Hna Ini Së Hnei Iehova
1 Kola haöthe enehila la 233 lao nöj, hnene la ketre programme ne ini qa thei Akötresie. Thatreine kö la fene celë troa hane hamëne la ketre ini ka tune lai. Iehova fe Atre ini ka draië, a amamane la aqane tro së a kepe thangane ka loi qa ngön enehila, me epine palua fe.—Is. 30:20; 48:17.
2 Itre Ini Qa thei Akötresie: Tro sa ce wange la itre ini hna eköthe trongën, nge ka hetre thangane ka loi kowe la nöje i Iehova. Hetrenyi la Icasikeu Ne Ini Ne Cainöje Trootro Qa Thei Akötresie, hna kuca ngöne la nöjei wiik, hnine la 87 000 lao ekalesia; kola inine la itretre cainöjëne la Baselaia, itre milio la etrun, troa atreine tro fë hnyawa la maca ka loi. Hane fe kö epuni sine la ini cili? Epuni fe kö e hnine lo itre trejine ka ala nyim, ka hane sine hë la lue wiike ne Ini Thatraqane la itre Pionie? Maine jë tro ha aijijëne la itre trejine ka ala nyimu catre troa pionie, nge ijiji angatre fe troa hane sine la ini cili, ngöne laka, hna acone hë la etrune la itre hawa nyine troa kuca hnene la itre pionie lapa. Hna kuca fe enehila e cailo fene la Ini Thatraqane la Itre Drikona, ngöne la itre qene hlapa ka tru; ini la hna hnëkëne thatraqane la itre qatre thupe me itre drikona ka thaa faipoipo pala kö, matre tro angatre a kuca hnyawa pala hi la itre hnëqa ka tru qa thei Akötresie. Kolo pala hi a kapa hnene la nöjei qatre thupe asë memine la itre drikona, la ketre ini ka sisitria, jëne la Ini ne Cainöjëne La Baselaia.
3 Hna xupe fe la itre uma e Patterson (New York), hnë ini ka tru hna kuca hnene la Société Watchtower, thatraqane la köni ini ka ketre pengöne kö; kola troa canga hamëne la itre ini qa thei Akötresie. Ame koi Gileada (Ecole biblique de la société Watchtower), ke faifi lao treu ne troa hnëkëne la itre mesinare göi troa cainöje ngöne la itre xaa nöje pena ha. Hna hnëkëne fe la lue treu ne ini thatraqane la itre atrene ne Kometr ne la itre Bethela, hna hnene eje e Brooklyn, iwahutine la organizasio. Ame ngöne lo treu Mei 1999, hna nyiqaane la ketre ini ka hnyipixe, hna hnëkëne thatraqane la itre qatre thupe ka wange la itre ekalesia; ala 48 angatr, qaa Etas-Unis me Canada, angetre pane nyiqaane la ini cili, nge lue treu i angatr. Kolo asë hi a kapa hnene la itretre nyihluei Iehova, la itre manathithi ka tru qa ngöne la itre ixatua hna hamëne hnei Nyidrë, jëne la itre ini ka isapengöne cili.
4 Nemene La Kepine Matre Kola Ini Së? Hna qaja hnene la ketre atrene la Collège Central, ka hape: “Ame la ini hna eköthe enehila, ke, eje a troa aijijëne la itre atrene la nöje i Iehova ngöne la nöjei götrane ne la fen, matre tro asë hi angatre a macaje ngöne la ua, tune la hna cinyihane ngöne Ite Edomë 1:1-4.” Epi tro Iehova a hamëne pala hi koi së isa ala caasi “la sesepeneqë hna inin.”—Is. 50:4.