Troa Qeje Nemen Göne La Itre Zonal

La Tour de Garde 1 Eip.

“Hane kö nyipunieti hnyinge, ka hape, pine laka kola ae trootro la itre ewekë thatraqane la mele së e celë fen, tro kö a cile huti elany la ihnadro? [Nue pi troa sa.] Hanawange la ketre hna thingehnaeane hnine la Tusi Hmitrötr, ka troa akeukawanyi së. [E jë la Salamo 104:5.] Kola amamane hnene la hna cinyihane celë, la hnene la Tusi Hmitrötr hna thingehnaeane göne la ihnadro.” Amamane hnyawa jë la hna cinyihane ka nyiqaane ngöne la götrane 10.

Réveillez-vous! Eip.

“Pine laka nyimutre la itre ewekë hne së hna troa kuca, nango jole kowe la itre atr troa ami traeme göne la troa hmi koi Akötresie. Hapeu la nyipunieti a goeën, ketre ewekë lai ka jol? [Nue pi troa sa. Thupene lai, e jë la Efeso 5:15-17.] Kola hamëne hnene la hna cinyihane celë, la mekuna ne la Tusi Hmitrötr, göne la etrune la traeme memine la trenge catr hnei Akötresie hna thele the së.” Amamane jë la hna cinyihane ka nyiqaane ngöne la götrane 20.

La Tour de Garde 1 Mei

“Nyimutre la itre atr ka mejiune hi kowe la itre ewekë hnei angatr hna goeën. Hapeu, epuni kö a hane kapa la mekune i angatr? [Nue pi troa sa. Thupene lai, e jë la Roma 1:20.] Kola qaja amamane hnene la hna cinyihane celë, la köni thiina i Akötresie ka ijije tro sa goeëne jëne la itre ewekë hnei Nyidrëti hna xup; nge kolo mina fe a ithanatane göne la aqane tro sa atrehmekune laka, ijije tro la itre thiina cili a ketri së.”

Réveillez-vous! Mei

“Ame enehila, nyimutre la itre atr ka xouene la itre drai elany. Hapeu, tro ha tro loi la itre ewekë, maine tro pena ha ngazo catr? [Nue pi troa sa. Thupene lai, e jë la Hna Amamane 21:3, 4.] Kola qeje pengöne hnene la hna cinyihane celë, la kepine matre ijije hi tro sa mejiune koi Akötresie, ngöne laka easenyi hë tro Nyidrëti a nyinyine la itre jole hna thatreine apaatren hnene la atr.”