Itre Hna Amekötiin

◼ Tusi hna troa tro fë e treu Januare: Itre xaa boroshüre ka 32 lao götrane, hna xeene pala kö hnene la ekalesia, 50 F la thupen. Febuare: La Révélation: le grand dénouement est proche! koi 400 F. Maac: Le secret du bonheur familial koi 150 F. Eiperem: Boroshüre ka hnyipixe, Nemene La Hnei Akötresie Hna Thele The Së? Atreine fe troa hane hamëne La Tour de Garde me Réveillez-vous!

◼ Troa hamëne kowe la itretre cainöje asë hna bapataisone hë, ka traqa kowe la Icasikeu ne la Huliwa ngöne la drai 13 Januare me wiike cili, la pepa ne “Instructions médicales préalables” me carte d’identité ne la itre nekö i angatr.

◼ Troa kuca hnene la atre thupëne la sirkoskripsio la cainöje kowe la nöjei atr qëmekene e Maaci drai 2, ngo troa nyiqaane eje e treu Febuare; ame la taan, ke, “Huliwaane jë la ini nyine troa atrunyi Iehova.”

◼ Tro la itre ekalesia a canga nyiqaane hnëkë matre troa atrune la Drai ne Amekunëne thatraqane la macatre celë; troa icasikeu ngöne la sabathi ne treu maac drai 23, thupene la hna lö la jö. Ma troa canga kuca la cainöje nge lai petre kö, ngo ame pë hë göi ihamënekeune la itre hatren, loi e troa nyiqaane e lö hë la jö. Thele ithuemacanyi jë thei meteo maine ngöne zonale matre troa atre la ijine me hawa ne lö la jö ngöne götrane hna mele ngön. Icasikeu ne cainöje hmekuje hi la nyine troa kuca ngöne la drai cili, ame pë hë koi itre xan, loi e troa uthe itre eje kowe la ketre ijine ka ijij; troa eje lai göi etid ne La Tour de Garde. Loi e tro fe la itretre thupëne la sikoskripsio a wange hnyawa hmaca la porogarame i angatre ngöne la wiike thenge la ekalesia hnei angatre hna troa wang. Nyipici laka, ka loi kö e tro la itre ekalesia a isa atrune la drai ne amekunën, ngo ame itre xaa ijine ke thaa ijije kö. Maine nyimutre la itre ekalesia ka ce thawa la ketre uma ne Baselaia, loi e troa thele la ka hmaloi thatraqane la caas maine nyimutre pena ngöne la heji cili. Loi e troa canga nyiqaane la drai ne amekunëne e heji lapa petre kö, matre thaa tro kö a jole kowe la itre ka ajane troa traqa troa hane sine la drai cili. Maine troa pë ijine troa ibozu memine la itre ka xötrei traqa, qëmekene maine thupene la hna icasikeu, thele jë troa hamëne pala hi kowe la itre atr ka hetre aja, la itre ixatua ngöne la ua, maine troa ithuecatre pena kowe la itre atrene la icasikeu. Thupene la hna ce wange la nöjei götrane asë, tro la itre qatre thupe a axeciëne la itre xaa mekune thatraqane la itre ka sine la Drai ne Amekunën, matre troa hetre thangane catre la ijine celë.

◼ Ame la cainöje ka ketrepengöne kö thatraqane la drai ne amekunëne ne macatre 1997, ke troa kuca e sabath drai 6 Eiperem. Troa hamëne la itre mekune ka tru elanyi la tulu ne cainöj. Troa kuca la cainöje cili ngöne la wiike thupen, maine kola kapa hnene la ekalesia la atre thupëne la sirkoskripsio, maine asabele ne sirkoskripsio, maine asabele ne ca drai pena. Thaa tro kö la ekalesia a kuca la cainöje qëmekene la 6 Eiperem.

◼ Loi e tro la koleji ne la itre qatre thupe a mekune hnyawa laka, nyipi ewekë cahu itre hna amekötine thatraqane la ekalesia ka troa sine la itre asabele ne la nöj: Maine kola troa asabele ne caa drai, troa kuca asë la itre icasikeu ngöne la wiik, ngo cainöje koi nöjei atr pe hi me inine La Tour de Garde, thaa tro pë hë a hane kuca lue ej. Maine kola troa asabele ne sikoskripsio, thaa tro kö a kuca la icasikeu ne ini ne cainöje trootro qa thei Akötresie, memine la icasikeu ne la huliwa ne cainöj; ngo INI TUSI hmekuje hi la hna troa kuca pe ngöne la wiike cili.

◼ Itre Itusi Ka Hnyipixe Hna Kapa:

Le secret du bonheur familial​— Qene Sinoa, Sinoa (Hna ahmaloeën), Qene Fiji, Samo, me Vietenam

Nemene La Hnei Akötresieti Hna Thele The Së?​— Qene Sinoa, Sinoa (Hna ahmaloën), Hiri Motu, Qene Nu Gini (Pijin), Qene Sahmoa, Qene Tahiti, Qene Vietnam

◼ Itre Kasete Ka Hnyipixe Hna Kapa:

Nemene La Hnei Akötresieti Hna Thele The Së? (caa kaset)​—Qene Papale

◼ Itre Diske Lazer Hna Kapa:

Kingdom Melodies Volime 3 (cdm-3)