Huliwaane Lapaane Jë La Itre Götrane Së
1 Tru la madrine së e tro së a wange laka, loi la aqane huliwaane lapane hnene la itre ekalesia la itre götrane i angatr! (Mat. 24:14; 1 Tim. 2:3, 4) Ngacama ketre huliwa ka catr, ngo kola amamane pe hnene la itre ka huliwaane hë laka, e tro së a hnëkëne hnyawa me hetrenyi fe la itre jian, ke, nyipici, troa hetre thangane ka loi, nge atreine së troa cile qëmeke kowe la nöjei pengön’ejolen.
2 Ki, la troa maca la itre nyiqaane ithahnata: Nyipiewekë catre troa hnëkëne hnyawane la casi maine nyimutre lao aqane troa nyiqaane ithahnata. Loi e tro la alien itr’ej’a amamane la kepine ka sisitria matre easë a traqa lapa.
3 Itus Comment raisonner a hamë së la itre tulu ne nyiqaane ithahnata thatraqane la tro së a cainöje trootro. Köni nyine nyiqaane ithahnata ngöne la götrane 15, fene lo hna cinyihane ka hape “Dans les territoires où les gens entendent souvent le message.” Amacaane jë qa hnine la itre mekune cili, la hne së hna wange ka loi troa ithahnataane ngöne la götrane së.
4 Alanyimu la angetre cainöje trootro ka öhnyi thangane ka loi qangöne la hnei angatre hna xome lo itre mekune qa hnine la itre zonale ne la nöje i angatr, ke, itr’ej’a thue mekune nyine troa ithahnataane ngöne la nöjei ijine angatr’a cainöje trootro ngöne la itre götrane i angatre hna huliwaane lapan. Ijije tro së a xome qa hnine la itus Comment raisonner la köni tulu nyine ithahnataan. Hawe, pane ce wange ju së lo hnaluene mekune ngöne lo ketre taane hna qaja ka hape “Crime/Sécurité” götrane 11 nge ame lo taane mekune hna cinyihane ka hape “Actualité” götrane 9 ke, ce wange ju lo lue pane mekun.
5 Itre nyine nyiqaane ithahnata troa Hnëkëne hnyawane: The cile kö troa ithahnataane la ketre tulu ne ithahnata hna xome qa hnine lo itus Comment raisonner. Ithahnataane jë itr’ej, tha ene kö la troa e gufan, ngo troa qaja la itre mekune cili hnene la sipu trenge ewekë i epun. Celë hi matre qëmekene troa cainöje trootro, loi e troa amacaane memine la ketre ka majemine hnyawa ha.
6 Maine öni së jë hi ka hape:
◼ “Ame lo traqa hnapane ni, ke, [qaja ju la ketre ewekë ka traqa hna ithahnataane hnene la itre atr]. Ewekë lai ka ketri së asë ngöne la nöjei götrane ne la mele së, nge kola xou hnene la itre atr ne la zi së. Hapeue fe nyipë? Ma ceitu së asë hi? Ngo ease pe a mejiune ka hape ka hetre nyin la itre akötre cili. Ngacama hnene la itre atr enehila hna kuca la itre ewekë kösë ka loi, ngo hapeu, nemene la hnei nyipëti hna hane mekune thenge la hna cinyihane hnei Ieremia perofeta mekene mekene 10 xötre 23? Thupene la hna e la mekene tusi cili, ke, atrehmekune ju la aqane ujëne la atr matre amamai angeice la ketre mekene tusi ka qejepengöne la aqane tro Iehova a apatrene la itre akötre enehila.
7 Maine pena qaja ju ka hape:
◼ “Ma drenge fe hi enehila hnine la itre nuvel [zonale maine televisio pena] [qaja ju la ketre ewekë ka traqa]. Ma nyipëti fe hi a hane mekune laka, itre ewekë lai ka ketri së asë. [pane treqene ju la troa sa.] Nyipici laka, hetre ewekë ka loi qathene la itre musi ne la fen, ngo ame pe, ke, itre ewekë lai ka tha cile huti kö; Tusi Hmitrötre la ka amamane la aqane tro la itre akötr’a paatre palua.” Köjane ju la ketre mekene tusi ka qejepengöne la itre ewekë hnei Akötresie hna troa kuca.
8 “Pine nemene la epuni a traqa lapa?” Hetre itre nyine sa matre nyine jëne porotrik, hna cinyihane hnine la itus Comment raisonner ngöne la götrane 20, fene lo hna cinyihane ka hape “Pourquoi repassez-vous si souvent?” Ngacama tha hnyingë së kö hnei angatr, ngo ejehi laka tro angatr’a qaja aloinyi së, e hne së hna amamane ngöne la nöjei ijine laka, ame la easë a traqa lapa, ke, hna upi së hnene la ihnimi së ka nyipici koi Iehova me hnene la ihnimi së kowe la itre ka lapa easenyi së. Troa öhne me atrehmekune lai hnene lai atr, e hna ce ithahnataane me angeice lo itre trenge ewekë i Iesu ngöne Ioane 21:15-17.
9 E tha öni Iehova palakö ka hape ijije hë, ke, tro palahi a catre huliwa, ene la troa huliwaane lapane la itre götrane së. Celëhi aqane ujë, nge pëkö troa luelue, ke, Nyidrëti la ka eatrongë së, me thupë së, me amanathithi së, nge uti hnyawa ha la troa traqa la pun. — Mat. 28:19, 20.