Revizio Ne La Ini Ne Cainöje Trootro Qaathei Akötresie
Troa ce ithanatane cahu itre hnying ngöne la ijine Ini ne Cainöje Trootro Qaathei Akötresie, e 28 Febuare 2005 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 3 Januare koi 28 Febuare 2005. [Ithuemacany: Maine pëkö itre itus nyine thel la itre mekune hna ce hamën memine lai hnying, haawe, nyipi ewekë tro së a ketre thele ewekë matre troa xome la itre mekun ka sa lai itre hnying.—Wange ju la itus, École du ministère g. 36-7.]
ATREINE CAINÖJ
1. Nemene la nyine tro sa kuca matre troa trotrohnine hnyawa la cainöje së? [be g. 226 par. 1–g. 227 par. 1]
2. Nemene la itre hnaewekë nyine troa qejepengön atrun? [be g. 227 par. 2–g. 228 par. 1]
3. Nemene la aqane huliwa ka troa xatua së troa tro fë la itre mekun, matre troa trotrohnine hnyawa la itre atr ka drei së? [be g. 231 par. 1-3]
4. Tune kaa la aqane troa kuca matre troa hetre ini hna kapa hnene la itre atrene la icasikeu, ngöne la kola ce wange la ketre xötr hna atre hnyawa hnei angatr? [be g. 231 par. 4-5]
5. Nemene la thangane kowe la itre ka drei së e troa qaja atrune la itre mekune xötreithe la ketre xötr hna atre hnyawa hnei angatr? [be g. 232 par. 2-4]
HNËQA NABA 1
6. Kola hapeue la troa inine la itre atr matre troa “qou e Akötesie, me trongëne la nöjei wathebo i Nyidrë”? (Ate Cai. 12:13) [be g. 272 par. 3–g. 273 par. 1]
7. Tro sa ea tune kaa la mekun ne la atr kowe la pengö i Iehova, ngo thaa kowe hmekuje kö la ëje i Nyidrë? (Ioela 2:32) [be g. 274 par. 3-5]
8. Pine nemene matre nyipi ewekë troa atre Iesu me anyipici nyidrë? (Ioane 17:3) [be g. 276 par. 1]
9. Nemene La ka aijijë së troa qaja ka hape hetre itretrengekeu ne la itre ewekë celë, ene la imelekeu me Akötresie, aqane trotrohnine la Tusi Hmitrötr, memine la aqane trotrohnine la hnëqa i Iesu? [be g. 276 par. 2]
10. Tro sa amamane tune kaa ka hape, easa catre mejiune laka Iesu Keriso la Joxu? [be g. 277 par. 4]
E TUSI HMITRÖTR NGÖNE LA WIIK
11. Hapeue la keme i Aberahama, ene Tera, ka thili nyidrë kowe la itre haze ekö? (Ios. 24:2)
12. Hapeu, hna xou hnei Gideona troa kuca la götrane qa hna hamë angeice hnei Iehova? Pine nemene matre epuni a sa tune lai? (A. ame. 6:25-27)
13. Nemene la ini hne së hna kapa ngöne la aqane ithanata hnei Gideona kowe la tribu ne Eferaima? (A. ame. 8:1-3)
14. Nemene la hna amamane ngöne la aqane xele ma ikep hnene la itre atrene Gibea? (A. ame. 19:14, 15)
15. Maine tro la itre atr a ‘isa kuca la ka meköti koi angatre kö,’ hapeue tro kö lai a aciane la gomegom, me imenumenu? (A. ame. 21:25)