanité à la recherche de Dieu, 400 F. la thupen. Hnëkëne jë la ketre aqane trofë ka ijije troa huliwaane ngöne la cainöje ngöne itre hnalapa trootro. Ijije tro epuni a goeëne la itre mekune ka mama ngöne la Huliwa ne Baselaia ne treu Januare, 1994 götrane 4. Hetrenyi fe la itre xaa mekune ngöne la itus Comment raisonner, götrane 9-15. Tro la ketre atre cainöje ka atrein’a amacaane la aqane trofë la itus.
Nyima 94 me thithi ne nyipun.