Nyipiewekë Kö Troa Saze La Ijine Icasikeui Epun?

E alanyimu la itre ekalesia ka icasikeu ngöne la ca uma ne Baselaia, hawe hnei angatre hna ce mekune troa saze la drai, maine tro pena a sazene la itre hawa ne icasikeu. Loi e troa nyiqaane e treu Januare. E hetre aja i epuni troa ixatuanekeune la itre hna amekötin, ke, epuni lai a amamane la nyipi ihnimekeu, me metrötr. Ame la aliene la kola saze la itre traemene, ke, nyine troa xatua epuni troa sine lapaane la itre icasikeu.

Ame ngöne la itre xaa götran, ke, tha ihmeku hmaca kö memine la porogarame i epun la kola saze la itre hawa ne icasikeu. Maine jë qa i epuni troa sazene la porogaram. E idrengethenge hnene la isa alacas, ke, kolo lai a amamane la madrine i epuni kowe la itre hna amekötin, nge kolo lai a thuejëne la itre ka nango jole troa hane eatrëne la itre icasikeu matre hane angatre kepe thangane ka loi.

Nyipici, e ka loi hë koi epuni la aqane sazene la itre ijine icasikeu, ngo nyipiewekë catre pala kö la troa thelejëne troa sine la nöjei icasikeu ne la wiik, thenge la porogarame hna axeciëne hnene la ekalesia. Troa catre mekune tune la aqane mekune i Davita, kola hape: “Ini a madrin’e angat’a qaja koi ni, ka hape, ‘Tro shë kowe la ēnē i Iehova.’ ”​—⁠Sal. 122:⁠1.