Itre Hna Amekötiin

◼ Itre itus hna troa tro fë e Januare: L’humanité à la recherche de Dieu. Febuare: Approchez-vous de Jéhovah. Maine pena tre hamëne jë la itus Création (mataitus ka tru maine ka co) maine itus Révélation : le grand dénouement est proche ! Maac: “ Veillez ” ! Maine kola ajan troa drei së hnene la ketre atr, xome jë la itus Atrehmekune matre troa thele troa nyiqaane inine la Tusi Hmitrötr me angeic. Eiperem: Tro fë jë la lue zonal La Tour de Garde me Réveillez-vous ! Ame ngöne la easë a wange hmaca la itre atr ka drei së, loi e tro fe a hane wange la itre ka sin la Drai Ne Amekunën maine itre xaa huliwa i Akötresieti pena ngo thaa ka ce caasi kö memine la ekalesia. Loi e troa catre thel troa tro fë la itus Thili Jë Kowe La Akötresie. Loi e tro mina fe a eje e kuhu hni së la ajan troa nyiqaane inine la Tusi Hmitrötr memine lo itre xaa atr, ene mina fe lo itre ka etidi hë ngöne la itus Atrehmekune memine la boroshür Thele.

◼ Qaane e Febuare uti hë e 6 Maac, tre, kola troa hamën la cainöj koi nöjei atr hnene la itretre thupën la sirkoskripsio, hna hape “Loi e Inamacane La Aqane Ujë i Epun Ngöne La Fene Ka Hmo.”

◼ Loi e troa canga hnëkë hnene la itre ekalesia matre troa atrun la Drai ne Amekunën ne la macatre celë, e drai ka co 24 Maac, thupene la hna lö la jö. Maine troa canga kuca la cainöj, ngo ame koi itre areto, thaa tro kö a tro fë itre eje nge thaa lö petre kö la jö. Wange ju la meteo matre troa atre la hawa ne lö la jö ngöne la götran hnei epuni hna lapa ngön. Maine nyipici laka ka loi kö e troa isa atrun hnene la isa ekalesia la Drai Ne Amekunën, ngo maine jë thaa tro pë hë a ijije koi itre xan pine laka tru la itre ekalesia. Haawe, maine nango ala nyimu la itre ekalesia ka ce thawa la caa Uma Ne Baselaia, maine jë tro pë hë itre xan a icasikeu hnine la ketre uma ngöne la heji cili. Maine ijij, loi e tro sa xom la 40 menetr akawan la itre ijine icasikeu matre tro asë hi së a kepe thangane hnyawa la icasikeu cili. Loi e tro mina fe a canga wang la itre ejolen göi troa acili loto, ketre troa thupëne fe la aqane troa itrothei me iautiny ngöne la ijine cili, matre loi e troa hnëkë hnyawa thatraqane lai. Loi e troa xecie hnyawa kowe la collège ne la itre qatre thup laka, lolo hnyawa ha la itre ewekë hna hnëkën ngöne la nöj.