Göi Itre Icasikeu Ne Huliwa Ne Treu Julai
Koi 5 Julai Me Wiike Cili
Nyima 6
10 men: Itre ithuemacanyi koi së. Iëne jë la Itre Hna Amekötiin qa hnine la Huliwa ne Baselaia. Qaja jë la hna kuca lo treu maac, ngöne la hna cainöje trootro ngöne la nöj, me ngöne la ekalesia, nge ithuemacanyine jë fe la itre hna amekötine göi ijine mano e 14 julai. Itre Ithuemacanyi Akötresie.
20 men: “Sipo Ixatua Jë Koi Iehova Jëne La Thith.” Itre hnepe hnëewekë nyine nyiqaan, thaa tro kö a sasaithe la caa menetr. Qaja jë la enyipi ewekëne me eloine kowe la huliwa ne cainöj, la itre thithi ka nyimu pengön, hna tro fë cememine la hni ka ipië. Sipone jë kowe la itre trejine troa qaja la ixatua hnei angatre hna kapa, jëne la itre mekune hnei angatre hna thithi fë thatraqane la huliwa ne cainöje i angatr.—Wange ju la zonal, La Tour de Garde ne 15 okotropa 1996, götrane 32.
15 men: Huliwane Hnyawa Jë La Itre Boroshür. Cainöje me itre iamacany. Qaja jë la kepine matre itre jiane huliwa ka sisitria catre la itre boroshüre ngöne la huliwa ne cainöje trootro. Itre eje a qeje pengöne hnyawa la itre ewekë ka sisitria hne së hna ajane troa atre, kola ithahnatane mekötine la ketre tane mekun, ngöne hi la itre hnepe hnëewekë, nge hmaloi troa trotrohnine la aqane qeje pengöne la itre xötre hna xome qa hnine la Tusi Hmitrötr. Qaja jë la itre boroshüre nyine troa tro fë ngöne la treu celë, nge amamane jë lo itre ka ijije troa amamane kowe la itre atr ne la nöje së. Iamacanyine jë la luetre maine köni aqane nyiqaane ithahnata ka xoxopatr, hna xome qa ngöne lo itre mekune nyine ixatua hna cinyihane ngöne la itus, Index des publications de la Société Watch Tower, ngöne lo hna hape, “Présentation.”
Nyima 181 me thithi ne nyipun.
Koi 12 Julai Me Wiike Cili
Nyima 103
10 men: Itre ithuemacanyi koi së. E jë la hna ithingë. Troa ithahnatane la itre mekune ka tru qa hnine la “Porogarame Ne Asabele Ne Sirkoskripsio.”
15 men: “Hetre Madrine e Hna Canga Hnëkë Hnyawa.” Cainöje me itre hnying. Qaja jë la kepine matre nyipi ewekë troa hnëkë hnyawa kowe la huliwa ne cainöj, memine la eloine lai, pine laka, kola aijijë së troa hetrenyi la madrine ka tru hne së hna kapa qa ngöne la hne së hna kuca. (Wange ju la Manuel pour l’École, götrane 39, paragarafe 1-3.) Hnyingëne jë kowe la lue trejine maine könitre, la aqane hnëkë hnyawa angatre qëmekene troa cainöj, me ixatua hnei angatre hna kapa. Qaja jë la ewekë hna melëne hnene la itre trejine hna xome qa hnine la zonal, La Tour de Garde ne 15 eiperem 1993, götrane 30, kola amamane la aqane troa huliwane hnyawa la itus, Comment raisonner, ngöne la kola hnëkë troa cainöj.
20 men: “Loi e Tro Sa ‘Canga Qaja La Aliene La Tronge Së!’ ” Troa ce ithahnatane me kuca la itre iamacany. Wange hmaca jë la itre mekune nyine ixatua, ka aijijë së troa kuca matre drei së hnene la itre atr hne së hna cainöje kow ngöne itre hnalapa trootro. Troa iamacanyine hnene la itre trejine ka maca troa cainöj, la nyimu aqane nyiqaane ithahnata ka lolo. Sipone jë kowe la itre trejine troa hamëne la itre xaa mekune nyine ixatua, nge qaja jë la itre xaa aqane huliwa ka lolo nge ka sisitria kowe la nöje së.
Nyima 183 me thithi ne nyipun.
Koi 19 Julai Me Wiike Cili
Nyima 31
8 men: Itre ithuemacanyi koi së. Kola Sa La Itre Hnyinge i Nyipunie.
22 men: Itre Kovasio Ne Distrik 1999 “Itre Ewekë Hna Thingehnaeane Hnei Akötresie.” (Paragarafe 1-13) Troa ce ithahnatan. E jë la itre paragarafe 2, 6, me 12. Amamane jë la itre kepine matre loi e troa sine la nöjei drai ne la kovasio, ene fe e drai katru.
15 men: Tro Kö Ni a Hane Sine La Ketre Organizasio? Troa ce ithahnatane la itre mekune hna xome qa hnine la itus Comment raisonner, götrane 270-4. Hetrenyi la itre atr hne së hna iöhnyi memin, ka kapa la maca ne Baselaia, ngo ka xele kö ma hane “sine” la ketre organizasio i hmi. Wange hmaca jë la aliene la hna hape, “organisation” memine la sevene lao pengöne eje ka aijijë së troa atrehmekune la organizasio i Iehova e celë fen. Qaja jë la kepine matre isa pengöne kö eje memine la itre xan, memine la eloine troa lö hnine eje matre troa kapa la itre nyipi manathithi qa ngön.
Nyima 189 me thithi ne nyipun.
Koi 26 Julai Me Wiike Cili
Nyima 184
8 men: Itre ithuemacanyi koi së. Amekunëne jë la itre trejine asë troa hamëne la itre rapore ne hna cainöje ne julai.
22 men: Itre Kovasio Ne Distrik 1999 “Itre Ewekë Hna Thingehnaeane Hnei Akötresie.” (Paragarafe 14-22) Troa ce ithahnatan. E jë la itre paragarafe 15-17. Xome jë la itre xötre ne la Tusi Hmitrötre hna hamëne me fejan, matre troa amamane hnyawa la enyipi ewekëne la tro së a wangatrune la aqane tro së a ujë, me heetr, me isej.
15 men: Easë Kö a Hane Inine La Itre Atr? Troa ce ithahnatane hnene la atre thupëne la huliwa ne cainöj, memine la caas, maine lue drikona, lo itre mekune hna xome qa hnine la zonal, La Tour de Garde ne 15 Febuare 1996, götrane 19-22. Amamane hnyawa jë fe jëne la Tusi Hmitrötr, la itre kepine ka upi së troa thele la itre atr ngöne la götrane së matre troa hamëne la ini qaathei Akötresie. (Mat. 10:11) Angatre lo itre ka xëwe pine la nöjei ewekë ka ngazo me ka akötre hnei angatre hna öhne xötreithi angatr, ene pe canga thele Iehova jë qëmekene lo drai ne elëhni atraqatre i Iehova. (Ezek. 9:4; Zef. 2:2, 3) Ala nyimu thei angatr, lo ‘itre ka hetre hni ka ajane kowe la mele ka epine palua.’ (Ite Huliwa 13:48) Ame la hnëqa së, ke ene la troa tro fë la maca ka loi, matre troa inine la nöjei atr la itre ewekë asë hna upi së hnei Iesu troa qaja. (Mat. 24:14; 28:19, 20) Loi e tro së a kuca matre troa ahlëne la aja ne la itre atr hne së hna cainöje kow, ngöne itre hnalapa trootro, me ngöne la nöjei ijin; nge easë a sisedrëne la huliwa së, me ini angatr—jëne la itre iwai hmaca me itre etid. Amamane jë la itre mekune ka lolo, nyine ixatua koi së ngöne la itre götrane huliwa cili.
Nyima 14 me thithi ne nyipun.