Troa Sine La Itre Icasikeu: Ketre Hnëqa Ka Sisitria
1 Tuneka la aqane nyipiewekëne i nyipunie la itre icasikeu? Hapeu, hetre aliene kö katru hnine la hnyinge ce koi së? Ejehi laka, hetre madrine së troa sine la itre icasikeu. Ngo, ame pe, ke, hna amamane hnene la itre rapore laka, kola nango co la atrene la itre icasikeu. Nemene la kepine? Hapeu, tro kö la itre xaa huliwa së jëne thele mani, maine kucakuca, maine itre jole ne hnalapa, maine ketre sine meci pena, maine hnei ngazo drai hna ajolë së troa eatrëne la hnëqa së, ene la troa sine palahi la itre icasikeu? (Deut. 31:12) Ketre hnëqa lo lai hna ahnithe hnei Tusi Hmitrötr, nge tro së asë a mekune ngöne la thithi la hnyinge celë kola hape, tro ni a nyipiewekëne tuneka la itre icasikeu?
2 Ame la itre xaa trejine me easë, ke, itre hawa katru hnei angatre hna trongëne la itre gojenyi katru la so, me tro sasaithe la itre hneopegejë hna jilapane hnene la itre aligitra matre hane angatre sine la itre icasikeu. Ngöne la ekalesia së, ke, hetre itre trejin; jëne la lapaune i angatr, ngacama ka kucakuca catre itre xan, nge ka sinatr itre xan, ame itre xan, ke, itre trene qa qangöne la itre uma ne ini mus, ngo ame pe, ke, “tha hane kö angatre paatre” ngöne la itre icasikeu. (Luka 2:37) Pine nemene matre catre palahi angatre troa sine la itre icasikeu? Pine laka, atre hi laka, tha hmeku i angatre kö troa cile kowe la itre ejolene la fene qangöne la sipu trenge catre i angatr. Celë hi matre angatr’a lapaune kowe la trenge catre qathei Akötresie. — 2 Kor. 12:9, 10.
3 Tro së enehila a xötrethengene la tulu hna amë hnene la itre pane keresiano, ene la troa icasikeu troa ce hmi, me ce thawa la itre hna melën, me ce inine la wesiula i Akötresie. (Itre Hul. 4:23-30; 11:4-18; Kol. 4:16) Easë a ce kapa la hna amekötine jëne la itre hna perofetaane me itre ini qangöne la Tusi Hmitrötr, me thina ka meköti me aqane ujë ne la itre keresiano, memine fe la itre ihaji nyine troa mele ka loi enehila, e troa trongëne la itre hna amekötine qa ngöne la Tusi Hmitrötr. (1 Tim. 4:8) Nge, tro së a mekune hnyawane la mejiune së laka, ame ketre drai, ke, tro ha pë meci me akötr. Nyipiewekë catre troa thupëne lai mejiune ka mel. — Heb. 6:19.
4 Nemene la aqane nyipiewekëne hnene la fami epuni la itre ijine icasikeu? Hapeu, ketre hnëqa kö lai ka hetre sipu göhnene ngöne la mele i epun, ka ceitune memine la traeme ne xen, maine ketre huliwa lai ka iajolë? Ngöne la ketre ijine icasikeu ne hej, hapeu, traqa kö koi epuni la troa luelue, ene la troa mekune ka hape ma lapa ju pë hë ni, maine mekune hnyawa pena hi epuni laka ame la itre icasikeu së cememine la itre trejine, ke, tha tro kö a sine hmekuje hi e kola ajan? Nyimu ka cainöje trootro, ka xötrëne la tulu qa thene la keme me thine i angatr, nge itre thupëtresiji hë angatr. “Ame la pengöi kaka,” kola amexeje hnene la ketre qatre thup, “hna thupëne hnei nyidrë laka tro palahi la fami a sine la itre icasikeu. Maine hetre trene kucakuca, ke, tro hi la ketre e eahuni a ce lapa memin, ngo ame ju pë hë la munëne la fami, loi e tro asë hi a sine la icasikeu!”
5 Ame ngöne la itre Huliwa ne Baselaia hne së hna troa kapa wengën, ke, tro së e ketre ijin a ithahnataane la enyipiewekëne la itre icasikeu ne la isa ekalesia së matre nyine xatua së troa eköthe la wangatrehmekune kowe la itre hna hnëkëne thatraqane la ua. E maine majemine epuni hane sine palahi la itre icasikeu, eje hi, tro la itre taane mekune e cili hnin, a xatua epuni troa aeaatrëne la itre hnei epuni hna ajan. Tro fe itr’ej’a nyine ixatua ka tru kowe la itre ka elemekene la itre icasikeu. Celëhi matre ame la itre mekune cili thatraqai së asë, ke, nyipiewekë troa hnëkëne matre ce thawa ngöne la ijine icasikeu. Pine nemene matre tha pane lapa kö memine la fami matre ce wange ngöne la thithi la aqane troa nyipiewekëne la itre icasikeu së? Thupene lai, loi e troa pane lapa hmaca matre wai emekötine lo porogarame së. Ame la götrane qa së cili koi Iehova, ke, ketre huliwa lai hna melen. Nge loi e troa nyipiewekëne hnyawan’ej.