Göi Itre Icasikeu Ne La Huliwa Ne Treu Okotropa
Koi 6 Okotropa Me Wiike Cili
Nyima 39
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa ne Baselaia.
15 men: “Hapeu Tro kö a Eje La Ihnimikeu Thene La Nöjei Nöje Asë?” Troa ce ithahnatan. Ce wange ju la itre mekune ka tru ne la Itre Ithuemacanyi Ne La Baselaia Na. 35. Amamane jë la itre kepine ka aijijëne la itre atrene la teritoare së, troa hane kepe thangane ka loi qa ngöne la itre ithuemacanyi celë. Amamane jë fe la enypiewekëne la troa nyiqaane hnëkë enehila, matre thaa tro kö a ajolë epuni elanyi troa hane xome hnyawa la huliwa cili, me catre akökötrene la aja ne la itre atr ka drei së.
20 men: “Catre Pi Së Troa Tro Fë La Itre Ithuemacany Ne La Baselaia Na. 35.” Tro la atre thupëne la huliwa ne cainöje a qaja la itre xaa mekune ngöne la itre pane paragarafe ne la hna cinyihan, thupene lai, tro nyidrëti a ce ithahnatane memine la itre atrene la ekalesia, la paragarafe 5-8. Ce wange ju la itre hna amekötine göi cainöje trootro ngöne la ekalesia. Ithahnatane jë la itre aqane troa huliwane la itre teritoar, matre xecie hnyawa koi së laka, hna kuca asë itre ej. Ijije troa hamëne hnene la itretre cainöje la Itre Ithuemacanyi Ne La Baselaia Na. 35, ngöne la angatre a cainöje kowe la itre atr ngöne la hna treqe kar, ngöne ketre magazë ka co, me ngöne hnë acili loto, me ngöne la itre xaa götrane pena. Hamëne jë la itre mekune ngöne la aqane troa xatuane la itre atr ka xötrei xome la huliwa ne cainöj. Qaja jë fe la ithuemacanyi hna xome qa hnine la sine cetrone la Huliwa ne Baselaia ne eiperem 1995, paragarafe 11. Ngöne la itre xaa teritoar, ka loi e troa tro caas, nge thaa tro kö a xomi watrenge ka tru, ngöne la kola tro fë la Itre Ithuemacanyi Ne La Baselaia. Iamacanyine ju la luetre maine köni aqane nyiqaane ithahnata; thaa tro kö a aqeane menune itre ej.
Nyima 126 me thithi ne nyipun.
Koi 13 Okotropa Me Wiike Cili
Nyima 41
12 men: Itre ithuemacanyi koi së. Qaja jë la hna ithingë. Ce wange jë la itre xaa mekune ka lolo qa hnine la itre zonal La Tour de Garde me Réveillez-vous! Amekunëne ju la itre trejine asë laka, ame ngöne la kola troa cainöje e mecixeni me sabath, troa tro fë la itre zonal, memine la Itre Ithuemacanyi Ne La Baselaia Na. 35. Loi e tro pala hi së a catre wange hmaca lo itre atr ka drei së, nge thaa tro kö a hmitre troa abone angatr. Amekunëne ju la itre trejine troa traqa fë la boroshüre Un livre pour tous, e wiike ka troa xulu.
15 men: Itre ihaji koi së.
18 men: “Nemene La Aqane Ujë i Nyipunie Qëmekene La Itre Atr Ka Meije Mekun?” Troa porotrike hnene la lue qatre thup. Xome jë la itre xaa mekune qa hnine La Tour de Garde ne 1 Nofeba 1974, götrane 669-670, ene lo itre mekune fene la hna cinyihane ka hape “Nemene la aqane troa ujë qëmekene la itre atr ka meije mekun”.
Nyima 130 me thithi ne nyipun.
Koi 20 Okotropa Me Wiike Cili
Nyima 42
15 men: Itre ithuemacanyi koi së. Ce wange hmaca jë la itre ewekë ka traqa kowe la itre xaa trejin, hna qaja hnine la Annuaire 1996, götrane 6-8, ngöne la “Aqane tro fë ngöne la fene hnengödrai la Itre Ithuemacanyi Ne La Baselaia.” Amamane jë la trenge catre hna kuca hnene la itretre cainöje troa nue la traeme i angatre göi troa trofë trongëne la Itre Ithuemacanyi Ne La Baselaia munëne pe. Xatua angatre asë jë troa catre tro fë la Itre Ithuemacanyi Ne La Baselaia Na. 35.
15 men: Amamane jë la eloine la boroshüre ka hnyipixe, hna hape, Un livre pour tous. Troa ce ithahnatane la itre kepine matre, loi e tro së a wangatrune la Tusi Hmitrötr. Hna kuca la boroshüre celë thatraqane la itre atr ka tru inamacane qa ngöne la hna ini mus, ngo thatre pengöne hnyawa kö la Tusi Hmitrötr. Thaa kolo kö a tupathe hnene la boroshüre celë troa upi angatre troa mejiune ka hape, hna cinyihane la Tusi Hmitrötre jëne la uati hmitrötre i Akötresie, ngo eje pe a troa qaja la itre mekune ka troa anyipicine lai. Loi e tro së a hane e la boroshüre cili, me hane hamëne kowe la itre xaa atr, maine kowe lo itre ka etidi me easë.
15 men: “Hapeu, Ka Cainöje Huti Fe Epun?” Cainöje hna troa kuca hnene la ketre qatre thup.
Nyima 133 me thithi ne nyipun.
Koi 27 Okotropa Me Wiike Cili
Nyima 43
12 men: Itre ithuemacanyi koi së. Ce wange ju la aqane kökötre la huliwa ne tro fë Itre Ithuemacanyi Ne La Baselaia Na. 35. Hnyingëne jë fe kowe la itre atrene la icasikeu, la thangane la hnei angatre hna tro fë la Itre Ithuemacanyi Ne La Baselaia. Qaja jë fe la aqane huliwane la itre teritoare gaa nany, nge qaja jë la nyine troa kuca matre troa canga afenesine qëmekene e 16 Nofeba. Maine tro së a canga afenesine la teritoare së, loi e tro së a tro fë la itus Connaissance, ngöne la itre drai tixenuë ne la treu. Maine kola kapa hnene la itre atr la Itre Ithuemacanyi Ne La Baselaia, haawe, ngöne la easë a bëeke hmaca troa iwai, amamane jë la aja së tro angatre a hane inine la Tusi Hmitrötr.
15 men: “Troa Hetrenyi Tuneka La Mejiun, Ngöne Fene Celë Gaa Pë Hmaca Kö Hna Mejiune Kow.” Cainöje hna troa kuca hnene la ketre qatre thup; itre mekune hna troa xome qa hnine La Tour de Garde ne 15 Mei 1997, götrane 22-5.
18 men: Epi troa ahudrumene la lai i nyipunie. Cainöje hna troa kuca hnene la ketre qatre thup; itre mekune hna xome qa hnine la itus Notre ministère, götrane 84-9. Canga wange ju la itre xaa trejine matre tro angatre a hamëne la itre xaa hnepe mekune nyine sa la itre hnyinge celë: (1) Pine nemene matre kola cainöje ngöne itre hnalapa trootro hnene la itre Temoë i Iehova? (2) Tuneka la aqane kökötre la aqane huliwa cili, ngöne la hneijine i Iesu? (3) Pine nemene matre, nyipi ewekë catre troa cainöje trootro ngöne la hneijine së enehila? (4) Nemene la itre ewekë ka troa ajolë së troa cainöje lapa? (5) Nemene la aqane tro së a hetrenyi la ixatua ka ijije troa cile huti ngöne la huliwa ne cainöj? (6) Nemene la manathithi hne së hna troa kapa, e hne së hna ahudrumene la lai së? (7) Nemene la nyine tro së a kuca, matre troa atreine troa ithahnata hnyawa memine la itre atr? Troa iamacanyine lai hnene la könitre maine foa lao trejin; tro angatre a qaja la madrine hnei angatre hna kapa ngöne la angatre a ithahnata memine la itre atr, ngöne la angatre a cainöje ngöne itre magazë trootro maine ngöne la itre gojenyi trootro.
Nyima 136 me thithi ne nyipun.