Revizio Ne La Ini Ne Cainöj Qaathei Akötresie
Troa ce ithanatane cahu itre hnying ngöne la ijine Ini Ne Cainöj Qaathei Akötresie, e 28 Eiperem 2008 me wiike cili. Troa xom hnene la atre thupën la ini la 30 lao menetr ne troa ce wange hmaca la itre mekun ka nyitrepen la itre hnëqa thatraqane la itre wiik ne 3 Maac uti hë e 28 Eiperem 2008.
ATREINE CAINÖJ
1. Pine nemene matre nyipi ewekë catre troa eköthe la itre cainöje së xötreithe la itre mekune hna athipe hë koi së, nge nemene la aqane tro sa eatrëne lai? [be g. 234 par. 1–g. 235 par. 1]
2. Pine nemene matre nyipi ewekë catre la itre hnying ngöne la easa hamë ini? [be g. 236 par. 1-5]
3. Tro la itre hnyinge a xatuane tune kaa la itre ka drei së matre tro angatr a hane thele mekun ngöne la ketre topik? [be g. 237 par. 3–g. 238 par. 1]
4. Ame la easa hamë ini, pine nemene matre nyipi ewekë catre troa atreine iëne la itre hnyinge göi troa atre la itre aliene hni ne la ka dreng? (Ite edomë 20:5; Mat. 16:13-16; Ioane 11:26) [be g. 238 par. 3-5]
5. Nemene la enyipiewekëne la troa xome la itre ceitun ngöne la easa hamë ini? (Gen. 22:17; Iere. 13:11) [be g. 240 par. 1-3]
HNËQA NABA 1
6. Nemene la itre xaa trepene meköti ka mama ngöne la tusi Mareko ka troa xatua së troa hetrenyi la mele fene la Baselaia i Akötresie? [si g. 186 par. 32]
7. Tune kaa la aqane xatuane la itre hlue i Akötresie enehila hnene la uati hmitrötr? (Ioane 14:25, 26) [be g. 19 par. 2-3]
8. Nemene la manathith ka tru hna kapa qa ngöne la hna e tus? [be g. 21 par. 3]
9. Kola hapeue la troa ini tus? [be g. 27 par. 3–g. 28 par. 1]
10. Ame la Evangelia i Luka, tre, tune kaa la aqane acatrene hnene eje la mejiune së, laka qaathei Akötresie la Itre Hna Cinyihane qene Heberu? [si g. 192 par. 30-1]
E TUSI HMITRÖTR NGÖNE LA WIIK
11. Pine nemene la Iesu a amekötine la ketre trahmanyi ka hë nyidrë, ka hape, “Ate ini ka loi”? (Mar. 10:17, 18) [w08 15/2 “Ka Mele La Wesi Ula i Iehova—Itre Mekune Ka Tru Ne La Itus i Mareko”]
12. Ame la Iesu a xome la hmejieng nyine ceitun, nemene la hna amamane göne la nöje i Isaraela? (Mar. 11:12-14, 20, 21) [w03 15/5 g. 26 par. 2-3]
13. Nemene la hna amamane hnene la trenge ewekë i Gaberiela lo angela koi Maria lo kola hape, tro nyiidro a ‘upune,’ nge celë hi thangane la uati hmitrötre i Akötresie hui nyiidro, memine la mene i Nyidrëti a kola hetrë nyiidro? (Luka 1:30, 31, 34, 35) [w08 15/3 “Ka Mele La Wesi Ula i Iehova—Itre Mekune Ka Tru Ne La Itus i Luka”; it-2 g. 20 par. 3]
14. Hapeue la ewekë hna kuca ngöne la sabath hnene la itretre drei Iesu, ‘ewekë ka thaa meköti kö’? (Luke 6:1, 2) [gt 31]
15. Nemene la ini hne së hna kapa qa ngöne la eamo hnei Iesu hna hamë Maretha? (Luka 10:40-42) [w99 1/9 g. 31]