Kola Sa La Itre Hnyinge i Nyipunie

◼ Hapeu, ka loi kö troa iacasinekeun la itre mekune hna troa ce wang ngöne la Ini Ne Cainöj Qaathei Akötresie, me thawa kowe la itre xan?

Maine troa kuca lai, ke kowe ju hi la itre atrene la fami me itre xaa enehmu së ka easenyi catre koi së. Ngo thaa tro pi kö a thawa menune la itre ewekë cili maine troa salemëne pena, tre, kolo lai a ena lo wathebo i mus göi feja mekun.—Rom. 13:1.

Ame koi itre xaa xötreqa ngöne la Ini Ne Cainöj Qaathei Akötresie, hna hamëne hmekuje hi la taan; thaa hna hamëne kö la itre itus hnë troa ithele ngön. Hapeu tro kö a kepe eloine hnene la ketre atr ka hnëkëne la itre mekun hna amë wengën maine iacasinekeune thatraqane la itre xötreqa cili, nge thupene lai troa hamën kowe la itre ka troa kuca la itre xötreqa cili? Ohea. Ketre thaa loi fe kö troa icasinekeune la itre mekune nyine sa la itre hnying göi Revizio Ne La Ini Ne Cainöj Qaathei Akötresie me hamëne kowe la itre trejin, tre, thaa kolo kö lai a xatua angatr troa mekune hmaca elanyi la itre ini ka nyipi ewekë. Loi e troa isa thele hnene la itre hnainin la itre mekun ka troa eköth la xötreqa i angatr. Celë hi ketre götranene la ini lai ka nyipi ewekë, hnei Iehova hna hamëne jëne lo lai ini hnei Nyidrëti hna acil matre troa xatua së troa ithanata cememine “sesepeneqë hna inin.”—Is. 50:4.