Bëeke Jë Troa Wange Hmaca La Itre Ka Drei Së
1 Ame la kola amamane la itusi ka hnyipixe, ene La connaissance qui mène à la vie éternelle, hnene la trejine ka cilefë la cainöje ngöne la kovasio hna qaja ka hape “loi e troa hetrenyi la atrehmekune ka ijije thene la itre ka ini ka hni ka meköti jëne la ini Tusi Hmitrötre matre troa kepe angatre hnei Iehova, nge tro fe a hane bapataiso angatr.” Hna hnëkëne la itusi cili matre canga wangatrehmekune la itre atr la nyipici. Ej’a hamëne hnyawane la ithuemacanyi ka ijije ka troa upe la itre ka ini Tusi Hmitrötre troa kökötre ngöne la ua. Ej’a amamane hnyawa la nyipici, nge tha eje kö a qaja atrune la itre ini ka thoi. Maine easë a ajane troa öhnyi thangane ka loi jëne la jia ne huliwa ka hnyipixe, ke, nyipiewekë koi së troa bëeke troa wange hmaca lo itre ka ajan.
2 Maine hnei epuni hna ithahnata memine la ketre atr ka tha lapaune kö koi Akötresie, ngo ka nango hetre ajan, ke, nyiqane fe jë la itusi kowe la iatr ngöne la götrane 4, me 5 nge qaja ju ka hape:
◼ “Ame lo eni a traqa e cili lo, ke, hne so lo hna ce wange la iatr celë ka mingöming, ene laka ka sheminge me lolo la nöjei ewekë ka lapa xötreith. Kola hnyinge hnene cahu mekune hna cinyihane ezine ka hape, ‘Nemene la nyine tro epuni a kuca matre troa hane melëne la itre ewekë celë?’ Tro epuni a sa tuneka la hnyinge celë? [Nue pi troa sa.] Tusi Hmitrötr’a qaja hnyawane la ketre aqane troa kuca. [E jë la Ioane 17:3.] Sisitria catre la atrehmekune matre hetre lapaune së koi Akötresie. Ame la ketre jëne troa kapa la itre hne së hna ajane troa atre, ke, ene la troa inine la Tusi Hmitrötr.” Fe jë kowe la mekene 1, nge amamane hnyawane ju la itre xaa mekune ka ithuecatre ngöne la itre paragarafe 1 utihë 5. Qejepengöne ju la aqane troa elemekene la ini Tusi Hmitrötr, nge qaja ju ka hape tro hmaca epuni a bëeke troa sisedrëne la porotrike i epun.
3 Maine epuni a bëeke troa sisedrëne lo porotrike i epuni ngöne la kepine matre Akötresieti a nue la akötr, ke, qaja ju ka hape:
◼ “Ame lo ketre traqa ni, ke, hne so hna ce ithahnatane lo [qaja ju lo ketre ewekë ka traqa]. Ame la hnyinge ka canga traqa kowe la mekuneng, ke, eje ngöne la kepine matre Akötresieti a nue la akötre e celë fene hnengödrai. Nemene la mekune hnei epuni hna traqa ha kow? [Nue pi troa sa.] Ketre ixatua ka tru koi së la troa atre laka tha Akötresieti kö la qaane la itre ewekë ka ngazo ka traqa enehila.” Fe jë kowe la itre götrane 71-2 hnine la itus, La connaissance qui mène à la vie éternelle, nge ce ithahnatane ju la itre mekune qa hnine la Tusi Hmitrötre hna fejane ngöne la itre paragarafe 3 utihë 5. Nge qaja ju ka hape tro hmaca epuni a bëeke troa qaja la kepine matre ka xeci koi së laka easenyi catre hë tro Akötresie a nyipune la akötr.
4 Maine epuni a bëeke troa wange hmaca la ketre keme maine thine hna ketr hnene la itre jole ne la fami, ke, qaja ju ka hape:
◼ “Atre hnyawa hi ni laka, epun, itre keme me thin’a ajane la mele ka loi kowe la itre nekö i epun. Pine laka tha ijije kö troa thupë angatre qëmekene la nöjei ewekë ka ngazo, nyipiewekë tro epuni a ini angatre la aqane troa cile kowe la itre ejolene la mel. Hapeue la mekune i epun, nemene la nyine troa kuca? [Nue pi troa sa.] Ame la ketre ewekë ka sisitria nyine tro la keme me thin’a hamën, ke, ene la ini.” Fe jë kowe la götrane 145-6, hnine la itusi Connaissance, nge amamane hnyawane ju la eamo ne la Tusi Hmitrötre ka hetre thangan, me qaja atrune fe la enyipiewekën’ej, memine la eloine hna kapa qa ngöne la hna trongën’ej. Qaja ju ka hape tro hmaca epuni a bëeke troa amamane koi angeice la aqane troa huliwane la itusi celë matre troa atrepengöne hnyawa la aqane troa hetrenyi la fami ka madrin.
5 Maine epuni a kuca la ketre aqane trofë ka tha qea kö, ke, qaja ju ka hape:
◼ “Tha mekune i Akötresieti fe kö tro së a qatre trootro me mec. Ame la aja i Nyidrë, ke, tro së a mele epine palua ngöne la paradraiso e celë fen.” Amamane jë la iatr ngöne la götrane 188-9. E jë la paragarafe 11 ngöne la götrane 184. Ce wange ju matre bëeke hmaca troa iwai ngöne la ketre ijin.
6 Nyipici laka, ame la itusi ka hnyipixe celë, ke, ketre ewekë hna hnëkëne hnei Iehova matre ‘anyimenyimëne’ la huliwa ne iacasinekeune ngöne lo hna hape itre drai hnapin, ene la itre drai celë ka akötr. (Isa. 60:22) Maine hne së hna huliwane hnyawa ej, ke, atreine së troa iqajakeune la atrehmekune ka troa eatrongëne la itre atr kowe la mele ka tha ase palua kö.