Göi Itre Icasikeu Ne La Huliwa Ne Treu Januare
Koi 6 Januare Me Wiike Cili
Nyima 6
10 men: Itre hna amekötine koi së. Iëne jë la Itre hna amekötine qa hnine la Huliwa ne Baselaia. Qaja jë la hna huliwa ngöne la hna cainöje trootro ne treu Okotropa, ngöne la nöj me ngöne la ekalesia.
20 men: Loi e tro së a huliwane hnyawa la traeme së ngöne la itre drai hedredrei. Troa cainöje me ce ithahnatane hnene la seketere ne la ekalesia. Qaja jë la enyipiewekëne la troa ce icasikeu memine la ekalesia ngöne la nöje hnei epuni hna tro kow troa mano. Troa atraqatre la madrine së troa ce cainöje memine la ekalesia me hane sine la itre icasikeu i angatr. Troa canga hnëkëne lai, tune lo aqane kuca së kowe la itre drai ne hedredrei. Easë fe a ajane troa xölehuje la nöjei ijine troa cainöj. Maine kola mekune hnene la ketre trejine troa mano ngöne la ketre nöj, a nyimu wiik, loi e tro angeice a canga ce wange memine la ketre troa kuca lapane pë hë la itre etid i angeic. Loi e troa xecie asë kowe la nöjei ka cainöje laka, troa hamëne e pune treu la itre rapore ne cainöje trootro kowe la seketere. Amekunëne jë fe la itre xaa hna ajane hnene la ekalesia. Wange ju la “Nyine amekunëne thatraqane la itre drai hedredrei” ngöne la Huliwa Ne Baselaia, ne treu Diseba 1995, götrane 7.
15 men: “Hna Aijijëne Me Hnëkëne Ijjije Troa Inine La Itre Xan.” (Paragarafe 1-6) Ithahnatane jë la paragarafe 1-2, thaa tro pe a aqean, nge qaja atrune la enyipiewekëne la troa lapaune kowe la ixatua i Iehova, ka troa aijijë së troa inine hnyawa la itre xan. Tro la foa lao ka cainöje a kuca la lue iamacanyi hune la itre aqane nyiqaane ithahnata, paragarafe 3-6, ka amamane la aqane troa xötrei cainöje kowe la itre atr me wai angatre hmaca.
Nyima 14 me thithi ne nyipun.
Koi 13 Januare Me Wiike Cili
Nyima 16
13 men: Itre hna amekötine koi së. Troa cile fë la hna ithingë. Amamane jë la itre xaa taane mekune e hnine la itre zonale hna xörei kapa, matre troa ce ithahnatan. Hamëne jë la itre mekune ngöne la aqane tro së a nyiqaane ithahanata ngöne la kola cainöje e nöjei ijin, maine easë a cainöje ngöne la nöjei ijin. Sipone jë kowe la itre atrene la icasikeu troa qaja la aqane kuca i angatre ngöne la angatre a nyiqaane ithahnata memine la itre xaa atr ngöne la itre magazë, ngöne la gojeny, ngöne la park, hnine kar, me ngöne itre xane ju kö.
15 men: “Hna Aijijëne Me Hnëkëne Ijije Troa Inine La Itre Xan.” (Paragrafe 7-9) Qaja jë la itre aqane iwai hmaca ne la itre xaa atr, ngöne la Annuaire 1995, götrane 45, kola amamane la enyipiewekëne la troa wange hmaca pala hi la nöjei atr hna ithahnata hë memin. Tro la ketre trejine ka atreine a amacane la itre aqane nyiqaane ithahnata ngöne paragarafe 7-8. Ngacama hna hamëne hë ngöne la xötrei la itre xaa itus, ngo kola ajane ngöne la xötrei troa hamëne la itre itus, ngo loi troa atrehmekune hnyawa laka, ame la hna thele ke, ene la troa kuca la itre etid jëne la itus Connaissance. Xatuane asë jë la itre trejine troa hnëkë kowe la wiike ka troa xulu, troa ami ijine troa iwai hmaca.
17 men: Ijine tro mina ha a ahnyipixene la itre karte hna hape Instructions Médicales Préalables. Tro la ketre qatre thupe ka maca a ithahnatane la enyipiewekëne la troa nyialiene hnyawa la karte me xometrongëne pala hi eje ngöne la nöjei ijin. Pepa lai ka troa ithahnata hnai epun, ngöne la ijine kola aja ixatua. (Wange ju la Ite Edomë 22:3.) Pine laka, itre xaa droketre a qaja ka hape, thaa ijije hmaca kö tro la itre pepa ka sasaithe hë la ca macatre a anyipicine la lapaune ne la ketre atr, haawe, nyipi ewekë troa nyialiene hnyawa pala hi e nöjei macatre la karte ka hnyipixe matre nyine axeciëne hnyawa hmaca la mekun, göi thaa kapa me hamë madra. Thupene la hna icasikeu, tro asë hi la itre hna bapataisone hë a kapa la isa caa carte göi Instructions médicales préalables, nge ame koi itre nekönatre ka co, ngo thaa hna bapataisone kö ke isa caa carte d’identité. Qaja jë ka hape, loi e troa nyialiene hnyawa la itre karte celë ngöne la hnalapa, nge troa siji hatrene ej. Tro asë hi la nöjei hna bapataisone a nyialiene la itre karte me sinye itre ej. (Wange ju la itre tusi ne Diseba drai 15, 1991 me drai 10 Januare 1996.) Loi e tro la itre ka cainöje hna thaa bapataisone pala kö, a qaja ngöne la pepa la thenge la aqane mele i angatre memine la lapaune i angatr, me hane cinyihane la sipu hnei angatre hna amekötine thatraqai angatre me hanekö i angatr. Maine tro angatre a ahmitrötrëne la itre hnepe jëne iamele celë, haawe, tro ha kapa la loi qa thei Iehova.—Ite Edo. 16:20.
Nyima 15 me thithi ne nyipun.
Koi 20 Januare Me Wiike Cili
Nyima 21
10 men: Itre hna amekötine koi së.
15 men: “Tro Ha Amelene La Nöjei Atr Asëjëihë.” Troa ce ithahnatan. Sipone jë kowe la itre atrene la icasikeu troa qaja la itre aqane mele ka amamane la aqane kepe angatre hnyawa hnene la nöjei atr, ngacama isapengöne kö la itre aqane mele i angatr.
20 men: “Anyipicine Jë Së Jëne La Aqane Ujë Ka Lolo.” Tro la ketre qatre thupe a ce porotrikëne lai hna cinyihane memine la luetre maine köni thöth. Troa ce ithahnatane La Tour de Garde ne 15 Ogas 1987, götrane 10-20. Qaja ju fe la itre tulu ne mel hna öhne e tröne me hnine la nöj, ka amamane la madrinene la itre atr ka goeëne la elolone la aqane ujë ne la itre thöth.
Nyima 23 me thithi ne nyipun.
Koi 27 Januare Me Wiike Cili
Nyima 20
5 men: Itre ithuemacanyi koi së.
10 men: Troa wange hmaca la itre mekune ngöne la hna cinyihane hna hape, Kola Sa La Itre Hnyinge i Nyipunie, hnene la seketere.
15 men: “Easë a ‘Cainöjëne La Wesiula.’ ” Troa ce ithahnatan. Qaja ju fe la itre xaa mekune ka amamane la kepine matre easë a ahmitrötrëne hnyawa la Wesiula i Akötresie.—Wange ju la Réveillez-vous! ne drai 22 Juun 1984, götrane 10-12.
15 men: Ce wange hmaca ju la itusi nyine troa tro fë e treu Febuare. Amamane jë la itre götrane ka tru ne la itus, tune la: (1) la itre taan la itre mekene la itus, (2) itre iatr ka nyimu han, (3) itre mekune hna eköhagene me itre tabolo ne ithuemacany, me (4) itre hnyinge hna fejan, nyine thele mekun. Thenge la topike hna ce wange hë, xatuane jë la itre trejine troa iëne hnyawa la ketre xötre ngöne la kola nyiqaane ithahnata. Ithuemacanyi ju göi troa xome la itre itusi matre troa tro fë ngöne la wiike celë.
Nyima 26 me thithi ne nyipun.