Göi Itre Icasikeu Ne La Huliwa Ne Treu Juun
Koi 3 Juune Me Wiike Cili
Nyima 181
10 men: Itre ithuemacanyi koi së. Qaja ju la Itre Hna Amekötiin qa hnine la Huliwa ne Baselaia. Qaja jë la hna huliwa ngöne la hna cainöje trootro e treu, ngöne la ekalesia.
15 men: “Nyitipune Jë La Lapaune i Angatr.” Troa ce ithahnatan. Ce wange ju la itre ewekë ka amamane la lapaun, hna qejepengöne ngöne la itre hna cinyihane hna eköhagen, götrane 13 ne La Tour de Garde ne 15 semitrepa, 1991. Hnyinge ju kowe la caasi maine lue ka cainöje troa qaja la ka xatua angatre troa cainöjëne pala hi la Baselaia ngöne la itre macatre ka kösau.
20 men: “Qaja Trongëne Jë La Atrehmekune Ka Thuejë Së Kowe La Mele Ka Thaa Ase Palua Kö.” (Paragarafe 1-3) Ce wange ju la paragarafe 1. (Qaja ju la itre mekune hna qaja ngöne La Tour de Garde ne 15 januare, 1996, götrane 12-13, paragarafe 11-12.) Qaja ju ka hape ame lo lai aqane kuca ka hnyipixe ngöne la pune la Huliwa ne Baselaia, ke, hna hnëkëne lai hnei sasaiatri nyine ixatua koi së, matre atreine hnyawa së troa kuca la itre iwai hmaca. Pine laka loi e troa kuca la itre iwaihmaca, caasi maine lue drai thupen, thaa tro kö së a hmitr, ngo tro pe a canga wange lo itre aqane nyiqane ithahnata hna hamëne hë koi së göi cainöje trootro ngöne la kola xötrei iöhny memine fe la itre mekune nyine ixatua göi iwai hmaca ngöne pala hi lai icasikeu ne huliwa ne cainöj. Ce wange ju la paragarafe 2 me 3, thaa tro pe a aqean, nge kuca ju fe la lue iamacany. Ngöne la aqane tro fë e kola xötrei iöhny, hane ju fe qaja la itre ahnahna hna hamëne thatraqane la huliwa e cailo fene hnengödrai. Troa ce wange ngöne la lue icasikeu ne huliwa ne cainöje ka troa xulu, la itre xaa aqane trofë ngöne hnine lai hna cinyihan, ngöne la lue wiike ka troa xulu la kola icasikeu ne huliwa ne cainöj.
Nyima 143 me thithi ne nyipun.
Koi 10 Juune Me Wiike Cili
Nyima 63
7 men: Itre ithuemacanyi koi së. E jë la hna ithingë.
8 men: Inine jë la Itre nekönatre ngöne la hna cainöje trootro. Cainöje hna troa kuca hnene la ketre qatre thup. Loi e tro së a ce cainöje memine la itre nekö së qaane la angatre a co. Tro hë la ini hnei angatre hna kapa me melën, a nyi trepene hnyawa la lapaune i angatr, nge tro fe hë angatre a catre troa cainöje elanyi e tru hë angatr. Loi e tro fe angatre a nyipiewekëne la huliwa ne cainöje trootro, me isa thupëne la itre aqane ujë i angatr. Tro la itre nekönatre a neëne la itre aqane ujë ka ngazo; thaa ijine elo kö la kola cainöje trootro. Nyipi ewekë catre koi angatre troa ce cainöje trootro memine la itre ka macaje hë ngöne la huliwa ne cainöj. Tro hë angatre a kapa la ixatua ka ijije matre atreine angatre troa trofë la maca ka loi. (Goeëne ju La Tour de Garde ne 1 ogas, 1988, götrane 15, paragarafe 20.) Hnëqane la itre keme me thine troa inine me thupëne la itre nekö i angatr; thaa tro kö angatre a upe caasine la itre nekö i angatre kowe la itre icasikeu ne troa cainöje trootro. Qaja aloine jë la itre ewekë ka loi hnei angatre hna kuca.
10 men: “Qaja Trongëne Jë La Atrehmekune Ka Thuejë Së Kowe La Mele Ka Thaa Ase Palua Kö.” (Paragarafe 4-5) Thupene la hna fe la itre hnepe mekune nyine nyiqan, amacane jë la itre aqane nyiqaane ithahnata ngöne la xötrei iöhnyi me ngöne la kola iwai hmaca, hna cinyihane ngöne la itre paragarafe 4 me 5. Xatuane asë jë la itretre cainöje troa canga wange hmaca la itre atr ka xome hë la itus Connaissance.
20 men: “Aqane Troa Inine La Itre Atr Jëne La Itus Connaissance.” Qaja jë la itre xaa mekune qa hnine la paragarafe 1-2. Ce wange ju la paragarafe 3-11 jëne la itre hnyinge memine la itre mekune nyine troa sa hmekun itre ej. Qaja ju ka hape, ame pë hë la sine trongen, ke, tro pë hë a ce wange ngöne la itre icasikeu, thatraqane la huliwa ne cainöje e treu Julai, me ogas. Xatua angatre asë jë troa amë hnyawa ej.
Nyima 92 me thithi ne nyipun.
Koi 17 Juune Me Wiike Cili
Nyima 157
10 men: Itre ithuemacanyi koi së. Kola Sa La Itre Hnyinge i Nyipunie.
15 men: “Troa Ketr La Hni Ne La Atr, Jëne La Hni Ka Menyike Ngöne La Kola Porotrik.” Troa ce ithahnatan. Könëne jë la caasi maine lue ka cainöje troa qejepengöne la itre ewekë hna melëne hë nyine ithuecatr, ka amamane la thangane ka loi e troa porotrike ngöne la menyik, me madrin.
20 men: “Qaja Trongëne Jë La Atrehmekune Ka Thuejë Së Kowe La Mele Ka Thaa Ase Palua Kö.” (Paragarafe 6-7) Qaja atrune jë fe la itre mekune hna ajane troa traqa kow ngöne la kola kuca la itre iwaihmaca, ene la troa xomexatuane la aja, me nyiqaane la etid, me ce axeciëne la itre ijine troa iwaihmaca. Thupene la hna ce wange la itre aqane tro fë ngöne la paragarafe 6 me 7, ke, kuca ju la isa caa iamacanyi ngön, me amamane la aqane troa nyiqaane la etid. E jë la paragarafe 17 ngöne la götrane 14 ne La Tour de Garde ne 15 januare, 1996.
Nyima 211 me thithi ne nyipun.
Koi 24 Juune Me Wiike Cili
Nyima 6
10 men: Itre ithuemacanyi koi së. Qaja atrune jë la huliwa ne cainöje trootro ka ketre pengön, hna hnëkëne göi treu 4 julai.
15 men: Itre ihaji koi së. (Maine ketre cainöje hna nyitrepene hnene La Tour de Garde ne 1 januare, 1996, ame la taane ke, “Exposons correctement la parole de la vérité,” götrane 29-31.)
20 men: “Xatuane Jë La Itre Trejine Ka Nanazije Troa Nyihlue i Akötresie Hmaca.” Cainöje hna troa kuca hnene la ketre qatre thup. Xome jë La Tour de Garde ne 1 ogas, 1992, ngöne la hna cinyihane ka hape “Revenez à moi, et je reviendrai à vous,” matre troa hamë ithuecatre kowe la itre trejine ka nanazij. Qaja ju la itre xaa mekune ka tru.
Nyima 71 me thithi ne nyipun.