Xupexatuane Jë La Aja Kowe La Itus Vivre éternellement
1 Ngöne la easë a ithahnata memine la itre atr, ke, easë a öhne laka hna kötre fë la itre mekune i angatre hnene la “ite mekumekune la ite ewekë ne fen.” (Mareko 4:19) Celëhi matre, tha hmaloi kö koi së troa ahlëne la aja i angatre jëne la ketre aqane trofë la maca ka loi, ka troa uku angatre troa hane thele mekun. Ngöne la qaan, ke, tha nyipiewekëne kö la maca hnene la itre xan. Ngo, e ithahnataane hë së la ketre ewekë ka ketr la mele i angatr, ke, ijije tro së a amejëne la aja i angatre kowe la maca ne la Basilaia. E easë a thelejëne troa porotrik, ke, loi e troa iëne la itre mekune ka ijije qa hnine la itus Vivre éternellement. Nemene la hnei epuni hna troa qaja?
2 Maine jë tro epuni a qaja ka hape:
◼ “Maine ka hetre mene i epuni ju fe, ke, nemene la jole ka iakötrë ne la hnedrai së hnei epuni hna ajane troa pane apatren? [Nue pi troa sa, nge maine ijij, ke, qaja ju ka hape alanyimu la itre ka mekune tun.] Utihë enehila, hetre loi hnene la itretre cilë mekene ne fene hna kuca göne la troa cile kowe la nöjei pengöne jole ka traqa enehila. Ngo hetre Atr ka hetre men, me hetre ajane troa apatrene la nöjei jole ka ketr la nöjei atr asë. Kola sipo epuni troa pane e la hna cinyihane ngöne Salamo 145:16. [E jë la mekene tus, nge amamane jë la itre iatr ngöne la itre götrane 11-13.] Hna amexeje la itre mekune celë ngöne la paragarafe 14, götrane 14, nge hnyinge jë ka hape: ‘Ngo, eu la troa traqa?’ ” Qaja ju ka hape tro lai itusi a sa la hnyinge celë, nge liine pi la itus cememine la madrine matre hane angeice itön.
3 Maine pena qaja jë tune la:
◼ “Maine jë atre fe hi epuni la ewekë ka traqa koi së e kola meci hnene la ketre atr hne së hna hnim, kösë pë hmaca kö aliene la mele së. Tru la hleuhleu, nge pë pena kö ixatua. Maine jë hna hane traqa koi epuni troa isa thele tune la itre hnyinge celë: [E jë la itre hnyinge tune la paragarafe 1, götrane 76.] Hapeu, tha tingetinge kö la itre hni epuni qa ngöne laka hna sa la itre hnyinge celë? Maine jë ketre ixatua koi epuni la troa atre laka Tusi Hmitrötr’a hamëne la ketre mejiune ka catre kowe la nöjei ka meci hë. [E jë Ioane 5:28, 29.] Tro la itusi celë a xatua së troa trotrohnine hnyawaane la pengöne la itre ka meci hë, memine fe la mejiune kowe la itre drai ka calemi.” Amamane jë la mekene 8, me 20, tha tro pe a aqean. Xatuane jë lai atr troa e lai itus.
4 Ijije tro së a cainöje e nöjei ijin. Hawe, easë pë hë a qaja jë memine la sipu aqane ithahnata së ka hape:
◼ “Tru catre la itre jole e celë fene hnengödrai enehila, nge tha luelue kö ni laka epuni fe a cile qëmeke kowe la itre xan. Ngo tha madrine kö së, pine laka e tro së a goeën, ke, tru catre kö la hna akötre hnene la itre atr ka pë zön, ene lo itre ka menyik. Nemene fe la mekune i epun, tro kö Akötresieti a apatrene la nöjei akötr? [Nue pi troa sa.] Nue ni pi troa pane amamane hnyawaane la hnei Akötresieti hna thingehnaeane troa aeatrëne thatraqane la itre ka nyihluei nyidrë. [E jë Salamo 37:40, nge fe jë la itus Vivre éternellement, götrane 99.] Kola qejepengöne hnene la itusi celë, la kepine matre Akötresieti a nue la iangazo, memine la aqane tro nyidrëti a apatren’ej.”
5 E maine ketre thöthi epun, ke, ijije tro epuni a amamane la itre iatr ne la itre götrane 156-8, matre troa thuejëne troa hamëne la itus. Epuni pë hë a hnyinge ju pe ka hape:
◼ “Ajane kö epuni troa mele ngöne la fene hnengödrai ka tune la? [Nue pi troa sa.] Hna eköthe la nöjei iatr ka seminge e cahu hnin, hune la hna thingehnaeane hnene la wesi ula i Akötresie, ene la Tusi Hmitrötr. [Amamane jë la itre mekene tus.] Tro la itusi celë a xatua epuni troa akökötrene la atrehmekune i epuni göne la hna thingehnaeane hnei Akötresiei troa aketrepengönëne la fene hnengödrai, tune la paradraiso. Ame la alien’ej, ke, itre ithuemacayi ka iamele, hawe, loi e tro së a ami ijine thatraqane lai.”—Ioane 17:3.
6 Ngöne la kola hamëne la itus, ke, the thëthëhmine kö troa hnëkë hnyawa, me thelejëne troa iwaihmaca.