Catre Pi Së Troa Iwai Hmaca
1 Hapeu, hetre madrine i epuni kö troa hane iwai hmaca? Nyimutre la itretre cainöje ka kuca la huliwa cili. Ma tro epuni a nango xou ngöne la xötrei ngöne la epuni a bëeke troa wange la itre atr ka hetre hnepe ajane hi troa drei epuni ngöne lo epuni a pane iöhnyi me angatr. Ngo maine jëne Akötresie, tro epuni a catre troa cainöjëne la maca ka loi, ene la troa iwai hmaca, haawe, ma tro epuni a sesëkötre laka, ketre huliwa ka hmaloi lai nge ka hetre thangane ka loi. (1 Thes. 2:2) Tuneka la aqane troa kuca lai?
2 Nyipici laka, isa pengöne catre kö la kola iwai hmaca memine la kola xötrei iöhny. Ame la iwai hmaca, ke, thatraqane la atr hna atre hë, ngo thaa koi trehnyiwa kö, celë hi matre, troa hmaloi catre e troa ithahnata memine la ketre atr hna atre hune la ketre atr hna thatre kö. Tru catre la itre manathithi hna kapa qa ngöne la hna iwai hmaca, ngöne laka, jëne tro hi lai a nyiqaane inine la Tusi Hmitrötre memine la itre atr.
3 Ame ngöne la easë a cainöje ngöne la itre hnalapa trootro, easë pala hi a ithahnata memine lo itre atr ka thaa drei së kö ngöne lo easë a xötrei iöhnyi me angatr. Pine nemene kö matre, tro pala hi së a wai angatr? Easë a öhne hnyawa laka, hetrenyi la itre ewekë ka saze la mele ne la itre atr, matre ame hë lo itre ka ixelemawai, maine itre ka icilekeu pena ngöne lo xötrei, ma tro pena ha angatre a hane ujë la mekun, me hane kepe së ngöne la easë a troa cainöje hmaca koi angatr. Maine hne së hna mekune hnyawa la ewekë cili, atreine hi tro së a hnëkë hnyawa me sipone la manathithi qa thei Iehova jëne la thith, matre troa hetre thangane ka loi la ewekë hne së hna troa qaja ngöne la ijine cili.
4 Maine ngöne la huliwa ne cainöje trootro, easë a catre cainöje ngöne la hni ka pexej, kowe la itre atr ka xele kö ma drei së, ngöne lo xötrei, hapeu, atreine kö tro së a hane wange hmaca la ketre atr ka amamane laka, hetre ajane i angeice troa hane drenge la maca ne baselaia?—Ite Hu. 10:34, 35.
5 Ame la easë pi la enehila ngöne la nyipici, ke, hnene la hna catre wai së lapa ekö hnene la ketre ka cainöj. Maine epuni fe la ketre hna hane wange lapaane ekö, pane isa hnyinge ju, ka hape, ‘Nemene lo pane ewekë hnenge hna mekune ngöne lo xötrei traqa la atre cainöj? Hapeu, hnenge kö hna canga kapa la maca ne Baselaia, ngöne lo eni a xötrei denge ej? Hapeu, ma hnenge hna amamane laka, pëkö aja theng kowe la nyipici?’ Troa hetre madrine së e hna wangatrunyi së hnene la atre cainöj, matre kola bëeke troa wai së hmaca, me ‘cate göi Akötesi [Nyidrë],’ me qaja la maca ka loi, me thele troa ini së la nyipici. (1 Thes. 2:2) Nge tuneka kö kowe lo itre atr ka drei së ngöne la xötrei, ngo ame pe e thupen, kola kötre së? Loi e troa hetrenyi la aqane waiewekë ka loi, tune cahu hna troa amamane hnene la hna melëne hnene la itre xaa trejin.
6 Ame ngöne la kola cainöje trootro hnene la lue trejine ngöne la ketre gojenyi e hmakanyi sine jidr, ixelë ju pe hi nyidroti memine la ketre föe hmae a kola ukune la nekö i eahlo hune ikatr. Hna xome hnene la föe la zonal, me isapui memine la lue sör ngöne la hnalapa i eahlo, ngöne la sabathi thupen. Ame la kola traqa hnene la lue sör ngöne lai traeme hna sa, ame hna qaja koi nyidroti hnene lo lai föe ka hape, pëkö ijine i eahlo troa ithahnata. Ngo eahlo a qaja jë koi nyidroti ka hape, ka loi jë e ketre wiik. Thaa mekune pi kö lue sör laka, troa aejëne hnene la föe lo hna isa pui, haawe, ame hë la nyidroti a bëek, ke kolo ha traqa öhnyi eahlo e itreqe. Nge nyiqaane ju fe kö la etid, nge ketrepengöne kö la aqane kökötre la föe ngöne la ini tus. Thaa qea kö nge eahlo fe hë a hane sine lapaane la itre icasikeu me catre cainöje trootro. Enehila, ase fe hë hane bapataiso eahlo.
7 Loi e Troa Ami Trepene Hnyawa Ngöne La Xötrei Iöhny: Kola hetre thangane ka loi la iwai hmaca, e hna hnëkëne hnyawa eje ngöne lo itre hna qaja ngöne lo xötrei iöhny. Drenge hnyawa ju la itre mekune hna qaja hnene lai atr. Nemene la hnei angeice hna qaja koi epun? Hapeu, thaa ka hmi hmaca kö? Angeice kö a hane hacene la itre ejolene la mel? Hetre ajane i angeice kö troa hane atrepengöne la sias? me isitoare? memine la itre hna xupe thatraqane la ihnadro? Ame hë ngöne la epuni a troa nyipune la porotrik, fe amë ju pe la ketre hnyinge nyine troa mekune hnyawa hnene lai atr, nge ahnithe ju koi angeice laka, tro hmaca epuni a bëeke troa ithahnatane la mekune i Tusi Hmitrötr.
8 Hanawange la ketre ceitun, maine tro la ketre atr a kapa la hna thingehnaeane hnei Tusi Hmitrötre laka, troa paradraiso la ihnadro, haawe, ma ketre topike hi lai ka ijije troa ithahnatan. Qëmekene tro epuni a tro triji angeic, epuni a hnyinge ju me hape: “Pine nemene matre ka xecie koi së laka, tro Akötresieti a aeatrëne la hna thingehnaeane celë?” Thupene lai, qaja ju fe ka hape: “Ma tro ni a bëeke hmaca e traqa asë hë la itre atrene la fami ngöne la hnalapa, nge thupene lai, tro ni a amamane koi epuni la aqane sa i Tusi Hmitrötre la hnyinge cili.”
9 Maine pëkö topike hna ajane troa ithahnatane hnene la atr, xome jë la caa hnyinge qa ngöne lo itre hna hamëne ngöne la itre aqane tro fë ithahnata e tröne la Huliwa ne Baselaia, matre nyine taan la porotrike hnapin.
10 Loi e Troa Xomi Not Hnyawa: Loi e troa nyipici me pexeje la itre not hna troa xome ngöne la hna cainöje trootro ngöne la itre hnalapa. Canga cinyihane ju la ëje ne la atr memine la aderesi angeic, ngöne la epuni a tro trije la hnalapa. The mekuhnine kö la numero ne la hnalapa, maine ëje ne la gojenyi pena—Loi e troa xecie koi epuni ka hape, nyipi ithuemacany. Cinyihane ju la itre xaa pengöne lai atr. Ketre tune mina fe la topike hna ithahnatan, me itre xötre hna e, itre itusi hna hamën, me hnyinge hnei epuni hna troa sa hmekun, ngöne la epuni a troa bëeke hmaca. Cinyihane ju fe la drai me traeme ne porotrike i epuni ngöne la xötrei iöhny, ketre tune mina fe lo drai me hawa ne troa iwai hmaca. E pexeje hë la itre note i epun, thupëne kö ke paatre pi! Amë hnyawa ju eje ngöne la ketre göhnë ka lolo, matre thaa tro kö epuni elanyi a ithel. Mekune lapaane hnyawa ju lai atr, memine la aqane tro epuni a kuca la iwai hmaca ngöne lo drai hnei epone hna isapui.
11 Loi e Tro Epuni a Atre La Itre Aja i Epun: Ame la ewekë hnapan, ke, troa thele matre thaa tro kö a xou maine hmahma pena la atr, qa ngöne lai, loi e troa menyike me keukawa la aqane ithahnata i epun. Amamane jë laka, epuni a ajane troa hane xatua angeic, ngo thaa tro pi kö a imajemikeu menu pala ha. Ame la hnaluen, ke, amekunë angeice hmaca jë lo itre xaa hnyinge hna hamëne ngöne lo kola xötrei iöhny. Drenge hnyawa ju la angeice a ithahnata, nge olene ju fe la itre mekune i angeic. Thupene lai, amamane jë la kepine matre, ka hetre thangane kö la mekune i Tusi Hmitrötr. Maine ijij, e angeice jë troa goeëne la kepine cili ngöne la itus, La connaissance qui mène à la vie éternelle. Mekune hnyawa kö epuni laka, ame la sipu aja së ngöne la kola iwai hmaca ke, ene la troa nyiqaane inine la Tusi Hmitrötre memine la itre atr.
12 Thaa jole kö troa trotrohnine la itus Connaissance, pine laka lolo la aqane sisedrëne la itre mekune e hnine ej, nge celë hi ka upi së troa ‘catre’ inine la Tusi Hmitrötr. matre xatuane la itre hnainine troa sine la itre icasikeu me caasi memine la organizasio i Iehova. Ame ngöne lo itre macatre ka ase hë ke, easë a pane treqene matre nango qea pi la hna etid hnene la atr, nge thupene lai, easë a hë angatre fe troa hane ce icasikeu me easë. Ame hë enehila, nyimutre catre hnei hnainine ka hane sine la itre icasikeu nge angatre petre hi a nyiqaane etid, nge hetre thangane catre lai, pine laka, angatre a canga kökötre ngöne la ua.
13 Hnene la lue trefëne hna öhne la ketre sine huliwa i nyidro, matre nyidroti a cainöje ju koi nyidrë. Ame la kola hetre ajane i nyidrë kowe la nyipici, hnei nyidroti hna hane hë nyidrë matre troa inine la Tusi Hmitrötre jëne la itus Connaissance. Ngöne ju fe kö la ijine cili, nyidroti a hane thei nyidrë troa hane sine la itre icasikeu, me qaja ka hape, troa sa la itre hnyinge i nyidrë ngöne la itre ijine cili. Hnene la trenge ajane i nyidrë troa atre la nyipici, nyidrëti a sipone ju troa alua etidi ngöne la wiik, nge kola nyiqaane fe troa hane sine lapaane la itre icasikeu ngöne la uma ne Baselaia.
14 Huliwane Jë La Boroshüre Nemene La Hnei Akötresieti Hna Thele The Së?: Ngöne lo ijine Kovasio ne Distrik “Itretre Tro Fë La Tingetinge Qa Thei Akötresie,” hne së hna kapa la boroshüre Nemene La Hnei Akötresieti Hna Thele The Së? Ka lolo catre la boroshüre celë e troa nyiqaane inine la Tusi Hmitrötre memine la itre atr ka lapaune hë koi Akötresie, pine laka, itre ka hmi hë angatr. Eje a qatrenge la ketre ini ka thaa jole kö troa trotrohnin, me ithahnatane asë la trepene la itre ini qa hnine la Tusi Hmitrötr. Troa hetre thangane catre la jiane huliwa celë, ngöne la kola troa hamëne la atrehmekune qa thei Akötresie. Eje a qejepengöne hnyawa la nyipici, nge pine laka, thaa jole kö e troa trotrohnin, atreine hi së isa alacaasi troa huliwane eje troa hamëne la itre xaa hnei Akötresieti hna thele the së. Eje hi laka, troa alanyimu catre la itre trejine ka troa ini Tusi Hmitrötre memine la itre atr jëne la boroshüre.
15 Ame koi itre atr ka mekune laka, pëkö traeme i angatre troa etidi ngöne la itus Connaissance, ma tro pena ha angatre a ajane troa kapa la itre hnepe ini qa hnine la boroshüre Thele. Tro hë angatre a hane sesëkötre qa ngöne la hnei angatre hna inin! Ngöne la lue götrane maine könitre, atreine hi tro angatre a öhne la itre mekune ka sa la itre hnyinge hna lapa fë hnene la itre atr, a itre hadredre macatre hë enehila, kola hape: Drei lae Akötresie? Drei lae Diabolo? Nemene la aja i Akötresieti kowe la fen? Nemene la Baselaia i Akötresie? Tro epuni a öhne tuneka la nyipi hmi? Ngacama thaa ka jole kö la aqane fe amamane la nyipici hnene la boroshür, ngo ka hetre menene catre la maca hna hamën. Eje a qeje pengöne fe la itre xaa mekune ka tru hna troa ithahnatane hmaca hnene la itre qatre thupe memine la itre ka saene troa xome la bapataiso, ketre, nyine jiane huliwa fe matre jëne troa etidi ngöne la itus Connaissance.
16 Maine epuni a mekune troa etidi memine la ketre atr ngöne la kola iwai hmaca, qaja jë ka hape: “Hapeu, atre fe hi epuni laka, atreine hi troa xome la hnepe menetre troa sa la ketre hnyinge ka nyipi ewekë jëne la Tusi Hmitrötr?” Thupene lai, hamëne ju la ketre hnyinge ka mama ngöne la qaane la ketre ini ne la nöjei ini ne lai boroshüre. Hanawange la ketre ceitun, maine epuni a ithahnata kowe la ketre qatr, loi e öni epuni jë hi ka hape: “Atre hë së laka, ame ngöne lo itre drai ekö, hnei Iesu hna aloine la itre trene mec. Ngo tuneka la aqane tro nyidrë a kuca elanyi göi itre mec? me göi itre qatr? me göi itre ka meci hë?” Hna sa la itre hnyinge celë ngöne la ini 5. Kola ahlëne la aja ne la ketre atr ka hmi, hnene la hnyinge hna hape: “Hapeu, Akötresieti kö drenge la nöjei thithi asë?” Hna sa lai ngöne la ini 7. Troa ajane troa atre hnene la itre atrene la fami la mekune thatraqane la hnyinge celë: “Nemene la hnei Akötresieti hna ajane thene la itre keme me thine memine la itre nekönatr?” Tro angatre a öhne la mekune ngöne la ini 8. Hetrenyi kö la itre xane hna hape: “Atreine kö troa kucahmëne la itre ka mele hnene la itre ka mec?” troa qeje pengöne lai ngöne ini 11; “Pine nemene matre, nyimutre la itre hmi ka qaja ka hape keresiano angatr?” hna ithahnatane lai ngöne ini 13; nge “Tro epuni a kuca tuneka matre enehmu i Akötresieti fe epun?” troa wange la ini 16.
17 Xatuane Jë La Itre Xaa Ka Qaja La Ketre Qene Hlapa: Tuneka fe kowe la itre atr ka ithahnatane la itre xaa qene hlapa? Maine ijij, loi e troa ini angatre ngöne la qene hlapa hnei anagatre hna atre hnyawa. (1 Kor. 14:9) Tro la atre thupëne la sirkoskripsio a hamëne kowe la nöjei ekalesia la ketre lisi ne la itre ekalesia ka qaja la itre xaa qene hlapa kö, me itre gurupe ngöne la götran. Atreine hi tro la seketere a goeëne la lis, me thele troa xome la itre pepa hna hape “Intérêt à suivre dans une langue étrangère” hna hamëne hnene la itre atrene la ekalesia thatraqane la itre ekalesia maine gurupe ka ithahnatane lai qene lapa. Thaa nyine tro kö a iupi fë koi Sasaiatri. Maine pëkö ekalesia maine gurupe ezin, nge pëkö trejine ka atreine qaja la qene hlapa ne la atr, haawe, tro la atre cainöje a tupathe troa etid memine lai atr, ngöne la boroshüre Thele, a hna ujëne ngöne lai lue qene hlapa.
18 Hna nyiqaane etidi hnene la ketre trejine ka qene Papale, memine la ketre trahmanyi ka qene Vietnamië, me föe i nyidrë ka qene Tai. Ngöne la ijine kola etid, hna huliwane la itre itus me itre Tusi Hmitrötre qene Papale, me qene Vetnamië, me qene Tai. Ame ngöne la xötrei ke, jole ka tru la troa itrotrohni, celë hi kola cinyihane hnene la trejine ka hape: “Canga kökötre hi la [lue trefëne] ngöne la ua. Angatre fe hë a öhne la enyipiewekëne la troa nyiqaane sine la itre icasikeu, memine la lue nekö i nyidro, nge ame e heji ke fami asë a e la Tusi Hmitrötr. Nge kola ketre hane inine la Tusi Hmitrötre hnene la nekö i nyidro jajinyi ka sikisi lao macatre.”
19 Ame ngöne la kola etidi memine la itre atr ka ithahnatane kö la ketre qene hlapa, ke, the ithahnata nyimenyime kö, nge troa qaja saathine la itre hnepe hnaewekë, nge qaja ju la itre hna ewekë ka hmaloi matre hetre hna trotrohnin. Ngo loi e tro pala hi a mekune hnyawa laka, troa metrötrëne la itre atr ka qaja kö la ketre qene hlapa. Loi e thaa tro kö a goeë angatre kösë itre nekönatr.
20 Huliwane hnyawane jë la itre iatr ka mingöminge ne la boroshüre Thele. Maine “sisitria catre kö la caa iatr, hune la caa thauzane lao hnaewekë,” haawe, troa atraqatre catre la itre ithuemacanyi kowe la atr, qa ngöne la itre iatr ka nyimutre e hnine la boroshür. Upi angeice jë troa e la itre xötre ngöne la sipu Tusi Hmitrötre i angeic. Ijije fe troa kuca la etid ngöne la ketre ijin, kola troa ujë qene hlapa hnene la ketre atrene la fami ka atreine qene papale, ketre aqane kuca lai ka troa hetre thangane ka loi.—Wange Ju la Huliwa ne Baselaia, ogas 1995, götrane 2; juun 1984 (Faras), götrane 8.
21 The Hmitre Kö Troa Iwai Hmaca: Eue la tro hmaca epuni a iwai hmaca? Ame la itre xaa trejine ke, angatre a kuca ju fe e thupene caa drai maine luetre, thupene lo kola xötrei iöhny. Itre xane a iwai hmaca ju fe kö ngöne la drai ka caas! Hapeu, easenyi pala ha lai? Kola mama laka, thaa ewekë ka jole menu kö lai kowe la itre atr. Ngöne la itre xaa ijin, ke, nyipi ewekë tro la atre cainöje a hetrenyi la aqane mekune ka loi, memine la mejiune ngöne la hna troa kuca. Tro sa ce wange la itre xaa ewekë hna melëne hë.
22 Ame ngöne la ketre ijin, hna cainöje ngöne itre hnalapa trootro hnene la ketre nekönatre ka 13 lao macatre, ene pe öhne ju hi angeice la lue föe kola ce tro. Hetrenyi thei angeice la hni ka ajane troa cainöje kowe la nöjei atr ngöne la nöjei götran, haawe, angeice a ithahnata ju memine la lue föe ngöne lai gojeny. Lolo pi hë la aqane kapa nyidro la maca ne Baselaia, pine laka, hnei nyidroti hna hane xome la isa caa itusi Connaissance. Hnei angeice hna xome la lue aderesi nyidro, me iwai hmaca ju fe kö lue drai thupen, nge e cili hnei angeice hna nyiqaane troa isa kuca la lue etidi ne la lue föe.
23 Hnene la ketre sör hna isapui troa iwai hmaca ngöne la wiike thupen. Ngo lue drai thupene la kola iöhnyi memine lai atr, angeice a traqafë la caa zonale ka qaja la topike hnei nyidro hna ithahnatane ngöne lo xötrei. Eahlo a qaja kowe la atr ka hape: “Hnenge hna goeëne la hna cinyihane celë, ene pe mekune ju hi ni laka, ma aja i nyipëti fe troa hane e. Thatreine kö ni troa porotrike aqeanyi me epuni enehila, ngo bëeke hmaca jë hë ni e hnaipajö ne drai hnacian, tune lo aqane isapui nyiso. Hapeu, ka loi pala hi koi epuni lo lai hawa hnei nyiso hna sa?”
24 Ka xecie koi së laka, troa traqa la nyimu pengöne aqane icilekeu, kowe la atr ka ajane troa atre la nyipici. Maine tro së a canga bëeke troa iwai hmaca thupene lo kola xötrei iöhny, haawe, tro ha catrecatre la atr troa cile kowe la itre jole ka troa xulu qa thene la itre sinee, me itre enehmu, me itre xane ju kö.
25 Akökötrene Jë La Aja Ne La Itre Atr Hna Öhne Ngöne La Itre Göhnë Gaa Tru Atr: Alanyimu catre hë la itre trejine ka madrine troa cainöje ngöne la itre gojeny, me itre hna xeene la itre loto, me itre kar, me ngöne magazë ka tru, me ngöne itre park, me ngöne itre xaa götrane ju kö. Ketre, thaa ene hmekuje kö la troa tro fë itus, ngo tro fe a akökötrene la aja. Celë hi matre, loi e troa xome la ëjen, me aderes, nge maine ijije fe, troa hane fejane la numero ne telefone ne la nöjei atr hna iöhnyi memin. Thaa huliwa ka jole kö la troa xome la itre ithuemacanyi cili. Ame hë la kola troa nyipune la porotrik, xome pi la carnet i epun, nge hnyingëne ju ka hape: “Hapeu, hetre itre xaa jëne tro kö nyiso a sisedrëne la porotrike celë ngöne la ketre ijin?” Maine pena: “Eni a ajane tro nyipë a hane e la hna cinyihane celë, nge ka xecie koi ni laka, troa ketri nyipë. Tuneka matre, tro ni a hane tro fë koi nyipë, maine ngöne la hnalapa, maine ngöne hna huliwa pena?” Kola hnyinge hnene la ketre trejine ka hape: “Nemene la numero ne telefone i epun?” Nyidrë a qaja ka hape, ngöne la köni treu hnei nyidrë hna kuca tune lai, könitre pi kö lao atr ka madrine troa hamë nyidrë la numero ne telefone i angatr.
26 Telefone Jë Troa Thele Me Akökötrene La Itre Trene Aja: Hnene la ketre sör hna telefone kowe la itre atr ka mele ngöne la itre batima hna eköhagene hnyawa. Eahlo a kuca fe la itre iwai hmaca jëne telefon. Ngöne la kola xötrei hë, öni eahlo ka hape: “Thatre ni kö hnei epun. Eni a thele troa ithahnata memine la itre atr ngöne la götrane hnei epuni hna lapa ngön, matre troa thawa la ketre mekune qa hnine la Tusi Hmitrötr. Maine hetre ijine i epun, eni a pi e la hna thingehnaeane ngöne . . .” Thupene la hna e la xötr, eahlo a qaja ka hape: “Hapeu, thaa mingöminge kö la ewekë cili koi së elany? Eni a madrine troa e lai koi epun. Maine atraqatre fe la madrine i epun, eni a ajane troa bëeke hmaca matre troa ithahnatane la ketre xötre qa hnine la Tusi Hmitrötr.”
27 Ngöne la kola telefone hmaca, eahlo a amekunëne lo porotrike i nyidro hnapan, nge eahlo a qaja ka hape, hetre ajane i eahlo troa e hnine la Tusi Hmitrötr, la pengöne la mele ka eje elanyi e paatre hë la iangazo. Thupene lai, eahlo a nango porotrike ju memine lai atr, la itre mekune qa hnine la Tusi Hmitrötr. Ngöne lai itre ijine hë eahlo ngöne telefon, hna hë eahlo hnene la 35 lao atr kowe la itre hnalapa i angatr, nge sevene lao etidi hna nyiqaan! Hapeu, jole kö koi epuni e itre xaa ijine troa wange hmaca la itre atr ka hni ka ajan, pine laka, hna thupa la itre gojeny, maine kola wene, maine kola wezipo pena? Maine kola traqa koi epuni lai, hapeu matre telefone ju pena koi angatr?
28 Akökötrene Jë La Aja Hna Öhne Ngöne La Itre Hnë Thele Mani: Thaa tro hmekuje kö a hamë zonale ngöne la kola kuca la itre magazë trootro. Nyimutre la itre ka cilë magazë ka ajane troa atre la nyipici, nge loi e troa akökötrene la aja cili. Ijije hi troa ithahnatane la Tusi Hmitrötre maine tro pena etidi ngöne la hnë hnei angatre hna huliwa. Atreine hi tro epuni a itronyi pena memine la atr ka ajane troa etid, ngöne ketre ijine mano e hnaipajö, maine ngöne la itre xaa traeme ka ijij.
29 Hnene la ketre atre thupëne la sirkoskripisio hna cainöje kowe la ketre ka cilë magazë, me hnyingë nyidrë ka hape ajane kö nyidrë troa hane inine la Tusi Hmitrötr. Ame la kola hnyingëne hnene la atr la eqeane la iamacany, önine jë hi la atre thupe ka hape 15 menetre hi. Haawe, kola tro pi hnene la ka cilë magazë, me athipe la ketre ithuemacanyi ngöne la qëhnelö hna hape: “Troa bëeke hmaca ngöne 20 menetre thupen,” nyidrëti a xome pi fe la lue icea, nge nyidroti a nyiqaane jë troa ithahnatane la faifi lao pane paragarafe ne la itus, Connaissance. Kola haine hnene la trahmanyi ka menyike thiina, la ewekë hnei nyidrë han inin, matre canga hane ju fe hi nyidrë sine la icasikeu kowe la ka alanyim, memine la ini La Tour de Garde ne la sabathi, nge hetrenyi la ajane troa sisedrëne la etidi ngöne la wiike thupen.
30 Maine kola troa etid ngöne la ketre hnë huliwa, öni epuni jë hi ka hape: “15 hi lao menetre troa inine la Tusi Hmitrötr. Maine ijij, hetre ajane i eni troa amamane la aqane troa kuca.” Thupene lai, metrötrëne ju la traeme hna sa. Maine thaa ijije kö troa porotrike aqeanyi ngöne la hnë huliwa, ma loi e troa vizitëne la ka cilë magazë ngöne la hnalapa i angeic.
31 Iwai Hmaca Ju Ngacama Pëkö Itusi Hna Hamën: Ngacama pëkö itusi hna amë pe, ngo nyipi ewekë catre troa wange hmaca la nöjei atr ka hetre hnepe aja. Ngo maine mama hnyawa laka, pë pi kö caa ajane la atr troa drenge la maca ne Baselaia, haawe, ka loi kö e troa thele la itre xane pena.
32 Ngöne la hna cainöje trootro ngöne la itre hnalapa, hnene la ketre söre hna iöhnyi memine la ketre föe ka lolo thiina, ngo xele kö eahlo ma xome la itre zonal. Hna cinyihane hnene la cainöje ka hape: “Eni pala hi a meku nyidro, matre mekune ju hi ni troa pane ithahnata hmaca me eahlo.” Haawe, kola thithi ju hnene la sör, me tro meköti troa fenafena la qëhnelö ne la föe. Atraqatre pi hë la madrine i eahlo la kola alö eahlo hnene la föe e hnine la uma. Hna nyiqaane la etid, nge hna sisedrëne hmaca ju fe kö ngöne la drai thupen. Ame hë enehila, kolo hë a hane melëne la nyipici hnene la föe.
33 Hnëkë Hnyawa Jë Matre Troa Hetre Thangane La Hna Huliwa: Hna amekötine laka, troa catre kuca ngöne la nöjei wiike la itre iwai hmaca. Maine tro së a hnëkë hnyawa, atreine hi tro së a kuca la huliwa cili. Thele jë troa cainöje ngöne la götrane hnei epuni hna troa cainöje trootro ngön. Maine epuni me loto, loi e thaa tro kö a alanyim, matre hetre ijine troa kuca hnyawa la itre iwai hmaca. Loi e tro la ka xomi loto a canga atre la itre hnë troa iwai hmaca, matre thaa tro kö a aluzi traem.
34 Kola qaja hnene la itre trejine ka öhnyi thangane ka loi qa ngöne la hna iwai hmaca, me nyiqaane la itre etid, ka hape, ame la ewekë ka sisitria ke, ene la troa wangatrune la itre atr, me hane lapa meku angatre thupene hë la hna xötrei iöhny. Nyipi ewekë troa hetrenyi la ketre topike qa hnine la Tusi Hmitrötre nyine troa ithahnatan, nge troa nyitrepene la iwai hmaca hnapin, qëmekene troa trotrije la hna cainöje kow. Ketre nyipi ewekë fe troa canga bëeke hmaca troa akökötrene la aja ne la atr. Ngo loi e tro pala hi a mekune hnyawa laka, ame la aja së ke, ene la troa nyiqaane inine la Tusi Hmitrötre memine la itre atr.
35 Ame la ketre thiina ka tru nyine troa eën, matre troa hetre thangane la iwai hmaca, ke, ene la troa catr. Nemene la aqane troa hetrenyi lai? Kola sa hnei Paulo Aposetolo me qaja ka hape, ‘cate pi’ troa qaja la maca ka loi kowe la itre xaa atr, “göi Akötesi shë.” (1 Thes. 2:2) Maine epuni a ajane troa kökötre ngöne la götrane cili, sipo ixatua jë koi Iehova jëne la thith. Thupene lai, huliwa thenge ju la itre thithi epun, ene la troa wange trongëne pala hi la itre atr ka hni ka ajan. E tune lai, tro hë Iehova a amanathithine la trengecatre hnei epuni hna kuca ngöne la huliwa cili!
[Hna eköhagen götran 3]
Aqane Troa Hetre Thangane Ka Loi Ngöne La Kola Iwai Hmaca
■ Loi thiina ju kowe la itre atr me wangatrunyi angatr.
■ Iëne jë la ketre topike ne la Tusi Hmitrötre nyine ithahnatan.
■ Nyitrepene ju la itre iwai hmaca.
■ Mekune lapaane ju la atr hnei epuni hna iöhnyi memin.
■ Bëeke hmaca ju ngöne la caas maine lue drai troa akökötrene la aja.
■ Mekune ju la aja së, ene la troa nyiqaane etid.
■ Sipo ixatua jë jëne la thith, matre troa catre ngöne la huliwa cili.