Bëeke Palahi Së Troa Xatuane Lo Itre Atr Ka Ajane Troa Ithahnata Me Easë
1 Troa hetre thangane ka loi la ketre cainöje e hne së hna nyiqaane hnyawa, me qeje pengöne hnyawa, me nyipune hnyawa ej. Troa tha pexeje lai e hne së hna nyiqaane hnyawa, ngo tha qeje pengöne pe me nyipune ej. Ketre ceitune fe ngöne la huliwa ne cainöje së. Loi e xatuane pe së itre atr matre hetre aja i angatre ngöne la kola xötrei ithahnata, ngo, eje mina fe laka tro palahi së a thupëne lai aja cili, hnene la troa iwai hmaca.
2 Ue lae Akötresie a nue la akötr? Ketre hnyinge lai nyine tro së a mekune hnyawa. Nyimutre la itre atr ka hnyinge tune lai enehila, celë hi matre ngöne caha taane hna cinyihan, kola upi së troa nyipune palahi la ithahnata hnene la ketre hnying, ngo loi e tro së a thupëne palahi lai aja hnene la troa iwai hmaca.
3 Maine öni së jë hi:
◼ “Bozu së. Hne so lo hna iahni koi enehila matre, tro hmaca so a ithahnatane lo hnying ‘Ue lae Akötresie a nue la akötr?’ celë hi matre eni hmaca ha la a troa hamëne la itre xa ithuemacany. Nyimutre la itre atr ka mekune laka, maine Akötresieti a hnimi së ke, ma ase petre kö nyidrëti ekö apatrene la akötr. Tuneka la hnei epuni hna hane mekun? (nue angatre pi troa sa.) Tusi Hmitrötre a anyipicine koi së laka Akötresie a hnimi së. [E jë ngöne la 1 Ioane 4:8.] Ngo hetre kepine la Akötresie a nue la akötre utihë enehila hnedrai së. Tro së a ce wange ngöne 2 Peteru 3:9. [E jë.] Hna cihnyihane la itre xa kepine e celë hnine la boroshür.” Fe pi lai boroshür “Dieu se soucie-t-il vraiment de nous?” ngöne la götrane 2 utihë 14 nge ce wange ju së la ketre hna ithahnata.
4 Itre xane a ajane tro së a qeje pengöne atrun; celë hi matre loi e troa anyimua iwai palahi matre, sa hnyawa lai hnying. Nyimutre la itre boroshüre ka isa pengöne hna hamëne hnei sasaiatri matre xatua së palahi troa sa hnyawane la hnyinge cili.
5 Maine easë hë a mekune troa afenesine la ithahnata ke, nyipune ju hnene la ca hnyinge nge qaja ju kowe la hne së hna ithahnata memine ka hape; madrine atraqatre së troa bëeke hmaca me hamëne la itre xa ithuemacanyi ka sisitria. Nyimutre la itre ka ajane troa atre la pengöne la atr e thupene la mec. Hnauëne laka tha isapui pe matre ce wange lai topike cili, ngöne la ketre ijine ka ijij?
6 Nyipi ewekë troa atrehmekune palahi la köni trepene ka sisitria. Troa atreine goeën. Tha hna majemine kö hnene la itre atr troa nue pe la ketre hnepe hawa troa ithahnatane la Tusi Hmitrötr. The ithahnata aqeanyi kö. The lapa aqeanyi kö së maine qeje pengöne atrune palaha la ketre mekune ngöne la xötrei iöhny. Ithahnatane pe së la casi maine lue topik, nge tro la itre atr a madrine troa kepe së hmaca. Loi e tro së madrine me ihnimi atraqatr. Amamane ju së koi angatre ka hape; easë fe a hane nyipiewekë angatr.
7 Ame la pane aja së ke, ene la tro së a ithahnata Tusi Hmitrötre memine la itre atr. Thupene lai, easë a nyiqaane fe troa inine ju hna jëne la ketre itusi ka ijij, “Vivre eternellement”. Tro së a hetre madrine troa kuca lai, e hne së hna xatuane palahi la itre atr, jëne la troa iwai hmaca.