Loi e Tro Së a Huliwa Catr
1 Tru catre la huliwa ne la itretre hlue i Iehova. Nyimutre la itre hnëqa tro së a eatrëne hnine la fami, me thei maseta, maine hna ini pena. Nge e hune la nöjei ewekë cili, tro “palahi a catre huliwa i Joxu.” (1 Kor. 15:58) Tro së a hnëkën, me sine la nöjei icasikeu ngöne la wiik. Hna thuecatre së palahi matre tha tro kö a hetre wiike gufa, nge tha hne së kö hna cainöje trootro. Tro fe së a ami ijine göi troa isa inine lapaane la Tusi Hmitrötr, me ce inine memine la fami. Hnene laka tru catre la itre hnëqa ne la itre qatre thup, me itre drikona ngöne la ekalesia. Hawe, ame itre xaa ijin, ke, kola sipo së troa xatuane la itre ka kucakuca.
2 Maine jë tro së a mekune e itre xaa ijine ka hape tru catre pala ha la itre nyine kuca. Ngo ame pe, ke, ame la itre atr ka huliwa lapa, ke, angatre hi la itre ka manathithi e tro angatr’a atreine hmekën, me thupëne la aqane mekune ka loi.—Ate Cai. 3:12, 13.
3 Ame Paulo aposetolo, ke, ketre atr ka nyimu huliwane catr. Ngacama nyidrëti a huliwaane la metie i nyidrë, ene la troa cane la itre uma maano thatraqane tro nyidrëti a mel, ame pe tru catre kö la hnei nyidrëti hna cainöje hune la itre xaa aposetolo. Hnei nyidrëti hna amamane laka ketre atre cainöje ka tha mano kö nyidrë, kola cainöje koi nöjei atr ngöne itre hnalapa trootro, nge tha hnei nyidrëti kö hna wangacone la itre hnëqa i nyidrë, ene la troa thupëne la hnënge mamoe. (Ite Hu. 20:20, 21, 31, 34, 35) Ngacama tru catre hnei huliwa i Paulo, hetrenyi palahi la aja thei nyidrë troa akökötrene la huliwa koi Iehova.—Goeëne ju la Roma 1:13-15.
4 Hnei Paulo hna mejiune kowe la trenge catre hna hamëne hnei Iehova, celëhi ka aijijë nyidrëti troa hmek, me hetrenyi la hni ka madrin. Hnei nyidrëti hna öhne laka hetre thangane qa ngöne la hna cainöje trootro, nge hetre madrine i nyidrë. (Fil. 4:13) Atrehmekune hi nyidrë laka tha tro kö Akötresie a thëthëhmine la huliwa i nyidrë. (Heb. 6:10) Drei la ketre ithuecatre ka tru, ene la troa xatuane la itre atr troa atrehmekua Iehova, cememine la madrin. (1 Thes. 2:19, 20) Ame la ka upi nyidrë troa catre huliwa, ke, ene la mekune ka eje thei nyidrë hna hneëtrepene qa hnine la Tusi Hmitrötre laka troa aeatrëne la mejiune i nyidrë.—Heb. 6:11.
5 Hawe, loi e tro së a atreine wange la itre thangane ka loi qa ngöne la itre huliwa së. Nyine ithuecatre koi së, me koi itre xan, e tro së a sin, me sa ngöne la itre ijine icasikeu ne la wiik. (Heb. 10:24, 25) Ame la itre huliwa së troa cainöjëne la maca ka loi koi nöjei atr, ke, kola thuejëne tro la ekalesia a mana trootro qa ngöne la hne së hna xatuane la aja ne la itre atr, nge tro fe së a xatuane la itre ka xötrei traqa troa hane ce huliwa me easë. (Ioane 15:8) E tro së a sajuëne la itre ka aja ixatua, ke, tro së a caas, nge loi la aqane tro s̈e a imelekeu e hnine la ekalesia, tune ngöne la fami. (Iako. 1:27) Hune la nöjei ewekë asë, tune la hna qaja hnei Paulo, tha tro kö së a thëthëhmine laka, e tro së a catre kuca la itre huliwa ka loi, ke, easë lai a amadrinë Iehova Akötresie. Easë a qaja amamane laka ketre götrane qa ka tru la troa nyihluei Nyidrë. Ame koi së, ke, pëkö hmaca ju kö xaa aqane mele ka sisitria hune lai!
6 Hetre ketre thangane ka loi tro së a kapa qa ngöne la hna catre huliwa. E tro së a xötrethenge hnyawa la porogarame hne së hna hnëkëne hnyawa, kösë sasaqe catre la itre drai. Nge, kola paatre nyimenyime la itre drai, nge easë a easenyi kowe la fene hnengödrai ka hnyipixe, nge tru la madrine së troa kuca la itre huliwa ka tru alien. Easë fe a trotrohnine laka nyipiewekë catre troa huliwa lapa matre tha tru kö hnei ijine së troa xötrëne la itre aja ne fene ka gufa.—Efe. 5:15, 16.
7 Nyipici, tru la nyine kuca ngöne la huliwa i Joxu. Ngo, ame pe kola hamëne koi së la manathith, e tro së a mejiune koi Iehova Akötresie, me Iesu Keriso, lo ka thuecatre së, nge ka nyi thupe së.—Mata. 11:28-30; 1 Ioane 5:3.