Itre Hna Amekötiin
◼ Itre itusi hna troa tro fë e treu januare: Nöjei itusi ka 192 lao götrane hna cinyihane qëmekene lo macatre 1985, nge ka hetrenyi ngöne la ekalesia. Maine pë hë la itre itusi cili hnine la ekalesia, haawe, tro fë trongëne jë la itus Atrehmekune Ka Eatrongë Nyipunie Kowe La Mele Ka Pë Pun, koi 150 F. Febuare: Itus La Révélation: le grand dénouement est proche! hna troa tro fë göi 400 F. Maac: Itus Atrehmekune Ka Eatrongë Nyipunie Kowe La Mele Ka Pë Pun, koi 150 F. Loie troa thele troa nyiqaane etid. Eiperem: Troa abone La Tour de Garde, maine Réveillez-vous! koi 1000 F e caas ngöne lue ej (caa macatre) maine 500 F (sikisi lao treu).
◼ Troa hamëne la document médical, “Attestation prévisonnelle” me itre carte d’identité thatraqane la itre nekönatr, kowe asë la itretre cainöje ka troa sine la icasikeu ne huliwa ne cainöje ne la drai 5 januare me wiike cili.
◼ Troa nyiqaane kuca e treu febuare, maine qaane la drai 1 maac, lo cainöje ka ketre pengön; troa cile fë hnene la itre atre thupëne la sirkoskripsio; ame la taan ke, “Hapeu epuni fe a hane ce thawa la mekune i Akötresie ngöne la pengöne la mel?”
◼ Loi e tro la itre ekalesia a hnëkë matre troa atrune la Drai ne Amekunëne la meci Keriso, ngöne la macatre celë; troa eje e mecixen 11 eiperem, thupene la kola lö la jö. Ngacama troa canga nyiqaane la cainöj, ngo thaa tro kö a tro fë la areto nge thaa lö petre kö la jö. Wange ju thene la itre ka huliwa i meteo, matre troa atre la hawa ne lö la jö ngöne la götrane i epun. Ngacama ka loi kö e tro la itre ekalesia a isa atrune la Drai ne Amekunën, ngo ame ngöne itre xaa götran, thatreine kö troa traqa kowe lai. Ame ngöne la itre uma ne Baselaia hna icasikeu hnene la itre ekalesia ka nyimutre, ke, ijije tro la itre xaa ekalesia a thele la ketre götrane matre troa icasikeu la heji cili. Troa nyiqaane la ijine Amekunëne la meci Keriso ngöne la hawa hna sa, tha tro kö a hmitr, wanga tro la itre ka ajan a qeje ejolene troa hane sin. Ngo ketre, tha loi kö troa anyimenyimëne la porogaram, ke troa pë traeme së troa hane ibozu memine la itre ka hane xötrei traqa, me troa xatua angatre troa hane sine la itre icasikeu, maine pena troa hane hamë hnepe ixatua kowe la itre ka hane sin. Thupene lai, tro la itre qatre thupe a hnëkëne hnyawa la ijine cili, matre tro la itre ka traqa troa hetre madrinene la itre atr ka troa hane sine la drai cili.
◼ Troa kuca lai cainöje ka ketre pengöne göne la ijine Amekunëne la meci Keriso 1998 e sabath drai 29 Maac. Tro hë hamëne fe la taan la cainöj. Maine ngöne la wiike cili, ke, hetrenyi la itre ekalesia hna vizitëne hnene la atre thupëne la sirkoskripsio, haawe, loi e tro angatre a kuca lai cainöje ka ketre pengöne ngöne la wiike thupen. Pëkö cainöje ka ketre pengöne hna troa kuca qëmekene la drai 29 maac 1998.
◼ Loi e troa atrehmekune hnyawa hnene la koleji ne la itre qatre thupe thupe laka, nyipi ewekë troa ce wange la itre hna amekötine thatraqane la ekalesia ngöne la ijine angatre a troa sine la itre asabele i angatr: Maine kola troa asabele ne caa drai, tro asë kö a sine lo itre icasikeu ne la wiik, ngo thaa tro pë hë a eatrëne la cainöje kowe la ka ala nyim, me ini ne La Tour de Garde. Maine kola troa asabele ne Sirkoskripsio, thaa tro pë hë a kuca la itre icasikeu, göi Ini ne cainöje trootro qathei Akötresie, me göi huliwa ne cainöj; tro hmekuje hi a sine la Ini Tusi ngöne la wiike cili.
◼ Qaane la 4 mei 1998 uti hë e 14 Semitrepa 1998, troa ce wange ngöne la itre Ini Tusi qene Faras, la itus La Bible: Parole de Dieu ou des hommes? nge itus Atrehmekune Ka Eatrongë Nyipunie Kowe La Mele Ka Pë Pun, ngöne la Ini Tusi ne la ekalesia, qene Drehu.