Göi Itre Icasikeu Ne La Huliwa Ne Treu Febuare
Koi 5 Febuare Me Wiike Cili
Nyima 96
10 men: Itre ithuemacanyi koi së. Iëne jë la itre mekune qa hnine la Huliwa ne Baselaia. Itre Ithuemacanyi Akötresie.
15 men: “Qaja Trongëne Jë Së La Nyipici o Drai Tui Iesu.” Troa ce ithahnatan. E jë la paragarafe 5.
20 men: “Tusi Hna Amamane—Kii Ne La Nyipi Manathith.” Ce ithahnatane jë la itre aqane tro fë hna hamën, nge kuca ju la caasi maine lue iamacany.
Nyima 14 me thithi ne nyipun.
Koi 12 Febuare Me Wiike Cili
Nyima 191
10 men: Itre ithuemacanyi koi së. E jë la hna ithingë.
13 men: “Hnëkë Jë Kowe La Huliwa Ne Zonal e Eiperem.” Qaja jë la etrune La Tour de Garde me Réveillez-vous!, matre troa ahlemune la maca ka loi. E jë la lue paragarafe ne la hna cinyihan, nge amamane hnyawane jë la nyine troa kuca hnene la ekalesia matre troa nyipiewekëne la treu eiperem hnene la hna troa tro fë trongëne la itre zonal.
22 men: “Thele Jë La Aqane Tro La Itre Atr a Drei Epuni Hnyawa.” Troa ce ithahntan. Tro la lue ka cainöj a ithahnatane la aqane tro nyidro a tupathe troa keukawahnin ngöne la kola ithahnata koi itre atr, nge hane ju fe huliwane la itre mekune hna hamëne ngöne la itus Manuel pour l’école, götrane 164-6, paragarafe 10-21.
Nyima 133 me thithi ne nyipun.
Koi 19 Febuare Me Wiike Cili
Nyima 72
10 men: Itre ithuemacanyi koi së.
15 men: “Manathithi Hna Troa Kapa Qa Ngöne La Ini Ne Cainöje Trootro Qa Thei Akötresie Göi Macatre 1996—Götrane 2.” Cainöje hna troa kuca hnene la atre thupëne la ini. Amamane hnyawane ju la enyipiewekëne la troa e la Wesiula i Akötresie o drai.
20 men: “Xatuane Jë La Itre Ka Ajane Troa Trotrohnin.” Ce wange ju la itre aqane tro fë göi troa iwaihmaca. Tro la ketre qatre thup a ce ithahnatane memine la luetre maine köni ka cainöje la itre mekune ka tru ne la itus Révélation: dénouement, memine la aqane troa qaja atrun itre ej. Kuca jë la caasi maine lue iamacany. Hamëne jë la itre xaa Ixatua ngöne la aqane troa akökötrene la aja kowe la ketre mekune hna troa ithahnatane ma tre nyiqane inine la Tusi Hmitrötre memine la itus La connaissance qui mène à la vie éternelle.
Nyima 53 me thithi ne nyipun.
Koi 26 Febuare Me Wiike Cili
Nyima 28
10 men: Itre ithuemacanyi koi së.
15 men: Hnëkëne hnyawa jë la itre aqane tro fë ka ketr la hni ne la itre atr. Tro la atre thupëne la huliwa ne cainöj, maine ketre qatre thupe pena a ce ithahnatane memine la luetre maine köni ka cainöje la itre eloine la troa huliwane ngöne la hna cainöje trootro la itre aqane nyiqane ithahnata ka ihmeku memine la ketre aja maine ewekë pena hna öhne ngöne la nöje së. Ketre ceitun, kola mama ngöne la itre rapore ka hnyipi traqa ka hape tru la itre ewekë hna kuca göi troa mele hnyawa; nge kolo pala hi a elë trootro la itre jole hnine la faipoipo, maine itre nekönatre ka sasaithe la itre wathebo i mus, maine itre jole pena troa öhnyi huliwa; maine hetrenyi pala hi la itre ithuemacanyi ka hnyipixe ka amamane la kepine matre kola luelue trootro la itre atr ngöne la itre nyin hna hamëne hnene la itre hene politik, me itre keme ne hmi. Qaja ju la itre ewekë ka hnyipi traqa ngöne la götrane i epun, nge qaja ju la aqane troa nyi jën itre ej matre troa nyiqaane ithahnata.
20 men: Tro fë jë la itus La connaissance qui mène à la vie éternelle e treu maac. Amamane hnyawane ju la itre xaa mekune ka nyipi ewekë hnine lai itus, matre jëne troa nyiqaane ithahnata. (1) Amamane jë koi angeice la itre iatr ka tru alien, tune la itre atr ka mama ngöne la itre götrane 4-5, 86, 124-5, 188-9. (2) Amamane jë la aqane nyi pune la nöjei mekene tusi hnene la itre hnyinge nyine troa ce wang, nge qeje pengöne ju la aqane troa huliwane itre ej matre nyi trepene la itre aqane troa nyiqane ithahnata së. Ijije tro së a hnyingëne lai atr ka hape ajane kö angeice troa atre la itre aliene la itre hnyinge celë. Iëne ju la itre xaa hnyinge hna cinyihane ngöne la götrane 11, 22, 61, 149. (3) Amamane ju la itre hna cinyihane hna eköhagene ngöne la götrane 102, nge hamëne jë la itre mekune ka amamane la aqane troa huliwane la “Quelques caractéristiques des derniers jours.” (4) Köjane ju la kepine matre hna kuca la itusi celë matre troa kuca lapaane la itre etid. Tha qea kö la itre meken, hmaloi e troa trotrohnine la itre taane mekun, hna fejane la itre xötre ka tru alien, nge itre hnyinge hna troa ce wange ka amamane la itre mekune kii. Xatuane asë jë la itre trejine troa tro fë la itus, me lapa mekune la ewekë ka sisitria hna ajane the së asë, ene la aja së, ene la troa nyiqaane inine la Tusi Hmitrötre kowe la itre xaa atr.
Nyima 151 me thithi ne nyipun.