Göi Itre Icasikeu Ne La Huliwa
Koi 11 Febuare Me Wiik Cili
Nyima 6
10 men: Itre ithuemacany koi së. Iëne jë la Itre Hna Amekötiin qa hnine la Huliwa Ne Baselaia. Xatuane jë la itre trejin troa e maine troa wange hmaca la Genese 6:1 koi 9:19 me hane goeën la video hna hape, Noé : il marchait avec Dieu, matre troa hnëkë troa ce ithanatan ej ngöne la ijine Icasikeu Ne La Huliwa e 25 Febuare me wiike cili.
20 men: “Loi e ‘Troa Eatrene La Wesi Ula i Akötesie.’ ”a (§§ 1-13) Troa kuca hnene la atre thup perezida. Troa ce ithanatan hnyawa la hne së hna ajan troa kuca ngöne la treu Maac, me e thupen. Loi e tro së isa ala caas a xom la idrai hna hamën hnine la sinecetrone la Huliwa Ne Baselaia, matre troa hnëkën la ketre porogaram ka lolo, thenge la hne së hna atrein troa kuca ngöne la hna cainöje trootro e treu Maac. Xatuane asë jë la itre trejin ka pionie ka ixatua ngöne la treu cili. Ame ngöne la kola ce ithanatan la itre paragaraf 7-8, sipone jë kowe la itre trejin ka pionie ngöne lo hneijin ne Drai Ne Amekunën hnapan, la itre manathith hnei angatr hna kapa. Qaja jë ka hape ijij troa xom la itre pepa ne sipo troa pionie, thupene la icasikeu celë.
15 men: “Nöj Ka Madrin e Celë Fen.”b Troa amexej la itre hnepe mekun qa hnin la hna cinyihan, hna hape, “Itre Aqan Troa Kapa La Manathith,” ngöne götrane 6 ne la zonal, La Tour de Garde ne 15 Okotropa 1997.
Nyima 49 me thithi ne nyipun.
Koi 18 Febuare Me Wiik Cili
Nyima 95
10 men: Itre ithuemacany koi së. Troa cile fë la hna ithingë.
13 men: “Troa Qeje Nemen Gön la Itre Zonal.” Sipone jë kowe la itretre cainöj la aqane xatua angatr hnene la götrane celë ne la Huliwa Ne Baselaia, troa hnëkë hnyawa matre aijijë angatr troa hamën la itre zonal ka ihmeku memin la itre jol ka traqa ngöne la itre drai ngazo enehila. Tune kaa la aqane akeukawan la itre atr, hnene la itre xaa trejin, me xatua angatr troa sa la itre hnying ka nango ajolën la itre mekune i angatr qa hnine la Tusi Hmitrötr? Jën la lue iamacany ka xoxopatr, amamane jë la aqane troa tro fë la zonal, La Tour de Garde ne 15 Febuare, nge thupene lai Réveillez-vous ! ne 22 Febuare.
22 men: “Loi e ‘Troa Eatrene La Wesi Ula i Akötesie.’ ”c (§§ 14-23) Troa kuca hnene la atre thupën la huliwa ne cainöj. Wange hmaca ju la itre hna amekötin matre troa akökötren la huliwa ne cainöj ngöne la nöj e treu Maac. Pane qaja hnyawa jë la itre icasikeu göi cainöje trootro, hna hnëkëne hë kowe la treu cili. Pane xatuane hmaca jë la itre trejin ka thaa cainöje hmaca kö, me hane ce huliwa memin la itre nekönatr me itre hnainin matre tro fe angatr a hane itretre cainöj hna thaa bapataisone petre kö. Qaja jë la ëje ne la itre ka saen troa pionie ka ixatua e Maac, nge xatuane jë la ka ala yimu troa sipon ngöne la thith matre troa hane ce huliwa me angatr.
Nyima 143 me thithi ne nyipun.
Koi 25 Febuare Me Wiik Cili
Nyima 174
10 men: Itre ithuemacany koi së. Troa e hnene la ketre qatre thup la “Tus Qathei Collège Central.”
17 men: “Thangan La Itre Video Ka Anyipicin.” Troa ce ithanatan. Ase hë së ce wang hnine la itre Icasikeu Ne La Huliwa, lo eitr lao video. Thupen la hna pane ce ithanatan la itre tulu hna hamën hnine la hna cinyihan, sipone je kowe la itretre cainöj troa qaja la thangan ka loi hna kapa qa ngöne laka hnei angatr hna hane amaman la itre video kowe la itre xan.
18 men: “Ijiji Së Asë Hi Troa Xomi Ini Qa Ngön La Video Hna Hape Noé : il marchait avec Dieu.” Ce ithanatan mekötine jë la video, Noé memine la itre atren la icasikeu, nge troa xom la itre hnying hna hamën hnine la itre mekun hna eköhagen ngöne la götrane celë.
Nyima 215 me thithi ne nyipun.
Koi 4 Maac Me Wiik Cili
Nyima 207
13 men: Itre ithuemacany koi së. Troa iamacanyin la lue hnepe aqane troa nyiqaane ithanata ngöne la itre zonal—troa xom hnei ketre la zonal, La Tour de Garde ne 1 Maac, nge ame ketre tre, Réveillez-vous ! ne 8 Maac. Troa kuca la ketre hnene la ketre thöth. Amekunëne jë la itretre cainöj troa hamën la itre rapor ne hna cainöj ngöne la treu Febuare.
15 men: Xome Jë La Itus Atrehmekune Troa Nyiqaan La Itre Etid. Ame ngöne la treu Maac, loi e tro sa catre thel troa nyiqaane inin la Tusi Hmitrötr memine la itre atr. Troa qaja la itre hnepe aqane melën hnene la itre trejin hna hamën hnine la Huliwa Ne Baselaia ne Ogas 1998, götrane 4, paragaraf 8. Maine hna nyiqaane hë hnene la ketre atr troa etid ngöne la itus Atrehmekune, tre amamane hmaca jë la aqane eatrëne lai hnei epun. Amekunëne jë la itre trejin la “Itre Mekun Göi Troa Tro Fë La Itus Atrehmekune,” hnine la sinecetrone la Huliwa Ne Baselaia ne Januare 2002. Ame ngöne la kola xom la itus, iamacanyine jë la caas ngöne la itre mekun nyine ixatua hna hamën ngöne la götrane 6 ngöne la sinecetron la Huliwa Ne Baselaia, fene la hna cinyihan ka hape, “Troa Qaja Mekötin.”
17 men: “Pine Nemen Matre Loi e Tro Sa Catr Cainöj?”d Nyipune ju me pane hnying kowe la caas maine lue trejin ka catre cainöj ngöne la itre macatre ka nyimutre. Sipo angatre jë troa qaja amaman la mekune i angatr, ene la kepin matre angatr a catr ngöne la huliwa cili, memine fe la itre manathith hnei angatr hna kapa qa ngön.
Nyima 223 me thithi ne nyipun.
[Ithuemacany]
a Thaa tro kö a sasaith la caa menetr ne nyiqaan, nge thupene lai, troa ce ithanatan.
b Thaa tro kö a sasaith la caa menetr ne nyiqaan, nge thupene lai, troa ce ithanatan.
c Thaa tro kö a sasaith la caa menetr ne nyiqaan, nge thupene lai, troa ce ithanatan.
d Thaa tro kö a sasaith la caa menetr ne nyiqaan, nge thupene lai, troa ce ithanatan.