Catre Pi Së Troa Kepe Thangan La Ite Zonale Së La Tour de Garde me Réveillez-vous !
Pine laka, thaa easë hmaca kö a abone la itre atr enehila la lue zonal, La Tour de Garde me Réveillez-vous ! haawe, loi e troa xecie hnyawa koi së laka, pëkö caa numero ne zonal hna troa trian hne së memine fe la itre atr së hna cainöje kow.
Itre Sipu Zonale i Epun: Ame hë la kola fenesi hna abone, aelëne jë la etrun la itre zonal hnei epuni hna komaadën hnine la ekalesia. Loi e tro la itre keme me thin a komaad hmekun la etrun la itre atren la fami, matre tro asë hi angatr isa ala caas a isa hetre zonal. Maine tro fe epuni a cinyihan la ëje i epun ngöne la sipu zonale i epun, eje hi lai laka, thaa tro kö a imenune ej memin la itre xaa zonal nyine troa tro fë ngöne la hna cainöj. Ame ngöne la kola traqa la komaad hnine la ekalesia, tro la trejin ka cilën la itre zonal, a canga wang matre troa hamën itre ej hnine la Uma Ne Baselaia.
Itre Gojenyi Ne Zonal: Loi e tro la itretre cainöj a catr troa hamën pala hi la itre zonal, kowe la itre atr ka ajan troa hane kapa itre ej. Maine tro së a isa tro fë la itre zonal kowe la itre atr ka majemin xom itre ej, eje hi lai laka, ketre ijine tro hi lai a akökötren la aja ka ej thene lai atr, me hane nyiqaan etid me angeic.—Wange ju la Huliwa Ne Baselaia ne Okotropa 1998 götrane 8.
Ame Koi Itre Ka Trene Sipu Aja: Maine hetre nyipi aja thene la ketre atr ngo thaa hna athipe kö la teritoare cili koi së, haawe, e cili loi e troa abone angeic. Maine kola lapa hnene la ketre atr ngöne la ketre teritoar hna thatreine troa ketr hnene la ekalesia ngo ka ajan troa kapa la itre zonal, haawe, ce ithanatane ju pena la ewekë cili memine la Kometr Ne Cainöj Ne La Ekalesia. Maine ka loi hi, abone ju hë lai atr ka ajan. Hane la pepa nyine troa xom thatraqane lai, itre pepa göi troa abone (M-1 me M-101).
Loi e tro sa mejiun laka, tro Iehova a amanathithi së pala hi qa ngöne laka, easë asë a catr troa ahlemun la Baselaia jën la itre zonal, La Tour de Garde me Réveillez-vous !