Itre Hna Amekötiin

◼ Eiperem Me Mei: Troa tro fë la itre zonal La Tour de Garde me Réveillez-vous ! Thele jë troa wange hmaca la itre atr ka drei së, tune lo itre ka sine la Drai Ne Amekunën me cainöj ka ketre pengöne koi nöjei atr, ngo thaa ka catre sine kö la ekalesia. Ame la aliene la itre iwai hmaca cili, tre, göi troa nyiqaane etid memine la itre atr. Juun: Nemene La Nyipi Ini Hna Hamën Hnei Tusi Hmitrötr? Thele jë troa nyiqaane inine la Tusi Hmitrötr memine la itre atr. Ijije mina fe troa tro fë la tarak hna hape, Aimeriez-vous en savoir plus sur la Bible ? Julai: Boroshür Veillez ! Nge tro fë jë fe la itus, Nemene La Nyipi Ini Hna Hamën Hnei Tusi Hmitrötr?

◼ Troa ce iupi fë la itre itus memine la itre badge thatraqane la kovasio ne distrik 2008 qaane e treu Julai. Thaa nyipi ewekë kö troa komadëne itre ej. Maine kola ajane hnene la ekalesia troa nyixane lo itre badge, loi e troa sipone jëne la hune tus ngöne ëternet, jw.org, nge maine thaa ijije kö jëne ëternet, xome jë lo pepa ne komaad (S-14). Nyipi ewekë fe troa sipone thatraqane la itre ekalesia ka ajan lo itre trengene badge.

◼ Loi e troa wange hnyawa pala hi hnene la itre seketere ne la itre ekalesia, matre thaa tro kö a pë pepa ne sipo göi troa pionie: Pionie lapaa (S-205), Pionie ka ixatua (S-205b). Atreine hi troa komadëne la itre pepa cili, jëne lo pepa ne sipo itus (S-14). Loi e troa hnëkëne ijije kowe la caa macatre. Qëmekene troa iupi fë kowe la Sasaiatri la ketre pepa ne sipo göi troa pionie lapaa, loi e troa xeci laka hna nyi aliene hnyawa ej.

◼ Nyipi ewekë troa hamëne koi Sasaiatri la itre numero ne telefon me hnalapa ka hnyipixe ne la itre qatre thup perezida asë, memine la itre seketere. Ketre tune fe e kola saze la numero ne telefon thenge la götrane ka hnyipixe hna lapan, loi e tro la Kometr Ne Huliwa Ne La Ekalesia a canga thuemacane la Sasaiatri.

◼ Maine epuni a troa tro kowe la ketre nöj, nge epuni a ajane troa hane sin la itre icasikeu, maine ketre asabele ne sirkoskripsio maine distrik, haawe, loi e tro nyipunie a sipone la itre ijin me hawa, me hnë troa icasikeu, thene la Bethela ka elemekene la huliwa ngöne la nöje cili. Eje ngöne la götrane tixenuë ne la ketre Annuaire së, lo hna hamëne hnei Sasaiatri, la itre aderes ne la itre Bethela.