Xatuane Jë La Itre Xan, Troa Atrepengönyi Iesu Keriso, Hupuna i Akötresie
1 Diseba la ketre treu ka tha ceitune kö memine la itre xaa treu ne la macatre, pine laka ijine thele Iesu hnene la nöjei atr ka hmi me ka ajane troa xötrethenge nyidrë. Celëhi matre ketre treu lai ka sisitria nyine troa amamane trongëne lo itus Le plus grand homme de tous les temps. Ngo qëmekene troa hamëne la itus, ke, loi e troa pane atre pengöne lai atr, ka hape, nyipi ajane kö angeice troa inine la melene la hupuna i Akötresie, pine laka, tha itusi menu kö lai ngo ka tru alien. Hawe, nemene la ka ijije troa kuca?
2 Thele jë la mekune i angeice jëne la ketre hnepe ithahnata göi lesueti.
Thupene la hna ibozu, ke, qaja tune jë la, ka hape:
◼ “Ame enehila, ke, eahuni a hnyingëne la mekune ne la nöjei atr, la angatr’a e ngöne Tusi Hmitrötr, ka hape hetre mele ka tha ase palua kö. [nue pi troa sa.] Ketre ewekë lai ka sisitria pine laka Tusi Hmitrötr’a qaja laka ijije fe koi së troa hetrenyi la mele cili. Nemene la elolone la mele cili? Tro easo a ce wange la tusi Hna Amamane 21:4. [E jë.] Öhnë hë nyipëti la hna qaja xeciëne koi së? [nuepi troa sa.] Nemene la nyine kuca matre tro së a kapa la mele ka tha ase palua kö?” Ejë la Ioane 17:3, nge qaja jë laka loie troa atrehmekunyi Akötresie me Iesu hupuna i nyidrë. Maine madrine angeice troa dreng, ke, amamane jë la itus Le plus grand homme de tous les temps, ithahnatane jë la itre mekune fene lo taane hna hape: Le plus grand homme de tous les temps, ngöne lo easë a xötrei fe la itus, matre hetre aja i angeice hmaca e ketre ijin.
3 Maine tha kapa kö la itusi hnene lai atr, ke, amamane jë la lue zonal La Tour de Garde me Réveillez-vous! maine kolo tarak Le monde actuel survivra-t-il? Köjane ju la casi maine lue mekune hnine lai hne së hna amaman. Sipo angeice jë matre tro epuni a bëeke troa ithahnatane hmaca me angeice lai mekune cili.
4 Maine hetre jole i angeic, ke, loie troa nango ahopatrene la hna ithahnata. Ngo ijije fe kowe la itre ka hnyipi cainöje trootro troa xötrethenge la aqane nyiqaane celë ka tha jole kö.
Thupene la hne së hna qaja la eje së, hape jë:
◼ “Eahuni a hnyingëne enehila la mekune ne la itre atr, la angatr’a e ngöne Tusi Hmitrötre ka hape hetre mele ka tha ase palua kö. Hnei Iesu hna qaja ngöne Ioane 17:3 ka hape: [E jë.] Hna cinyihane la itusi celë nyine xatuane la itre atr troa atrehmekune hnyawa Iesu me itre hna qaja hnei nyidrë.” Fepi la itusi ngöne lo itre xaa iatr hna desëne hnyawan. Ujëne jë la itre dröne kowe lo xötrei hna cinyihan, nge e jë lo hnaaluene paragaraf, fene lo ketre taane hna hape: “Apprenons à le connaître pour notre bien.” The xome hnöthe kö troa hamëne la itus.
5 Maine hna kapa la itus, ke, ami trepene jë troa nyiqaane la etid, celë hi matre loi e troa ce wange lo mekene 1 “Messages venant du ciel” ngöne palahi lai ijine cili, nge bëeke hmaca jë ngöne ketre drai pë hë thupen. Loi e troa qaja kowe lai atr ka hape, maine tro angeic’a e la wesi ula i Akötresie, ke, ijiji angeice troa atre pengönyi Iesu Keriso ngöne hi lai itre hnepe menetre kaco, nge nyipi ewekë troa qaja lai koi angeice hune la troa qaja ka hape wange jë easo e ketre ijine eni a bëeke hmaca.
6 Epi tro së asë a nyipi ewekëne la itre drai celë hna hamëne koi së, matre troa thele hnyawane la itre nyipici göi Keriso Iesu, la hupuna i Akötresie, nge matre troa xatuane fe la itre xaa atr ngöne la gojenyi ne mele ka epine palua. — Mat. 7:14.