Loi e Troa Atreine Hnyawa Trofë La Itus Vivre éternellement
1 Ka maca catre la itre aqane nyiqaane i Iesu la itre porotrik. Atreine nyidrëti ahlëne la aja thene la atr. Ngöne la ketre ijine hnei nyidrë hna sipone la föe ne Samaria matre ithueime i nyidrëti tim. Hna sesëkötre hnene la föe pine laka, ‘tha itete me sinene kö la angetre Iudra me Samaria.’ Traqa pë hë kowe la pune la porotrike i nyidro, nge lapaune hë la föe, me itre atr ka alanyimu fe kö. (Ioane 4:7-9, 41) Celëhi matre ijije tro së a inine la tulu i Iesu.
2 Ngöne la ijine kola hnëkëne troa trofë la itus Vivre éternellement, ange isa hnyinge ju ka hape ‘Nemene la mekune hmekune la hna ajane troa drenge hnene la itre atr ne la teritoar? Nemene la ka troa ahlëne la ajane troa atrepengöne hnene la thöth, maine itre qatr, maine itre thupëtresij, me itre föe i angatr?’ Loi e troa hnëkëne la itre aqane nyiqaane cainöje ka nyimutre, matre troa atreine ithahnata kowe la nöjei pengön’atr.
3 E tru la itre fami hna angazon, qaja ju ka hape:
◼ “Tru la itre hace ka ajolëne la mele ne la fami enehila. Hapeu, thei drei la ixatua? [Nue pi troa sa.] Tusi Hmitrötre hi la ka ijije troa xatua së. [E jë la 2 Timoteo 3:16, 17.] Tro la meköti ne la wesi ula a hamë mele kowe la fami. Hanawange la hna qaja ngöne la itus Vous pouvez vivre éternellement sur une terre qui deviendra un paradis, paragarafe 3, götrane 238.” E jë la paragarafe 3, thupene lai, hamëne pi hë lai itus.
4 E kola mekune troa porotrikëne la itre nuvel, qaja ju ka hape:
◼ “Hane kö nyipë hane drenge lo nuvele [porotrikëne jë la ketre ewekë ka traqa kowe la nöj.] Önine lo ketre aqane hnyinge ka hape ma tro hë së la tro ië. Tusi Hmitrötr’a qejepengöne ka hape troa hetrenyi la itre ewekë cili ngöne la drai ne nyipune la fen.” Hawe, nyipune ju qa ngöne la kola ce wange la itre mekune la itus Vivre éternellement, götrane 150-3.
5 Tru la hna ketr hnene la itre huliwa menu enehila. Hawe, xome ju la aqane nyiqaane ithahnata ne la itus “Comment raisonner,” götrane 11 ngöne lo hna cinyihane “Crime/Sécurité”:
◼ “Eahuni a porotrikëne kowe la nöjei atr la aqane troa isa wai melen. Kola xötreithi së hnene la huliwa menu, me angazone mina fe la mele së. Hapeu, tro kö a traqa la ijine tro la nöjei atr a ethenyi jidr, nge pëkö la xou.” E jë la Salamo 37:10, 11, nge thupene lai, ce wange ju la itre manathithi ne la Baselaia i Akötresie ngöne la itus Vivre éternellement, götrane 156-8.
6 E kola pi huliwaane la ketre aqane trofë ka sasaqe, xötrethenge jë la mekune ne la itus “Comment raisonner,” götrane 12:
◼ “Eahuni a xatuane la itre sine lapa huni troa hane wange jëne la Tusi Hmitrötre la itre ahnahna ka troa calemi. [E jë la Hna Amamane 21:3, 4.] Hapeu, tha sheminge kö la hna ithahnata celë e tro së a dreng? [Treqene ju troa sa.] Ngöne la itusi celë, hna qejepengöne ngöne la mekene 19, la itre xaa manathithi ne la Baselaia i Akötresie.” Thupene lai, hamëne pi hë lai itus Vivre éternellement.
7 Nyipiewekë koi së la troa hnëkëne hnyawaane la itre aqane trofë, ke, jëne lai tro ha drei së hnene la itre ka pi xeni me pi iji la thina ka meköt.—Mata. 5:6.