Loi e Troa Atreine Me Menyike La Aqane Troa Trofë La Maca Ka Loi
1 Hna majemine qaja ka hape:“Ame la ehnyapane la mele së, ke qa ngöne laka nyimutre la nöjei ewekë ka isa pengön”. Troa hetre ajane la itre atr troa drei së, e hne së hna hamëne la itre qaane ithahnata ka isa pengön. Nge troa mama hnyawa lai, ngöne la easë a cainöje trotro. Ngo e tha hmekëne kö së lai, ke tro hë itr’ej a pë thangan, pine laka casi palahi la qane ithahnata. Tha tro jë kö a hetre thangane koi së me hetre ixatua pena kowe la itre atr hne së hna ithahnata memin, pine laka, ca pengöne palahi la hna nyiqaan. Qa ngöne lai, loi e troa atreine me menyike la aqane trofë së la Maca ka Loi. Hawe, nemene la aqane troa kuca?
2 Hne së palahi hna majemine troa qaja ka hape: “Hapeue lai. Eahuni a hane tro fë la Maca ka Loi ne la Baselaia kowe la itre atr ka lapa ezi eahun”, ngo hnauëne laka tha tupathe pena kö së, la itre xaa aqane troa nyiqane ithahnata? wange ju hnine la itus “Comment Raisonner” qaane götrane 9 utihë 15, la ixatua atraqatre koi së, pine laka nyimutre la itre qaane ithahnata kösë 18 lao topike ka isa pengöne kö. Nge isa luetre, maine könitre, maine nyimutre pena la itre qaane ithahnata e ca topik.
3 Maine epuni a troa amamane lai boroshür “Dieu se soucie-t-il vraiment de nous”, ke troa xatua epuni hnene lai qaane ithahnata ngöne la topik “Vie et joie”, götrane 14:
“Eahuni a pi troa ithahnata memine la itre atr ka öhne me wangatrehmekune hnyawa, la aqane mele enehila. Itre xane a isa hnyinge ka hape, hapeu, atreine jë kö së elanyi troa hetrenyi la manathith? Hawe, tro la boroshüre celë a xatua epuni troa wangatrehmekune hnyawa.” Fe jë lai boroshüre ngöne la götrane 25, nge e jë la casi maine lue mekune ka ijije qa ngöne la paragarafe 15 me 16.
4 Kola öhne hnene la itre atre cainöjëne la Baselaia — thöth, maine ka xötrei hane cainöj, maine qatre pena laka, hetre thangane catre troa huliwaane la itre tarak.
Ketre ijije fe hi tro la ketre atre cainöje thöthi a hane huliwaane lo lai tarak “Une vie de famille agréable” Qaja jë epuni ka hape:
◼ “Eni a pi hane thuemacanyi epuni la aqane tro Akötresie a kuca matre, troa manathithi me caasi la itre fami. Hane la ketre tarak, matre tro epuni a hane e, hna cinyihane ka hape: “Une vie de famille agréable.” Nge tro la nyipi atr ka ce tro memine la thöthi ka xötrei cainöj, a hamëne la itre xa ixatua thenge la aqane sa, hnene lai atr hnei nyidroti hna ithahnata memine.
5 Maine ajane hi lai atr troa ithahnata, ke tro la atre cainöje nyipi atr a qaja ka hape:
◼ “Hnei Tusi Hmitrötre hna acile la isa götrane qane la itre atrene la fami. Mekuana i Akötresie me aja i Nyidrëti troa hetre fami. Celë hi matre, Nyidrëti kö la ka ijije troa ini së, me qaja koi së, la aqane troa ce mele ngöne la fami. Nemene la hnei epuni hna hane mekun? eni a pi atre la aqane trotrohnine i epuni la itre mekune ka eje hnine la Tusi Hmitrötr, itre mekune hna hnëkëne kowe la itre atrene la fami.” E jë la Efeso 5:22, 23, 28-31.
6 Maine epuni a troa trofë trongëne la itus “Révélation: dénoument”, hnauëne laka tha amamane kö koi angatre ngöne Tusi Hna Amamane 21:3, 4 la, itre hna thingehnaeane thatraqane la itre drai hnapin? thupene lai e jë la paragarafe 7 ngöne la götrane 303 ne lai itus. Hnyingëne ju kowe lai atr ka hape tro kö a eje lai, nge ijije kö troa lapaune kowe lai itre hna thingehnaeane hnei Akötresie. Ce ithahnatane ju fe la itre hna perofetane hnei Tusi Hmitrötr ka eje hë, matre tro la itre atr a lapaun’atrune koi Akötresie, Nyidrëti lo ka ijije troa amanathithine la nöjei atr.
7 Loi e tro la itretre cainöj’a huliwa catre palahi kowe la Baselaia, ene la troa traane la itre itine nyipici ngöne la nöjei götran, me xatuane fe la itre ka ajan. Troa hetre madrine së troa nue pe ngöne la hnatrapaime i Iehova la itre xa feja celë e, hetre ixatua së fe ngöne la huliwa cili. Eje the së la ithuemacanyi ka sisitria nyine tro së a, hane ce thawa me ithahnatane memine la itre atr. Celë hi matre loi e tro palahi së a hnëkë hnyawa, matre atreine së troa amamane la Maca ka Loi ne la Baselaia, thenge la itre ithahnata ka menyik.