Göi Itre Icasikeu Ne La Huliwa
Koi 9 Eiperem Me Wiike Cili
Nyima 93
15 men: Itre ithuemacanyi koi së. Iëne jë la Itre Hna Amekötiin qa hnine la Huliwa Ne Baselaia. Thuemacanyine jë la etrune la itre ka sine la Drai Ne Amekunën. Könëne jë la itre atrene la ekalesia troa qaja la mekune ne la itre ka xötrei sine ej. Xatuane asë jë la itre trejine troa goeëne la video hna hape, La Bible : une force dans votre vie, ngöne la kola hnëkëne la icasikeu ne 23 Eipereme me wiike cili.
10 men: Hna kapa la ketre tusi qathei Sasaiatri. Troa e hnene la ketre qatre thup.
20 men: “Loi e Troa ‘Cate’ Ngöne La Huliwa Ne Cainöje i Nyipunie.”a Sipone jë kowe la luetre maine köni ka cainöje troa qaja la hnei angatre hna melën, ngöne la angatre a xatuane la itre xan, thenge la hna amekötine ngöne la itre paragarafe 3-5.
Nyima 80 me thithi ne nyipun.
Koi 16 Eiperem Me Wiike Cili
Nyima 145
10 men: Itre ithuemacanyi koi së. Qaja jë la hna ithingë. Lue mecixeni pe hi me lue sabathi matre nyipune pi hë la treu Eiperem, haawe, ithuecatre jë kowe la nöjei trejine troa catre cainöje qëmekene troa umuthe la treu.
15 men: Itre ihaji koi së.
20 men: “Atraqatre La Thangane Ka Loi Hna Kapa Hnene La Aqane Ithahnata Ka Hmaloi Troa Trotrohnin.”b Xome jë fe la itre mekune qa hnine la hna cinyihane hna hape “Loi e Tro Sa ‘Canga Qaja La Aliene La Tronge Së!’ ” ngöne la Huliwa Ne Baselaia ne treu Julai 1999, götrane 4. Kuca jë la caasi maine lue iamacany, thaa tro pe a aqean.
Nyima 146 me thithi ne nyipun.
Koi 23 Eiperem Me Wiike Cili
Nyima 163
5 men: Itre ithuemacanyi koi së.
15 men: “Troa Hnëkëne La Itre Drai Ka Troa Traqa—Göi Nemen?” Ketre cainöj. Qaja jë fe la itre mekune ka ijije hna xome qa hnine La Tour de Garde ne 1 Nofeba 2000, götrane 18-21.
25 men: “Itre Mekune Qa Ngöne La Video Hna Hape La Bible : une force dans votre vie.” Troa ce ithahnatan. Tune kaa matre hane fe së trongëne la mekune hna hamëne ngöne la hna melëne hnene la ketre trejin, hna qejepengöne hnine la Annuaire 1997, götrane 54, paragarafe 1, göne la aqane huliwane hnyawane la itre video i sasaiatri? Ame e treu Juun, ke, easë a troa ce wange la video hna hape La fermeté des Témoins de Jéhovah face à la persécution nazie.
Nyima 202 me thithi ne nyipun.
Koi 30 Eiperem Me Wiike Cili
Nyima 215
10 men: Itre ithuemacanyi koi së. Amekunëne jë la itretre cainöje troa hamëne la rapore i angatre ne treu Eiperem. Loi e tro la itre ka xomiujine la Ini Tus a wange hnyawa, maine hna hamëne asë la itre rapore ne la itre atrene la Ini Tus qëmekene la drai 6 Mei.
15 men: “Cainöje Jë Jëne La Thiina i Nyipunie Ka Lolo.”c Qaja jë fe la itre xaa jëne tro sa cainöje jëne la thiina së.—Goeëne ju La Tour de Garde ne 1 Nofeba 1997, götrane 18, paragarafe 16.
20 men: Itre Pionie a Xatuane La Itre Xan. Cainöje hna troa kuca hnene la atre thupëne la huliwa, nge troa hnyinge fe kowe la itre xaa trejin. Ce wange hmaca ju la porogarame hna hape, Itre Pionie a Xatuane La Itre Xan, hna qejepengöne ngöne la Huliwa Ne Baselaia ne Semitrepa 1998, götrane 4. Qaja jë la itre ewekë hna eatrëne ngöne la nöje i nyipunie. Hnyinge ju kowe la ketre pionie ka xatuane hë la ketre atr, me ketre trejine ka kepe thangane la ixatua cili. Amamane jë la aqane ce kepe thangane së la hna ce huliwa ngöne la hna cainöje trootro. Könëne jë la itre xane troa hane kepe thangane la hna hnëkëne cili, ngöne la itre treu ka troa xulu.
Nyima 216 me thithi ne nyipun.
Koi 7 Mei Me Wiike Cili
Nyima 84
10 men: Itre Ithuemacanyi koi së.
15 men: “Ateine Akötesie La Nöjei Ewekë Asë.”d Nango xome jë la itre mekune ka tru ngöne la hna qaja hnine la itus Prédicateurs, götrane 443, me amamane la etrune la hna cainöje trootro lo macatre 1935, me wange la hna kuca enehila ngöne la Annuaire ne la macatre celë maine pena La Tour de Garde ne 1 Januare 2001. Qaja atrune jë la aqane kökötrene la huliwa ne cainöj, thaa ceitune kö memine lo itre macatre ekö, laka, kösë thatreine kö troa eatrëne la huliwa cili.
20 min: Tro La Fami Së a Amamane Tune Kaa La Thiina Ka Pë Ethan. Tro la ketre qatre thupe me fami angeice maine ketre fami pena, a ce ithahnatane la itre mekune qa hnine La Tour de Garde ne 1 Ogas 1996, götrane 17-20. Ce wange ju la itre jëne troa melëne la thiina ka pë ethane ngöne la itre hnalapa, cememine la itre sinee, memine la ekalesia, me itre atr ka lapa ezi së, me hna ini, me hna huliwa.
Nyima 70 me thithi ne nyipun.
[Ituemacany]
a Thaa tro kö a sasaithe la caa menetre ne nyiqaan, nge thupene lai, troa ce ithahnatan.
b Thaa tro kö a sasaithe la caa menetre ne nyiqaan, nge thupene lai, troa ce ithahnatan.
c Thaa tro kö a sasaithe la caa menetre ne nyiqaan, nge thupene lai, troa ce ithahnatan.
d Thaa tro kö a sasaithe la caa menetre ne nyiqaan, nge thupene lai, troa ce ithahnatan.