Göi Itre Icasikeu Ne La Huliwa

Koi 13 Maac Me Wiike Cili

Nyima 41

10 men: Itre ithuemacanyi koi së. Iëne jë la itre Hna Amekötiin qa hnine la Huliwa Ne Baselaia. Xome jë la itre mekune nyine ixatua ngöne la götrane 4 maine itre xaa aqane nyiqaane ithanata pena ka loi kowe la teritoare i epun, nge iamacanyine jë la aqane troa tro fë la zonale La Tour de Garde ne 15 Maac me Réveillez-vous ! ne Maac, maine lue zonal hna kapa pinën. Ame ngöne la pune la isa aqane nyiqaane ithanata, loi e tro la trejine a hëne lai atr troa hane sin la Drai Ne Amekunën, me xome lo götrane 32 ne la zonal matre troa ithanatan.

15 men: “Xatuane Jë La Itre Xan Troa Hane Kepe Thangan La Thupene Mel.”a Kola troa ce wange la aqane tro sa xome la itre götrane 206-8 ne la itus Ini Tusi Hmitrötr ngöne la easa hëne la itre atr troa sin la Drai Ne Amekunën.

20 men: Jidri Ne Pui Ne Xeni Ne La Joxu​—Ketre Nyine Amekunën Ka Atrunyi Akötresie. Troa ce ithanatan la itre mekune ka eje ngöne la götrane 206-8 ne la itus Ini Tusi Hmitrötr. Thaa tro kö a sasaith la caa menetr ne nyiqaan; amamane jë la aqane troa nyiqaane la topik hnene la hna e kowe la atr la pane paragaraf. Thupene lai, sipone jë kowe la itre atrene la icasikeu troa hamë mekune ngöne la itre hnyinge celë, ngo thaa tro kö a e la itre paragaraf: (par. 2) Eu lo Iesu a ami trepene la Drai Ne Amekunën la ijine meci nyidrë? (par. 3) Nemene lo aqane troa atrune lo Pui Ne Xeni Ne La Joxu? (par. 4) Tune kaa la qane qejepengöne hnei Tusi Hmitrötr la aqane trongene la Drai Ne Amekunën? (par. 5) Easë a atre tune kaa laka thaa hnei Iesu kö hna saze la falawa matre troa ngönetrei i nyidrë nge waina matre troa madra i nyidrë? (par. 6) Nemene la hna nyi hatrene hnene la areto thaa hna levenëne kö? (par. 7) Nemene la hna nyi hatrene hnene la waina ka madra? (par. 8) Drei hmekuje hi la ka xeni areto me waina? (par. 9) Eu la ijine kola atrun ngöne la nöjei macatre la Drai Ne Amekunën, nge pine nemen matre loi e tro sa sin? Qaja amamane hnyawa jë la itre xötr ka tru, maine ijije göi traem. Xatuane asë jë la itre trejine troa ce wange hnyawa la itre mekune celë memine la itre hnainin me itre xane ju kö hnei angatr hna hëne kowe la Drai Ne Amekunën; troa e la itre paragaraf me ithanatane la itre mekune ka tru, me xome la itre hnyinge ka thaa jole kö tune lo itre hna hamëne ngöne la ini celë.

Nyima 134 me thithi ne nyipun.

Koi 20 Maac Me Wiike Cili

Nyima 18

10 men: Itre ithuemacanyi koi së. Wange hmaca ju la itre mekune ka tru qa hnine la itre mekune hna eköhagen hna hape, “Itre Nyine Amekunën Göi Drai Ne Amekunën.”

23 men: Hnëqa i Keriso Ngöne La Itre Hna Amekötine Hnei Akötresie. Cainöj hna xome qa hnine la itus Organisés pour faire la volonté de Jéhovah, götrane 10-​13. Ame ngöne la kola ce ithanatane la lue pane paragaraf fene la hna cinyihane acon hna hape, “Pengöne Hnëqa i Keriso,” xome jë la könitre maine foa lao menetr matre troa hamë mekun me iamacanyin la itre aqane troa huliwan la itre pepa ne ihë troa sin la Drai Ne Amekunën. Wange hmaca ju la itre mekune nyine ixatua hnine la Huliwa Ne Baselaia ne Febuare 2006, götrane 3 paragaraf 3.

12 men: Hna Acatrene La Lapaun Hnene La Hna Ce Wange Pala Hi La Topike Ne La Drai. Cainöj me iamacany hna eköth hune la itre pane mekun hna hamën hnine la sine tus Examinons les Écritures chaque jour — 2006. Iamacanyine jë la aqane ce wang hnene la ketre fami la topik ne la drai memine la aqane ce qeje mekune ngön.

Nyima 103 me thithi ne nyipun.

Koi 27 Maac Me Wiike Cili

Nyima 44

15 men: Itre ithuemacanyi koi së. Amekunëne jë la itre trejine troa hamëne la rapor ne hna cainöj ngöne la treu Maac. E jë la hna ithingë me olene la itre ahnahna hna hamën. Xome jë la itre mekune nyine ixatua ngöne götrane 4 maine itre xaa aqane nyiqaane ithanata ka lolo thatraqane la teritoare i epun; iamacanyine jë la aqane troa tro fë la lue zonal La Tour de Garde ne 1 Eiperem, me Réveillez-vous ! ne Eiperem, maine lue hna kapa pinën. Amamane jë fe la aqane troa xome la pepa ne ihë matre troa könën la itre atr ka ajan troa hane sin la Drai Ne Amekunën.

10 men: Hapeu Akötresieti Pala Kö La Maseta? Cainöj nge iamacany hna nyi trepen hnene la itre mekun ngöne la pune la zonal La Tour de Garde ne 1 Eiperem 2006. Thele jë troa xome la nöjei ijine troa hëne la itre atr kowe la cainöj kowe la ka ala nyimu ka ketre pengöne kö. Loi e xecie hnyawa koi së laka hne së hë hna könëne la itre hnainin, tune mina fe la itre atrene la fami i angeic ka thaa hane kö sin la etidi angeic. Loi e troa hëne la nöjei atr asë ka ajan hne së hna atre me itre xan hne së hna iöhnyi memin ngöne la hna cainöje trootro. Iamacanyine jë la aqane troa xome la La Tour de Garde ne 1 Eiperem ngöne la kola hëne la ketre trejine ka nanazije hë maine ka thaa hane hmaca kö sin la itre icasikeu.

20 men: Itre Ewekë Hna Melën Hnene La Itre Trejin Ngöne La Nöj. Sipone jë kowe la itre atrene la icasikeu trao qaja la itre hnei angatr hna kuca ngöne la angatr a tro fë la itus Ini Tusi Hmitrötr ngöne la treu Maac. Qaja jë la itre etid hna nyiqaane hë. Troa elone la caas maine lue aqane tro fë la itus thenge la hna melëne hë hnene la itre trejin.

Nyima 170 me thithi ne nyipun.

Koi 3 Eiperem Me Wiike Cili

Nyima 199

15 men: Itre ithuemacanyi koi së. Pane ce wange ju la hna cinyihane hna hape “Loi e Eje The Së La Madrine Troa Ini Ngöne La Itus Nemene La Nyipi Ini Hna Hamën Hnei Tusi Hmitrötr?” ngöne la götrane 6 ne la Huliwa Ne Baselaia ne Febuare 2006. Amamane jë la porogaram ne ini tus ngöne la itus Ini Tusi Hmitrötr. Amamane jë fe la aqane troa huliwane la itre pepa ne ihë matre troa könën la itre atr ka ajane troa hane sin la Drai Ne Amekunën.

10 men: Itre ihaji koi së.

20 men: “Inine Jë La Itre Atr Ka Hni Ka Menyik Troa Xötrën La Kala i Akötresie.”b Xome jë la itre mekune qa hnine la zonal La Tour de Garde ne 1 Julai 2004, götrane 16, paragaraf 9.

Nyima 93 me thithi ne nyipun.

[Ithuemacany]