Ketre Video Ka Amamane Hnyawa La Aqane Huliwa Ka Tru Ne La Itre Droketre
Kola wanga atrun hnene la itre droketre memine la itre ka amekötin la nöj, la aqane waiewekë memine la isa musi ne la itre ka wezipo. Matre hna amamane la itre aqane inyië ka hnyipixe nge ka nango easenyi kowe la hna troa kepe thangan ka loi hnene la Itretre Anyipici Iehova. (Ite hu. 15:28, 29) Celë hi ewekë lai hna amaman atrun ngöne la video, Soigner sans transfuser — Besoins et droits du patient. Goeëne jë, nge thupene lai, wange hmaca ju la hnei epuni hna inin.—Ithuemacany: Pine laka nango jol kowe la itre nekönatr ka co la itre xaa hna troa amaman hnine la video, haawe, loi e tro la itre keme me thin a atreine waiewekë.
(1) Pine nemen matre kolo hmaca wange hnene la itre xaa droketre la aqane mekune i angatr göi xomi madra? (2) Hamëne jë la köni ceitun ngöne la itre aqane ixöj ka jole catr, hna kuca nge pëkö madra hna hamën. (3) Ije droketre ixöj e cailo fen ka amaman la aja i angatr troa xöje la itre ka wezipo ngo thaa tro kö a hamë madra? Pine nemen matre angatr a ajan troa kuca tune lai? (4) Nemene la ka mama ngöne la itre pital göne la aqane huliwane la madra? (5) Nemene la itre ethan la xomi madra ngöne la kola inyiën la mec? (6) Nemene la hna qaja hnene la itre droketre ka nyimutre, ngöne la itre thangane ka loi hna kapa qa ngöne la troa isa iën la xaa aqane troa nyinyin la meci së hune la troa xomi madra? (7) Nemene la qaan la mec hna hape ka anémie? Nemene la ifego nyine troa melën hnene la itre atr hna tith hnene la mec hna hape , nge thaa tro kö a hetre ethane koi angatr? Nemene la nyine troa kuca matre thaa tro kö a sasaithi tulu? (8) Nemene la aqane troa kuca matre troa akökötren la etrune la itre globules rouges ngöne la ngönetrei ne la ketre atr ka wezipo? (9) Nemene la itre hna kuca ngöne la kola xöj la ketre atr, matre thaa tro kö a tru la madra ka neni menu? (10) Hapeue la kola nyinyin la meci ne la itre nekönatr maine itre atr pena hna nyinyape fë a tro pital, ka loi fe kö koi angatr lo lai mekun, ene laka troa isa ië hna ajan? (11) Nemene la ketre trepene meköti ka tru ka ketr la mele ne la atr, nge aqane inyië ka loi? (12) Pine nemen matre nyipi ewekë catr kowe la itre Keresiano troa canga mekune la aqane inyië hnei angatr hna troa xom? Tro sa kuca tune kaa lai?
Isa qanyi së kö thenge la mekuthethewe së hna inine hnei Tusi Hmitrötr, troa isa iën la itre aqane inyië hna amamane ngöne la video. Hane kö epuni axeciëne la aqane inyië hnei epuni hna troa xome thatraqai epuni me itre nekö i epun? Loi e tro mina fe a thuemacane hnyawa la itre atrene la hnepe lapa ka thaa hmi kö, ngöne la itre mekun hnei epuni hna axeciën memine la itre kepin thatraqai angatr.—Wange ju la “Hnying Ne La Itre Ka e” ne la zonal La Tour de Garde ne 15 Juun 2004, me 15 Okotropa 2000.