Xatuane Jë La Itretre Nyipi Ewekëne La Maca Ka Loi
1 E hetrenyi the së la lapaune me ihnim, ke kola upi së ngöne la treu maaci troa, xatuane me thenge la nöjei atr asë ka ajane troa drenge la hë ne la Baselaia, matre tro angatr’a hane sine la Drai ne Amekunën. Itre xan’a ajane troa trotrohnine la ewekë hnei Iehova hna hnëkën, matre hetrenyi la mele jëne la huje i Keriso, thupene mele kowe la nöjei atr asë. — Heb. 9:28.
2 Nyipi ewekë troa cinyihane la itre ejene la itre atr, hne së hna mekune troa hëne kowe la Drai ne Amekunën. Wange ju së troa hëne la itre atr ka pune traqa e itre xa drai, troa hane sine la itre icasikeu së, memine lo itre ka nyiqane ini tusi hë ekö, maine kolo itre ka nyipi ewekëne la Maca ka Loi. Mekune kö troa hane hëne la itre fö i epuni ka tha lapaune petre kö, me itre xaa atr ne la lapa. Nge Ase hë epuni cinyihane itre ejene la nöjei atr nyine tro epuni a hën, ke wai angatre jë hë me iöhnyine me angatr. Wange ju la itretre thup, matre xatua epuni troa kuca lai.
3 Nemene la nyine tro epuni a qaja ngöne la epuni a troa thei angatr?
Thupene la hnei epuni hna ibozu, qaja jë ka hape:
◼ “Ame lo ketre ijine nyiso a iöhnyi ke, eni a wangatrehmekune laka, aja i nyipëti troa hane ithahnatane la itre ewekë ne ua, celë hi matre eni a mekune laka, troa hetre madrine i nyipëti troa hane sine la ketre hnepe ijine ka sisitria. [Hamëne ju koi nyidrëti lo lai pepa hna hnëkëne kowe lai Drai ne Amekunën.] Ketre drai ka sisitria lai Drai ne Amekunëne la meci Keriso, pine laka, celë hi drai ka casi hnei Iesu Keriso hna ahnithe troa atrune hnene la itre hlue i Nyidrë. Nge madrine së e troa mekune hmaca lo aqane kuca i Keriso, jëne la melei Nyidrë, hna hujëne memine fe la aqane tro së a hetrenyi la mele ka tha ase palua kö hna jëne ej. Ame lo macatre hnapan, ke 11 milio la etrune la itre atr ka hane sine la icasikeu cili. Nge madrine fe ni tro nyipëti a hane traqa la macatre celë.” Mekune hnyawa kö troa ahnithe la traem, memine la göhnë ne atrune lai Drai ne Amekunën ngöne la Ekalesia i epun. Ketre, maine hetre ejolene göi loto, ke loi e troa ixatuanekeun.
4 Nyipi ewekë troa kapa la nöjei atr ka xötrei traqa troa hane sine lai Drai ne Amekunën. Tro sai angatre jë kowe la itre trejine hnei epuni hna atre, ka lapa ezine la itre hnalapa i angatr. Hawe, tro la itre trejine cili a madrin’atraqatre laka, kola ajane troa atre la nyipici hnene la ketre atr ka lapa ezi angatr. Ketre, maine ijije hi, ke lapa ju ezi angatre ngöne lai ijine cili.
5 Eje hi laka, tha hnene kö laka angatr’a troa hane sine lai Drai ne Amekunën, ke tro hë angatr’a mel. Ngo ame koi itre xan, ke, pane ewekë hi lai ka sisitria hnei angatre hna kuca, matre hetre lapaune kowe la madra hnei Iesu hna hamën. ketre, hnyingëne ju kowe lai atr ngöne la epuni a troa iami hmaca ka hape, ajane kö angeice troa hane sine lo lai icasikeu ne la ka alanyimu, memine lo icasikeu ne inine la ita ne thup, e sabath. Amamane ju koi angeice laka hetre aja atraqatre i epuni troa xatua angeic. Eje hi laka, tro ha kökötre nyimenyime lai aja me traqa kow ej, e hna canga hane sine palahi la itre icasikeu ne la Ekalesia. Celë hi matre, troa hetre madrin’atraqatre troa mel, thupene lo “akötr’atraqatr”, cememine lo itre atr hne së hna xatuan. — Hna Ama. 7:9, 14.