“Drei Lola Mele Ka Tha Ase Palua Kö”
1 Nyipiewekë tro së a trotrohnine hnyawa la trengewekë i Iesu hna cinyihane ngöne Ioane 17:3. Nyidrëti a qejepengöne la hnaewekë celë kola hape—ame la troa atrehmekua Akötresie me Keriso, ke celë hi jëne troa mele palua lai! Ngo hapeu, troa kapa hmekuje la mele ka thaa ase palua kö, jëne lai? Ohe. Atre hnyawa hi angetre Isaraela laka, Iehova la Akötresie i angatr, ngo thaa hna amamane kö lai hnene la aqane mele i angatr. Celë hi matre, nuetriji angatre pi hnei Nyidrë. (Hos. 4:1, 2, 6) Itre milio la itre atr enehila ka “itete cate troa huliwa koi Akötesie; ngo tha thenge la inamacan.” (Rom. 10:2) Nyipiewekë koi angatre troa atre Iehova, “lo nyipi Akötesie ka cas,” me troa inine la aqane troa nyihlue i Nyidrëti hnyawa. Celë hi matre, ngöne la treu nofeba ke, tro hë së a hamëne a itusi La connaissance qui mène à la vie éternelle. Nemene la aqane tro epuni a tro fë la itus Connaissance? Hane cahu itre xaa ixatua koi epun.
2 Atreine hi tro la aqane nyiqaane ithahnata celë a thele la aja ne la itre atr, ka xötrei drenge la kola qeje mele ka thaa ase palua kö; kola hape:
◼ “Eahuni a hane hnyingëne fe kowe la itre ka lapa ezi hun. Maine hna hane hë nyipë troa mele palua ngöne la fene ka tune la, hapeu, tro kö nyipë a kapa lai? [Amamane jë la iatr götrane 4-5 hnine la itus Connaissance. Nue pi troa sa.] ketre ewekë la nyine madrin, ka ijije tro nyipë a hane melën. Ngo nemene la nyine tro nyipë a kuca matre troa hane eatre lai ngöne la mele i nyipë? [Nue pi troa sa.] Pane goeëne ju la nyine troa kuca, thenge la hna qaja ngöne Ioane 17:3. [E jë.] Kola xatuane la nöjei atr hnene la itusi celë, troa kapa la ketre atrehmekune ka ketre pengöne kö; ame la thupene ke, 150 F. Ajane kö nyipë troa hane e la ketre? [Nue pi troa sa.] Tro pë hë nyiso a ithahnatane pe ngöne la ketre traqa ni, la kepine matre loi e troa mejiune laka, ijije hi troa kapa la mele ka thaa ase palua kö e celë fen.”
3 Maine epuni a bëeke troa wange hmaca lo itre atr hnei epuni hna xötrei ithahnata hë memin, e jëne Ioane 17:3, öni epuni jë hi:
◼ “Ame lo traqa hnapane ni, hnenge hna e koi nyipë la trengewekë i Iesu ngöne Ioane 17:3, nyidrëti a qaja xeciëne koi së laka, atreine hi troa mele palua, e hna atrehmekua Akötresie me nyidrëti fe. Ngo nyimutre la itre atr ka mejiune laka, e koho hnengödrai hmekuje hi la hnë troa kapa la mele ka sisitria. Nemene fe la hnei nyipë hna hane mekun? [Nue pi troa sa.] Maine pëkö ejolene koi nyipë eni a sipone troa pane xome lo itusi hnenge hna hamë nyipë, pi tro ni a amamane koi nyipë la itre xötr ne la Tusi Hmitrötre ka anyipicine laka, troa axulune hmaca la paradraiso e celë fen. [Ithahnatane jë la itre paragarafe 11-16 ngöne götrane 9-10 ne la itus Connaissance.] Tro pë hë ni a amamane ngöne la ketre traqa ni, la kepine matre eahuni a mejiune kowe la itre hna thingehnaeane e hnine la Tusi Hmitrötr. Ngöne la ijine cili, ijije tro epuni a e la mekene 2 ne la itus, qëmekene la tro hmaca ni a traqa.”
4 Hane wang la ketre aqane tro fë ithahnata nyine tro epuni a qaja kowe la itre atr ka hmi catr:
◼ “Hnei eahuni hna porotike memine la itre atr ka lapa ezi eahun, me ithahnatane la kepine matre nyimutre catre hë la itre hmi ka isa pengöne ngöne la fen. Kola e la 10 000 nge sine lao hmi enehila ngöne la fene hnengödrai asë. Ngo casihi la Tusi Hmitrötr. Atre fe kö epuni la kepine matre kola isazikeu la itre hmi? [Treqene ju troa sa. Fe pi la itus Connaissance ngöne mekene 5, nge e jë la paragarafe 1.] Maine tro epuni a e la mekene celë, tro hë epuni a kapa madrine la itre mekune ka sa la itre hnyinge cili. Atraqatre la madrinenge troa hamë epuni la itus, maine epuni a pi ajane troa hane e ej.” Maine hna kapa la itus, isa pui ju matre troa iwai hmaca, nge qaja ju ka hape: “Ame ngöne la eni a troa bëeke hmaca, ma tro nyiso a pane ithahnatane la ketre aqane mekun, ene laka, itre hmi asë hi a tro kowe la hnë ka caas.”
5 Ame hmaca la epuni a bëeke troa porotrikëne la kepine matre tru la nöjei pengone hmi, ijije fe tro epuni a qaja ka hape:
◼ “Ame e cili lo, hnenge hna pane qaja lo mekun, maine ame asë hi la itre hmi, itre eje asë hi a tro kowe la hnë ka caas. Hapeue la mekune i epun? [Nue pi troa sa.] Eni a ajane troa amamane ngöne la itus hnenge hna amë pe thei epun, la hnei Iesu hna qaja thatraqane la mekune cili. [Fe jë la itus Connaissance mekene 5, nge e jë la paragarafe 6-7, memine fe la Mataio 7:21-23.] Hapeu, ma epuni a hnyingëne thele la kepine matre, nyipiewekë troa atre la aliene la aja i Akötresie. Tro epuni a öhne laka, hetre ithuemacanyi hna troa kapa, qa ngöne la itre paragarafe hnapin. Eni a sipo epuni matre troa pane e la nyine amekunëne la mekene celë. Ame la eni a troa bëeke hmaca, troa atraqatre la madrinenge troa amamane koi epuni la enyipiewekëne la troa hetrenyi la nyipi atrehmekune ne la Tusi hmitrötr.”
6 Ka hetre thangane catre la troa nyiqaane mekötine la etid. Hane la ketre aqane nyiqaane hna cinyihane ngöne la itus “Comment raisonner” götrane 12:
◼ “Eni a traqa troa hane hnyingë epun, maine aja i epuni fe troa inine la Tusi Hmitrötr, pë kö hna thupen. Maine ijij, tro ni a pane amami epuni ngöne hi la itre hnepe menetre ka co, la aqane ini Tusi Hmitrötre ne la itre fami ngöne la ngöne la 200 lao nöje e celë fene hnengödrai. Atreine hi tro nyiso a ce wange la mekune hnei epuni hna pi ithahnatan. [Amamane ju la itre mekune hna troa ithahnatane hnine la itusi Connaissance.] Hapeu, nemene la taan hnei epuni hna ajane tro so a pane ce ithahnatan?” Treqene ju troa iëne hnene lai atr. Thupene lai, fe jë la itusi ngöne la mekene hna iën, nge nyiqaane etidi jë hnene la pane paragaraf.
7 Hanawange la ketre aqane troa nyiqaane mekötine la itre etid:
◼ “Eni a hamë ini ngöne Tusi Hmitrötr, pëkö thupen, nge hetre traemenge fe kowe la itre xane ka hane pi etid. Kola ixatua hnene la itusi celë troa trotrohnine la ini qa hnine la Tusi Hmitrötr. [Amamane ju la itus Connaissance.] Troa ini ngöne hi la itre hnepe treu ne la macatre, nge kola sa la itre hnyinge tune la, hna hape: Pine nemene la Akötresie a nue la akötr? Pine nemene la easë a qatre me mec? Nemene la ewekë ka traqa kowe la itre atr hne së hna hnim? Nge tuneka la aqane tro së a easenyi Akötresie? Ijije kö tro ni a amamane koi epuni la aqane troa inine la Tusi Hmitrötr?” E thaa pi etide kö la atr, hnyingë angeice ju ka hape, thaa ajane jë kö angeice troa hane xome la itus Connaissance me ketre hane e caasine pëhë.
8 Drei la trengamo ka tru thatraqane la itre atr, ka kapa la nyipi atrehmekune i Akötresie me keriso! Ame la troa kapa hnyawa ej, ke, kolo hi lai a hape, mele ka thaa ase palua kö ngöne la itre aqane mele ka lolo me ka meköt. Loi e tro së a ami ijine hnyawa ngöne la treu Nofeba, matre troa ithawakeune memine la itre xaa atr la atrehmekun, jëne troa mele ka thaa ase palua kö.