Göi Itre Icasikeu Ne La Huliwa
Koi 9 Okotropa Me Wiike Cili
Nyima 11
8 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia.
12 men: “Loi e Tro Sa Hmekëne La Itre Huliwa i Akötresie Ka Seming.” Thaa tro kö a sasaithe la caa menetre ne nyiqaan, thupene lai troa ce ithahnatan. Amamane jë la itre xaa hnepe iatr ngöne la itus ka hnyipixe ka eköthe la madrine së kowe la itre hna perofetane hnei Isaia.
25 men: “Thauzane Macatre Ka Hnyipixe—Tune Kaa Jë Fe La Mele i Nyipunieti Elany?” Troa ithahnatane hnene la atre thupëne la huliwa ne cainöj. Thupene la hna e la tusi hnei Sasaiatri hna iupi fë lo 3 julai 2000 kowe la itre qatre thup, thawa jë kowe la itre atrene la icasikeu la isa caa tarak, Itre Ithuemacanyi Ne La Baselaia Na. 36. Thupene lai troa ce ithahnatane la hna cinyihan. Qaja jë fe la itre hna amekötine hnene la ekalesia, matre troa pexeje hnyawa la aqane troa kuca la itre teritoar. Wange ju la aqane troa xatuane la itre ka xötrei atre la nyipici, memine la itre nekönatr, matre tro angatre a hane nyiqaane cainöj. Troa iamacanyine la ketre aqane nyiqaane ithahnata. Amamane jë la enyipi ewekëne tro së isa ala caasi a hane catre kuca fe la huliwa cili.
Nyima 53 me thithi ne nyipun.
Koi 16 Okotropa Me Wiike Cili
Nyima 104
10 men: Itre ithuemacanyi koi së. Troa cile fë la hna ithingë. Amekunëne hmaca jë la itre trejine laka, ame e mecixeni me sabath, ke, troa ce tro fë la itre zonal, La Tour de Garde me Réveillez-vous ! memine la Itre Ithuemacanyi Ne La Baselaia Na. 36.
15 men: “Itre Jiane Huliwa Ka Ini Së, Me Xatua Së Me Acatrene La Lapaune Së.” (Paragarafe 1 me 2 hmekuj.) Ketre cainöj. Troa wange hmaca la pengöne lo mele i Sasaiatri, jëne la video, thaa tro pe a aqean. (Wange ju la itus, Les Prédicateurs, götrane 600-601.) Xatuane jë la itre trejine troa goeëne la video Les Témoins de Jéhovah : un nom, une organisation; matre troa hnëkë, ke kola troa ce ithahnatane la topike cili ngöne la Icasikeu Ne La Huliwa ne 30 Okotropa me wiike cili. Ame koi itre trene video, ke ijije tro angatre a hane ce thawa me itre xan, maine pena troa hane ce wange me angatr.
20 men: Atreine Asë Hi Së Troa Hetrenyi La Aja Ne Troa Pionie. Kola ce ithahnatane hnene la atre xomiujine la Ini Tus, memine la ka ce huliwa me angeic, ngöne la zonal, La Tour de Garde ne 15 Okotropa 1997, g. 22-3. Nyidroti a ce wange la eloine la troa nyimu pionie hnine la ekalesia, memine la aqane tro së asë a ithuecatre troa eatrëne la mekune cili. Nyidroti fe a ce ithahnatane la itre aqane troa xatuane la itre ka pionie enehila matre tro pala hi angatre a catre xome la huliwa cili, memine fe la aqane tro la ekalesia a hetrenyi la ajane troa catre cainöj.
Nyima 131 me thithi ne nyipun.
Koi 23 Okotropa Me Wiike Cili
Nyima 150
10 men: Itre ithuemacanyi koi së. Hna amekotine göi cainöj e 1 Nofeba.
15 men: Itre ihaji koi së.
20 men: Hnëkë Hnyawa Jë Kowe La Itre Icasikeu. Cainöje ne troa ce ithahnatan. Tro sa kepe thangane hnyawa la itre icasikeu, e hne së hna catre thele pala hi troa hnëkë hnyawa. Wange hmaca ju la itre mekune nyine ixatua hna hamëne ngöne la zonal, La Tour de Garde ne 1 Maac 1998, g. 15-16, § 8-11. Sipone jë kowe la itre trejine troa hamë mekun, me amamane la aqane hnehengazone angatr, me thele ijine ne troa hnëkë hnyawa.
Nyima 211 me thithi ne nyipun.
Koi 30 Okotropa Me Wiike Cili
Nyima 167
8 men: Itre ithuemacanyi koi së. Hna amekotine göi cainöj e 11 Nofeba.
Amekunëne jë la itre trejine troa hamëne la itre rapore ne Okotropa.
12 men: Itre Hna Melëne Hnene La Itre Trejine Ngöne La Kola Tro Fë La Itre Ithuemacanyi Ne La Baselaia Na. 36. Hnyingëne kowe la itretre cainöje troa qaja la itre thangane ka lolo hnei angatre hna kapa ngöne la angatre a tro fë la Itre Ithuemacanyi Ne La Baselaia Na. 36. Sipone jë kowe la itre pionie lapa, me pionie ka ixatua, troa amamane la madrine i angatr, qa ngöne laka, kola elë la etrune la hna cainöj ngöne la ijine huliwa cili, memine la eloine la kola pane ce huliwa memine la itre trejine ka nyimutre.
25 men: Les Témoins de Jéhovah : un nom, une organisation. Troa ce ithahnatan. Wange ju la itre hnyinge hna hamëne hnine la paragarafe 3 ne la taane ka co hna hape “Itre Jiane Huliwa Ka Ini Së, Me Xatua Së Me Acatrene La Lapaune Së.” Hamëne jë la itre mekune nyine ixatua ngöne la aqane troa xome la video, matre troa xatuane la itre atr ka xötrei atre la nyipici, ene pe tro fe angatre a hane atrepengöne hnyawa la organizasio së. Xome jë fe la caas, maine lue hna melëne hnene la itre trejin.—Wange ju la zonal, La Tour de Garde ne 1 Okotropa 1992, g. 30-1.
Nyima 15 me thithi ne nyipun.
Koi 6 Nofeba Me Wiike Cili
Nyima 198
12 men: Itre ithuemacanyi koi së. Wange hmaca ju la aqane trongene la hna tro fë Itre Ithuemacanyi Ne La Baselaia Na. 36. Qaja jë la etrune la itre teritoare hna kuca ha hnene la itretre cainöj, memine la ka lapa pe matre troa afenesine hnyawa qëmekene lo 17 Nofeba.
15 men: Nemene La Hne Së Hna Lapaune Kow? Kola wange hmaca hnene la ketre trejine la ketre atr ka hnyinge koi nyidrë ka hape, “Nemene la ini hna hamëne hnene la Itretre Anyipici Iehova, a ka aketrepengönë angatre qa ngöne la itre xaa hmi?” Ithahnatane jë la itre mekune hna eköhagene hnine la zonal, La Tour de Garde ne 1 Okotropa 1998, g. 6. Qaja jë la aqane thatre maine xelene pena hnene la itre xaa hmi troa kapa la itre trepene ini qa hnine la Tusi Hmitrötr, ngo kolo pe kö a wangatrune la itre ini qaathei atr.
10 men: Nyima—Ketre Götrane Ka Nyipi Ewekë Ngöne La Hmi Së. Kola porotrike hnene la atre xomiujine la Ini Tus memine la lue trejin, ngöne aqane nyima i nyidro ngöne la itre icasikeu ne la ekalesia. Hnei nyidrë hna wangatrehmekune laka, thaa hane kö nyidroti nyima catr. Nyidrëti fe a hamëne la itre mekune qa hnine la zonal, La Tour de Garde ne 1 Febuare 1997, g. 27-8. Angatre a ce wange la itre trenge ewekë ne la ketre nyima hna troa thinge ngöne la ijine kola inine La Tour de Garde ne la wiik, tune lo aqane ixatua ngöne la zonal, La Tour de Garde ne 1 Julai 1999, g. 20, § 12. Maine tro së a thele troa nyima hnyawa pala hi, eje hi laka, aqane tro hi së lai a amamane la hni ne ajane së troa atrunyi Iehova.
8 men: “Itre Mekune Ka Lolo Göi Hneijine Hedredrei.” Kola ce ithahnatane hnene la qatre thupe memine la ketre trejine, la itre hnei angatre hna troa mekune troa kuca ngöne la hneijine hedredrei. Caasi hi la mekune ka tru thei angatr, ene laka, thaa tro kö angatre a wange acone la ini tusi angatr, me itre icasikeu, maine huliwa ne cainöj, nge kola qejepengöne fe la aqane tro angatre a tro xome hnyawa la itre huliwa i Akötresie.
Nyima 223 me thithi ne nyipun.